مجسم مطار

[katkota2]

بنات عفيه ساعدونيييييييييييييييييييييي

ولدي بخامس وابلة الانجليزي طالبه من كل طالب يتكلم عن وظيفة المستقبل وييسوي مشروع صغير او مجسم عن الوظيفه,,

فولدي اختار كابتن ويبي يسوي مطار,,, ابيكم تساعدوني وتعطوني افكار شلون اسوي المشروع ,,,, والمشكله انها تبي

الشغل يوم الخميس ):

بليز ساعدونيييييييييييييييييييييييييييييييييييييييييييي

 

[بنوته@كيوته]

حياتي انا حاولت اساعدج بس على قدي :eh_s(22): لا تزعلين منني ويا رب الفكره توحي لج بفكره ثانيه انشالله





اول يبي كرتون وحاولي تفتحينه بهالطريقه وجلدي الارضيه بجلاد مناسب


ولوح 1 ولوح2 سويهم نفس هالصوره




جلدي بلون ثاني علشان يصير طوفه



وبعدين لوني لوح 3 بلون رمادي علشان يصير نفس الاسفلت (قار) شوفي هالصوره





وضيفي اكسسوارات طاولات ولوحات والعاب جناط وشويت فناتق وحاولي تثبتينهم عدل بشمع باتيكس او اي ماده لاصقه تكون قويه

(ملاحظه: بمحلات الالعاب تلقين العاب مطار جاهزه بالطيارات والمسافرين ممكن تسهلين على عمرج تيبينهم وتلزقينهم على
المجسم على طول)

(ملاحظه: حاولي يكون صغير وخفيف وثابت وحطي بعض الكلمات الإنجليزيه مثل airport, luggage,plane علشان يصير المجسم تعليمي ومفيد)


يا رب اكون افدتج او اوحيت لج بفكره ويا رب البنات يفيدونج اكثر :eh_s(21):​

 

[أم وهااابي]

مايبيله شي اخذي فلينه كبيرة بالمكتبه و اذا بتقصينها سخني سجين على الجوله و قصي على الشكل الي تبينه صبغي صبغ رش من لوازم العائله و اشتري العاب طيارة و توابعها و لصقي بالمسدس الشمعي بعد بلوازم العايله يبيعونه مع الشمع ,,,, و ان شالله تستفيدين مني :sfg:

وحطي خنشووووفه ,,,,,​

 

[katkota2]

رد : مجسم مطار

بنووته كيوته وأم وهابي يعطيكم العافيه على الافكار الحلوه ,,, انا حايسه للحين بهالمطار وان شالله بس اخلصه راح اصوره وانزل الصور هني اذا عرفت

 

[قمر الكويتية]

رد : مجسم مطار

الله يعينك

 

[bnt_kwt]

رد : مجسم مطار

بغيت اقولج عن مكتبه السنافر
كل شي يسوون ومكانهم بالاندلس

 

[katkota2]

رد : مجسم مطار

أشكركم عالردود ويعطيكم العافيه...

وأخيييرا خلصت المشروع بس ماني عارفه شلون احطلكم الصور؟؟

 

[شموااهـ]

رد : مجسم مطار

الله يوفقه