غنوة ستايل تكفين نفسي اسوي لزوجي الشغل هاذا يحب السمك بس انا ماعرف اسويه كل شي اعرفه الا السمج ماجي صوبه لو اتبع طريقتج بالضبط تهقين راح تضبط معاي انا مره سويت نويبي بس ماستوا عدل من داخل تكفين فوليلي شلون الزيت لما ابي اقلي يكون النار مرتفعه ولا اوطيها وبعدين اعليها تكفين فيدني والحين بطني توصوص لما شفت الصور تسلم ايدج والله
شوفي ياقلبي اقولج الخطوات من البدايه ..
اول شي السمج يوم تجيبينا من السوق .. اهوا الرجال ينظفه لج . و يشق لج السمجه من النص يبطلها فهمتي ! عشان تحشينها حسب نوع السمجه .. اختاري السمجه تكون حجم وسط .. ( لانج بتقلينها يعني خليها تستوعب المقلاه )
الحين جبتي السمج .. لو جبتي كميه .. لا تغسلين السمج ولا تخلين الماء يحوشه بدمه وقرفه .. وزعي بكياس شفافه .. و الاكياس حطيها بكياس نظيفه ثانية وخلي بالثلاجه ... لازم ما يحوشه الماء
لو تبين تطبخين من المثلج .. اطلعينه من الليل بره الثلاجه عشان يذوب من غير الماء
او تنقعينه بالماء .. الفاتر عادي من لحنفية مو حار .. ويكون السمج مغلف بالجيس ( لا تخلين الماء يمسكه ) عشان اللحم مال السمج لا يخرب ...
المهم نفرض ان السمج طازه .. غسليه عادي بالبيت ...
بعدين سوي التتبيله :
ثوم ـ كزبره يابسه مطحونه ـ كمون مطحون ـ ابهارات السمج ـ فلفله خضرا حاره ..
الثوم المهرووس يجنن ( مع الليمون عصري عليه الليمون )
واحشي السمجه من الداخل !
وخليها بالثلاجه .. لمدة 1 ـ 3 ساعات .. بعدين طلعيها وقلت القلي
اختاري العين اللي بالخلف مو الصغيرة الوسط
وحطي المقلاه . وكثري الزيت
الحين جيبي صحن . وحطي فيه طحين ابيض
غلفي قطعه السمج بالطحين من كل الجوانب ( بس تصبغيها باللون الابيض )
بعدين حطيها بالمقلاه .. انا احط 2 سمجه بوقت واحد ...
وما اقلب . ولا امسج لسمج
بس بالقفشه اخذ من الزيت الحار اللي بالاطراف و اشيل و اغرق السمجه من فوق !
بعدين لما احس ان السمجه تحمرت اقلبها عشان لا تتفتت معاي .
واقصر النار شوي .. و اخلي الصوب الثاني يستوي على كيفه و نفس الحركه اشيل من الزيت واحط فوق السمجه بالقفشه ..
كل صوب يبي له 4 او 5 دقائق مو اكثر .. تحسين السمج انكمش .. ولحمه صار ابيض حيل اهني تكونين متأكده انه استوى خلااااص
بس المهم لا تكون السمجه عريضه ( سميكه ) .. الافضل انج تقصصينها قطع ..
يعني السمجه تكون 4 قطع الذيل الراس و قطعتين للنص .. وتقلينها
وبس
