محاوله اختطاف ولدي

[للحين ناطره]

السلام عليكم
انا للحين مو مستوعبه اللي صار لكن بحاول

من يومين كنت ماخذه ولدي (4 سنوات) من المدرسه ورادين البيت
تناجرت انا وياه وتزاعلنا وقتله خلاص لاتكلمني انا زعلانه منك
واهو قالي انا بعد زعلان منج
ولما سفطت عند البيت مارضى ينزل من السياره
انا خليته ودخلت على اساس ان يدش وراي نفس كل مره
بس اول مادخلت قلت للخدامه روحي يبي فلان من السياره(مع ان منعادتي اخليه ليما ايدش بروحه ماطرشله الخدامه)
وصعدلي اهو والخدامه يبجي والخدامه مهستره
واهو يقولي انا كنت اناديج الحرامي بياخذذني؟؟؟
وانا اقوله عن الدلع ماعندنا حراميه
وخدامتي اتقولي لالالالالالالالالا
انا شفته ريال ايخرع شايل البيبي ويبي ياخذه للسياره والبيبي ايصارخ ويبجي
وانا صارخت عليه و بابابابابابابا وبعدين قط الولد وركب سيارته وانحاااااااااااااااااش
وااااااااااااااااااااااااااااااااااااااااااااااااي
بنات ماتدرون انا للحين شنو حاسه
حره وقهر وضيقه
خصوصا ان قعدت ريلي وقتله السالفه
بس ايقولي مابيدي شي
ديري بالج عليه ولا تخلينه بشارع بروحه
وولدي ايقولي الريال اللي ايخرع ليش بياخذني؟؟
كان بيطبخني وياكلني؟؟
وانا لليوم احس ودي اسوي شي بس مو عارفه شنو؟؟
الحمدلله ان ولدي نايم بحضني
الف حمدلله والشكر ان الله حفظ ولدي
واااااااااااااي
كل ماذكر اني قتله انا زعلانه لاتكلمني وان كان بيروح مني لولا ستر الله
احس اني بمووووووووووووووووت
ديروا بالكم على عيالكم
لاتخلونهم بروحهم حتى لو الدنيا نهار وعز الضهر
الله يحفظ لنا عيالنا ​

 

[فراااوله26]

امبيه الله ستر عليه والله يخليه لج روحي للمخفر وبلغيهم عشان يراقبون المنطقه ويصيدونه الله لا يوفقه

 

[shoshowoo]

وااااااااااااي صج قلبي قاعد يرقع من الخوف الحمدلله على سلامته وديري بالج عليه وبلغي المخفر احسن عشان يشددون اكثر

انتي باي منطقه ؟؟

 

[لؤلؤية]

الله ستر على وليدج
بس كان لازم تبلغووون وتعطون اوصافه....سيارته
عشان هذا ما يخاف ربه اكيد بيحاول يخطف طفل ثاني

 

[حلزونه]

يمااااا حبيبي ربي حفظه
حبيبتي انتبهي مره ثانيه ترا في ناس واايد نفوسهم ضعيفه ومايخافون من الله

 

[للحين ناطره]

انا قلت لريلي ايقول لا انا شفته ولا انتي
وولدي اصغير مو عارف ايوصف شكله او سيارته
وخدامتي نفس الشي اتقول من الخرعه مو عارفه اشلون صاير
انا احس ودي اسوي شي بس مادري شنو؟؟

 

[q8y-moon]

الحمدالله علي سلااااامته
بلغوو خل يراقبون المكان حتي لو الاشخاص المشبوهين
حسبي الله ونعم الوكييييل
الله يحفظ عيالنااااااااا يارب

 

[*ماي الورد*]

طلعي صدقة دفعة بلا

 

[! هُوْ وِينِه !]

الحمدلله على سلامته
ديري بآلج على ولدج حبيبتي
وأحمدي ربي ليل نهآر
دنيآ مآفيهآ آمآن

 

[حجابي جهادي]

الحمدالله على سلامته. الله يحفظه وجميع المسلمين

 

[للحين ناطره]

الله يسلمكم
الحمدلله
وصج الواحد لازم يدير باله حتى لو بالنهار وعز القايله

 

[اسرار الغلا]

لاحول ولاقوة الا بالله


الله يحفظه ويحفظ عيالنا يا رب

 

[عاالية]

ألف الحمدلله على سلامة وليدج
والله يحفظه ويخليه لج
لازم تعطون المخفرخبر
عشان يحتاطون

 

[ياليل مااطولك]

الحمد للله على السلامه

 

[الينبوعة]

الحمدالله على سلامت ابنج في ناس ما تخاف ربها اعوذ بالله ​

 

[ام شووووق]

لاحول ولا قوة الا بالله

احنا وين

 

[" ام حمود "]

يممممممممه خفت ، حطي باااااااااااااااااالج علييييييييييييه
خليه دايمااا تحت نظرج

 

[بدورة القمورة]

حبيبتي انتبهي مره ثانيه

لاحول ولاقوة الا بالله


الله يحفظه​

 

[كسرة عود]

الحمدلله على سلامته :yaaaaaarb:

 

[حب الرّمان]

اسم الله علي ديري بالج