مجمع التنين شنو فيه

[ghalaty]

السلام اشلونكم بغيت استفيد من الي زاروا مجمع التنين الي بدبي قولولي شنو عنده من بضايع لالني بسافر وودي اشتري منه بضاعه بليييز لا تبخلون علي بالرد

 

[sKyLiTeGirL]

وعليكم السلام حبيبتي مجمع التنين انا زرته قبل سنتين تقريبا

ماشفت شي يسوا حق بضاعه وتعب موطبيعي على ماتفترين

المجمع كله من كبره

بس اللي عجبني فيه الكفرات روعه بس غاليه واهي صناعه صينيه صج ماتسوا!!!!!!!!!!!

بس هذا اللي أذكره

ان شاء الله البنات اللي راحو له جريب ايفيدونج حبوبه

 

[ghalaty]

شكرااا على الرد بس قصدج الكفرات اللي عليهم احرف الماركات ؟؟؟وجم سعرهم

 

[sKyLiTeGirL]

لا حبوبه ماشفت اللي تقولين عنهم انا اقصد الكفرات اللي اتيي ست كامل

وياها الأباجوره ومكرم اللي يقرا زباله والكوشيات وباجي ......الخ

كانت ديزايناتهم حلوه وايد بس أسعارهم من 2000 درهم وطالع >>>>طيحها من عيني انها صينيه

اي وذكرت فيه محلات ملوت أدوات المساج هذيل استانست عليهم وخذيت منهم جم شغله

وفيه جهاز خذيته منهم>>التنين ... مساج تمسكينه باليد الحين متوفره بمعظم الصيدليات

ومت من الحره لمن لقيته بمجمع سيتي سنتر أرخص ب30 درهم!!!!!!!!!!!!

بس ما أدري عن المستجدات اللي صارت ::::::يعني هالحجي من سنتين!!

 

[sKyLiTeGirL]

حبيبتي اذا سفرتج بعد اسبوع اقدر أفيدج

على أساس رفيجتي بتسافر وبسألها لردت شنو فيه بالضبط

 

[ghalaty]

اي سفرتي احتمال بعد عشر ايام اكون لج شاكره لو تسألنها

 

[pretty86]

المجمع صج وااايد كبيير بس فيه وااايد اشياء و باسعار رخيصه


فيه اكسسوارات ... و اكسسوارات الموبايلات و الكمبيوتر و ملابس ... هذا اللي اذكره

 

[ghalaty]

واااااااااااي شوقتوني على المجمع

 

[فناتق^كويتيه]

انا رحت له قبل 3 اسابيع

بصراحه مايسوى

وباقو تليفوني اهناك كان نوكيا n95 توني ساريته قبل لااسافر

انا كنت مبطله جنطتي والظاهر لطشوه اهناك !!

وكل شي غالي والله مو مثل ماتوقعت

مايسوى تتعنين له والله

 

[ghalaty]

احترت الحين اروح والا لا بس يريت اعرف شنو فيه نوع من الشرح المفصل

 

[بدر البدور.]

ماااااااااااااااااا أنصحج فيه نااااااااار

ورديت عليج بالشرح الكافي

:tek:

تقبلي مروري​

 

[نور×نور]

شوفى حبيبتى انا اكثر شى عجبنى فيه الاكسسوارات والجناط وايد رخيصة والله العظيم جناطهم تهبل واسعارها حلوه على 50 و80 درهم والاكسسوارات رخيصه وحلوه مثل اللى يبيعونها الحريم لنا بالمعارض دبلات السعر وحتى جناط السفر غريبه وحلوه وتشكيلتها كبيره حيل اعتقد انها عند بوابهG بصراحه حيل حلو بس انا رحت له قبل سنتين وشوى كان حيل رخيص ولما رحت الحين انصدمت بغلاء الاسعار بس بينى وبينج هم ارخص من سوقنا ومعارضنا

 

[costa chic]

انا السنه الي طافت رحت له فيه كل شي الي يسوى و الي ما يسوى

 

[ghalaty]

شكرااا خواتي ادعولي بالتوفيق انا اذا يبت مابي الا الربح الحلال المعقول

 

[ما على الدنيا عتب]

مايصلح لانه غالي وماينزلون بالسعر كلمتهم وحده قطع ينشفون الريج.....
موفقه

 

[ورد وكادي]

أخذت منهم خاتم وسوار ب 5 دنانير

ولقيت الحريم يبيعونه بالمعرض تدرين بجم؟؟؟؟؟؟؟؟؟؟؟؟؟؟؟؟؟؟؟







15 دينار