محتاااااااره !!! تكفووون

[شذي الفردوس]

خواتي بنات ديرتي
شوروا علي ربي يفرج عليكم
انا رايحه ان شالله ماليزيا بعد العيد
وريلي كا يعرف شي بالتخطيط والخحوزات
انا ناويه ان شالله احجز من النت فنادق
ترى موقع اكسبيديا فضبببع واسعاره حلو ورخيصه
ما ادري في احد مجربهم؟؟؟؟ عشان اتطمن
بس ما اعرف الجزر شلون احجز لهم اروح بالطيران الداخلي والا باصات احلى؟ لان فيه باصات كشخه؟
السؤال من وين احجز ومتى ؟؟؟الحين احجز على اسيا اير ؟؟؟.... اذا باصات هناك احجز؟؟
والله ما اعرف اخاف اتوهق لان لازم احجز فنادق الحين بالنت واعرف امتى بنطلع من الفندق ومتى نوصل الفندق الثاني
شلون رتبتوا سفرتكم من مكان لي مكان؟؟!!
ساعدوني ربي يسهل اموركم
اختكم بوهقه

 

[عاشقة السفر]

حبيبتي ..

عاد تدرين أنا بروح مع أخوي وره العيد على طول شرايج نخلي الرياييل بروحهم ونهييت أنا معااج
المهم خل أفيدج : أنا حجزت عن طريق موقع booking.com وأسعاره عجييبه ولا تدورين غير هالموقع يعني على سبيل المثال الفندق إلي بحجز فيه في كوالالمبور بالكويت عن طريق مكاتب السفريات طلع علي 41 دينار الليلة لكن على هالموقع لقيته ب 27 دينار. يعني أنصحج في كوالالمبور قعدي في جراند ميلينيوم لأنه أغلب البنات إمدحووه.
السفر عن طريق AirAsia للطيران الداخلي أرخصلج بس إنتبهي للوزن لأنه ياخذون وايد عليج يعني نصيحه روحي الجزر أول وتمشي وبعدين روحي كوالالمبور وتسوقي والجزر عندج لنكاوي وقعدي فيها 4 أيام .

 

[caramela 85]

حجزي من موقع حجوزات يعطيج ارخص الاسعار وثقه انا مره حاجزه منه
واذا بتفترين بماليزيا اول شي ضبطي الفنادق واخذي الاوكي عشان مااتتوهقين وعقب شوفي الطيران الداخلي وهم تراا انا مجربه باصاتهم هناك وايد حلوه ورخيصه تحجزين من هناك

 

[دلوعة أبوهآ]

أنا بعد بسافر مثلك في العيد ان شاءالله ,,
وأنا اخترت الفنادق اللي ابيها من بوكينق بس للحين ماحجزت شي
باضمن الطيران الدولي أول وبعدين احجز حق الفنادق ,,

والطيران الداخلي فيه ناس قالوا لي من هناك احجز
بس مادري شلون بارتب حق الفنادق لو كنت باحجز من هناك ,!!!

سووري يالغاليه ماقدرت اساعدك
لأني انا للحين ماسويت شي ,,

بس ان شاءالله تلقين حد يساعدك وتتوفقي برحلتك وتستانسي ,,

 

[شذي الفردوس]

هلا والله بلي رايحين معانا
مشكوره عاشقة السفر خوش معلومات
بس انا سؤالي عن حجز الجزر شلون ومتى نحجز ومن وين؟؟؟ اخاف نتوهق لازم يكون مرتب عدل
نشوف ننطر البنات االحلوين لي مجربين يعلمونا

 

[^ حـلـــــوى و رهـــــش ^]

حبيبتي الجزر عادي حجزيهم من النت ..

يعني اذا تبين بينيغ .. كتبي بيننغ ..
وتطلعلج فنادقهم .. واختاري االلي يعجبج ..

انا السنه اللي طافت حجزت عن طريق Asia travil يمكن جذي اسمه ..
وايد رخيص ومضمون الحمدلله ..

الطيران الداخلي مثل ما قالت الاخت من Air Asia
بس اذا تبين باصات تحجزين من هناك .. وتلاقين دايم اماكـن بس حجزي العودة معاه أضمـن
ودايم الشيك اوت يكوون على الساعه 2 الظهر أو 3 ..
فـ ضبطي الفنادق على هالاساس ..


واي سؤال انا حاضره حياتي:eh_s(6):

 

[عاشقة السفر]

حبيبتي .. أول شي إنتي أي تاريخ بتسافرين ؟ شرايج تقوليلي متى بتسافرين ومتى بتردين وأنا أضبطج بجدول .. المهم عملي حسابج إذا فرضا بتسافرين تاريخ 20 تره توصلين ماليزيا 21 اليوم الثاني يعني أي رحله راح توصلج اليوم الثاني .
قتلج بالنسبة للفنادق حجزي بموقع بوكينج والطيران من موقع airaisa.com أو من الكويت هني عند أي مكتب سياحي