مجبوس الربياااان النااااطع يمي يمي و مرقه السمج والسمج المقلي والطحينه الحامضة بالصور

[غنوة ستايل]

قوووووووووووووووووووووووووووووووووووه بنااااات شلووونكم

ادري ياقلبي مقصره واااااايد معاكم .. بس المشااااغل

شوفوا اليوم غدانا ايهبل ....

مجبوس الربيان .. مع السمج ... النويبي .. يهبل .. ومرقه سمج ... و صلصه الطحينه ( الهرده )







مرقه السمج


بسم الله الرحمن الرحيم

الطحينه النوع العادي الصيداوي احلى نوووع
احط منه شوي بالصحن العميق
واحط الملح
و عصير 2 ليمونه
واحوسه شوي
يصير ثقيل
اجيب ماء بارد من البراد
واكااااسر الماء شوي شوي
واحووووس
مني ليما اوصل للثقل و السماكه اللي انا ابيها
يعني انتي تتحكمين بغلاظه الطحين عن طريق اضافه الماء و الحووووس
بعدين فص ثوم مطحون .. و اي خضرا خضرا موجوده ( شبنت ـ بقدونس ـ كرفس ـ كزبره ) الموجود !


السمج ..
السمج منظف وخالص من الرجال
بس انا اغسله بالطحين .. والخل ...

و اسوي التتبيله :
كركم ـ بهارات السمج ـ ثوم ـ فلفل اخضر حار
كله اطقه بالهاون ..
واحشي السمجه فيه ..
وارش الليمووووووووون والملح بعدين عند القلي ...

طبعا راس السمجه انا قصيته .. وخليته للمرقه

الراس مال السمجه ...
تنظفينه عدل . وتقلينه بالزيت الغزير
بعدين تخلينها بالصينيه ( اللي تبين تسوين فيها لامرقه )
الحين بالمقلاه
زيت وثوم و بصله
و خليها تذبل
بعدين 4 طماطم مقطع صغار
وخليها تذوب .. وزيد الماء و المعجون نص علبه
و نوعين خضرا حطيت الشبنت ـ و الكرفس ..

و صار عندي خليط حطيته باالبايركس فوق روس السمج
ودخلته الفرن بعد ما غلفته بالقصدير ...






لعمل العيش :
نغسل الربيان عدل .. انا شخصيا اغسله بالطحين الابيض و الخل . والماء الفاتر
واشيل الخيط الاسود اللي بالظهر ( تعرفون وسااخه )

المهم ..

جدر حجم متوسط ..

و حطيت بصل جوانج 5 بصلات
مع 4 فصوص من الثوم الى 6 فصوص ( احب الثوم بالاكل )
وخليته يحمس
زدت الربيان المصفى من الماء .. ( طبعا ني ) انا ما احب اسلق الربيان قبل الطبخ يضيع النكهه

و حسته مني ليما البصل صار لونه مكرمل ( بني ) و الربيان تشوح من كل الجهات ( صار لونه مثل لون البصل شوي ) بس طبعا للحين ما استوى ...

الحين نبدأ مرحله البهارات و السواء
احد الملح
والفلفل الاسود
و الكمون و الكركم والكزبره اليابسه ( ملعقة وسط من كل نوع )

بعدين سر الخلطه :
نص بطل دقوس احمر ( ابو 3 فلفلات )
و ربع كوب من صوص الصويا المعتدله ( هذا نوعي المفضل بلا منازع طعمه ايجنن )

و اسكر الجدر

بجذي الربيان لو ما كان للحين مستوى . البخار و البهارات .. كلها بتساعد انه يستوي بسرعه .. و ينضج من الداخل
و البهارات تتشبع مع الربيان ... و الخلطه ...


الحين شنو نسوي ... بعد 10 دقائق الى 8 دقائق استوى الربيان

نفتح الجدر .. بتلاقون الزيت .. و الماء تحسون صارت مرقه خفيفه ...

علي النار خلي الماي ينشف ... و الجدر مفتوح عشان البخار يطلع والماء يقل

بعدين نحط العيش اللي غاسلينه ... انا ما احب انقع العيش ( غيرت العيش استخدمت بوابه الهند )

بعدين زدت عليه الماء الساخن ( يعني سويته مجبوووس )

وزدت عليه كزبره خضراء مفروووووومه ربطه كاملة ...

و لما قل الماء وبدت فتحات تطلع بالعيش سكرت الجدر عدل .. و حطيته على النار الهاااااديه ...
وبعد 10 دقايق صاااار

يصير العيش بالشكل هذا



بعدين نقلي السمج عاااااااادي .. ونحطه فوق العيش ..

 

[جارة القمر]

ماشاء الله

تبارك الرحمن



تسلم ايدج


وعلييييييييييييييييييكم بالعافيييييييييييييييه

 

[غنوة ستايل]

ماشاء الله

تبارك الرحمن



تسلم ايدج


وعلييييييييييييييييييكم بالعافيييييييييييييييه

تسلمييييييييييييييييين ياقلبي

 

[على وجهها سمة الأبرياء]

تسلم ايدج

 

[^^دموع الكويت^^]

ماشاءالله شكله لذيذ
تسلم ايدج
يعطيج العافية

 

[سلالام]

تسلم ايدج

 

[لميس]

مبين السنع والمنع !!

الله يحفظك لعين تحبك!!

سلمت الايادي.......

 

[versace]

تسلم ايدج ان شالله بجربها

 

[الهاجريه]

تسلم ايدج
بصراحه شكله وايد حلو يوعتينا
وعليكم بالعافيه

 

[Ga6Wa Q8Ya]

وااااااااااااااااااااااااااااي انا يوعانااااااااااااااااااااااااا

تسلم اييدج شكله لذييييييييييييييييييذ بالعافيه

 

[ضحكة الدنيا]

يشوق
عليييكم بالعافيه
وتسلم الايادى

 

[camilia]

رووووعة

I'm drooling !!!!

 

[سبائك]

روعه ماشاءالله تسلم الايادي

 

[mngo67]

مشكووووووووووورة علي الطبخة السنعة
عجبني شكل العيش نثري

 

[دنيا كفى الله شرها]

ماشاء الله شكله لذيييييييييذ

يعطيج العافيه وتسلم هالايدين ياااارب

بس بسألج الطحينه تحطينها على المجبوس؟

 

[hmama]

ما شاء الله

تسلم ايدج

شغل عدل

 

[meshmeshaa]

يوعتيني تسلم ايدج

 

[دلوعه زوجها]

تسلم ايدج حده يشوووق
عليكم بألف عافيه

 

[غنوة ستايل]

ماشاء الله شكله لذيييييييييذ

يعطيج العافيه وتسلم هالايدين ياااارب

بس بسألج الطحينه تحطينها على المجبوس؟

لا يا قلبي
الطحين طبق جانبي ... يعني مكان المرق اتهبل
حامضة . و ملحها حلو . و الخضرا اللي فيها روعه . وفصل الثوم يسوي شغل
استخدم الطحينه مكان المرق . فهمتي ..

ومرات اذا لي خلق .. اسوي سلطة كامله ( طماطم وخيار و غيره ... ) و احطه فوق الطحينه واكثر الكمون والكزبره اليابسه المطحونه.. جذي احسنها محل سمج يقدم لج الاكله هذه .. انا من سنتين اكلتها في الاسكندريه اتجنن بلا مبااااالغه

 

[Snow angel]

ماشاء الله تبارك الرحمن

وربي هذا العذاب المعتق بعينه

يسلمو هاليدين ياقلبي