محاضراااات الصبح ومحاضرات الليل ....

[FoFa stylish]

انا عندي اخذ 8 عادي بس ما اخذ بعد الساعه 3 اكتئب لان الاغلب بعد 3 يطلعون البيت و انا قاعده
انا سنه رابعة للعلم و كل سنة اقول ماراح اخذ 8 بس اشوف ماده 8 و مفتوحه و تخصص او الزامية تغريني و اسجل هههههههههه

 

[miss $_$ semsem]

انا سجلت هالكورس 8 لأن مضطرة بس كلشششششششششش مااحب محاضرات هالحزة يعني انا اللي يناسبني عصاري والليل
وبالنسبة لوقت الليل احبهم تحسين هدوووووووء

 

[Yuki]

حلاته المحاضرات الصبح تحسين نفسج حيييييية وفرششششش
ماحب المحاضرات المتأخرة
من 8 ليما 3 العصر واااااايد ممتاز

 

[MaKe-Up]

الاختلاف فيكم نصكم بنات جامعه نظامكم غير
و نظام الكليات غير

أنا مع قعده الصبح و ريلاكس أحلى
بس مرآت الجو ما يساعد غبار و حر فيكون الليل
أحسن

و مرات سحبه عالدوام لأن الجو يكون حلو خصوصا بالشتاء وقت المطر
ههههه

 

[كوكو شانيل.]

جربت محاضرات الصبح ٨ ماناسبني الوقت بتاتاً
ولا مره حضرت عالوقت كله متأخره الا مره مادري مرتين و ماكنت مركزززه مع الدكتوره وهي تشرح دااايخه ابي اناااام

احسن حزه بالنسبه لي من ١١ او ١٠ *

 

[عآليه !]

أنا أفضل 8 صجج لوعه قومة الصببح

بس احس أحلى لانه كل الناس معاي قاعده .. واخلص بدري يعني من 8 لين 12 اوكي

عقب الفتره اتفرغ لنفسي فالبيت ادرس اخلص واجباتي اطلع اخلص اشغالي اذا عندي شي

عكس لما يكون مسائي هو صج راحه واقعد ع كيفي بس احس الوقت ضيج وارد تعبانه ومالي خلق ادرس .. احس صعـبه وماراح ادرس عدل .. ومادري احس المحاضررات بعد 3 كأبه ومحد معاااي كانه بروحي فالجامعه عكس الصببح زحمه وتشوفين العالم معاج

 

[فـــخـــر]

اوك بنات قعدة الصبح خايسة مانختلف بس ع الاقل وانا طالعة

من البيت كل الاوادم طالعه معاي رايحة دواماتها مو العصر والظهر

الناس رادة وانا رايحة ماكو حياة نهائياً

 

[فـوووشية]

انا اللي الله يعيني " مستجده " وماعرفت

اضبط جدوولي حددده متعب وضغغغط علي

من الساعه 8 لحد الساعه تقريبا 5 ثلاث ايام بالاسبوع

طبععا مو حلو وادري راح اتوهق بالأمتحانات

بس الله يسهلها والله يوفقني ويوفق الجميع

 

[stop ana top™]

إذا ع الساعه 8 للأمانه حيل حيل تعب متى إقعد من النوم ومتى يمديني البس
بس شنسوي إذا لقيت ماده أبيها بهالوقت مجبوره أخذها
إذا ع التأخير ما جربت محاضرات متأخر ؤلأ فكرت أخذ بس مادري أحس الواحد ماله خلق ألمغرب :/

 

[الحورية الصغيرة]

أنا أحب كلاسات 8 دايما أحوال أخلي كلاساتي من 8 لما 11

عندي أخذ كلاسات 8 ولا أخذ كلاسات 1

8 وناسه أقوم على راحتي و المسافط عجيبه أسفط وين ما أبي و أسمه نغم الصباح

و احاول تكون أصعب ماده 8 عشان أكون فريش و أفهم عدل

 

[الحورية الصغيرة]

يعتممد ع الوحده ..

انا بمحاضرات الساعة 8 لي 12 ماااغبت وملتزمة

اما من 1 وبعد بددعت غياب اقدم عدل بالامتحانات بس الغياب لعب فيني


لوو ع كيفي ابي من 8 لكن ماافي مواااد كل الدكاترة حالفين ماينزلون الا الساعة 1 و 2

مليت اشوف الوقت بالسستم 14.00: 14.50 .. 15.00 : 15.50 ..

لانه شعبه 2 و طالع فيها 1200 زياده على المعاش

 

[~ روح امها ~]

مستحيل أخذ العصر لين المغرب اللا اذا اضطريت !!!

العصر والمغرب كله " طلعااااااااات " انا ماقدر ما اقاوم اشوف اهلي طالعين ومستانسين
والله ابجي

حلاته من 9 الى 2 او 3 بس

بس اذا ماكو شعب واضطرينا ماعليه الله يسهل علينا ويصبرنا

 

[فـــخـــر]

لانه شعبه 2 و طالع فيها 1200 زياده على المعاش

اها , الله يهنيهم بس لو ينوعون بالوقت شوي

 

[Miley-Cyrus]

انا مستجده وجدولي غصبن عني محطوط لي وخالص بس عجيب يعني اكثر محاضرة مبجرة تكون الساعه 9 ونص وفي ايام تبدأ من الساعه 10 وناسة واخلص 2 وبس اليوم الخميس اخلص 3 ان شاءالله الكورسات اللي بعده راح يكون جدولي نفس هالنظام اريح واحلى شي الصبح ونااااااسة ع قولتهم اقدر ارد واريح شوي وادرس واطلع عكس المسائي م يرتاح بالي الا لما اخلص محاضرات وشايلة همهم طول اليوم

 

[قَلبيْ صُويبكْ !]

أول كورس لي كنت ماخذه س8 وندمتتتتتتت !
يكفي إني بالعاشره والطريق طووويل مايمدي اقوم ابدل ووو


فـ انقرصت وقمت اخذ من 10 وورا أنسب وقت لي
والعصر حدي س3 افضل

كلاسات العصر بروحها تنوم : (

 

[عشى ماسر !]

عن نفسي افضل الصبح بس يكون الوقت 9ونص ولا 10
بس مرات نبي ماده ومانلقى الا 8 فنضطر ناخذها
بس اريح من العصر والمغرب الصبح احس وقت دراسه ودوامات
خذيت مرتين العصر وماعجبني ابد صح اني اروح مصحصحه بس العالم
طالعه وانا داشه ومن 4ونص تفضى الكليه وانا ماحب الهدوء بالكليه :d
ومويعني احب الازعاج لا احب تكون في حياة بالكليه وبنات رايحين وبنات جايين
والمغرب ماجربته وان شااءالله ماجربه لان اشوفه وقت طلعات وجمعات​

 

[ورور92]

والله حلاته طول اليوم تنامين لي الساعة 12
بعدين يبلش دوامج و تروحين الشارع فاضي .. والناس رادة

شنبي بالزحمة :s

شبعانة نوم و رويانة و قهوتج معاج و البس على راحتي و امزج عدل ..

غير الصبح لما اقوم 7:30 وكلاسي 8 !! اوصل مع الزحمة بالموت و توتر :/ ليش عاد

ولا شحادني اروح الكلية من 7 عشان اتفادى الزحمة