ياليت تكتبين تفاصيل رحلتج اذا ممكن
حاضر ومن عيوني
انا رحلتي كانت لاستراليا وسنغافورة ترانزيت قبل استراليا بيومين الثالث سافرنا والردة قعت 3 او 4 ايام ماني ذاكرة بنفس اليوم الوصول القايد ودانة رحلة سفاري قال لانها موعدها بالليل وما في وقت وكانت الرحلة حلوة
وثاني يوم رحنا سنتوزا
سنتوزا جزيرة وايد حلوة واهي المكان الوحيد الي بسنغافورة لان سنغافورة صغيرة وما فيها اماكن سياحية وتقدرين تروحين لها بسيارة او تلي فريك او بالعبارة
وعلى حظنا حسافة كانت التلي فريك خربان ورحنا بالباص بس المكان وايد حلو أول شي يدخلونج بسينما 4dوايد حلوة وبعدين يودونج عروض الدلافين حلو وفي اكواريوم اينن وآخر شي في عرض الليزر
يقعدونكم على مدرجات وتجابلون البحر وبالبحر حاطين اكواخ من الخيزران اتونس مسوين لج جو وايد حلو ويستعتعرضون لكم والعرض لايطوفكم وفي سي دي اذا حابة تشترينة للذكرى
وباجي الايام كله بمجمعاتهم كل مجمع اكبر من الثاني وحتى النفق لما تعبرين الشارع يكون النفق 4 سراديب من كبر المكان
وبضاعتهم وايد حلوة بس اسعارها نفس لكويت مو رخيصة وان شاء الله تروحين وتستانسين بصراحة انا ودي اروح لها
وفي مجمع يم فندقنا انا سكنت في اورشارد الفندق وايد حلو وراقي ومع الريوق بس ديري بالج مو كل الاكل حلال
في مجمع اول ما تشوفينة طبعا تمشين على يسار الفندق يكون بالدور الارضي جناط ومكياج والدور الثاني ملابس نسائية والدور الي ثالث ملابس رجالية وفوق كلش ملابس اطفال واكسسوارات وماعين البيت وايد حلو وبالسرداب جمعية
لاتشوفونا شلون خايفين نقط شي عشان مايخالفون هههههههههههههههههههههههههههههههههاااي المهم انشالله استكشف اكثر واستانس لان شوي غريبه
