محتاجة لأفكاركم لهدايا الحج

[نبــــــــــض]

السلام عليكم ورحمة الله وبركاتة

مثل ماانتوا عارفين ماباقي شي على موسم الحج لهذا العام

بإذن الله نويت إني اادري فريضة الحج لهالعام مع الأهل

وإن شاء الله ربي ييسرها لنا ونأديها

طبعاً حبيت آخذ بعض افكاركم في تغليف هدايا التوزيعات ونوعية الهدايا إللي راح نوزعها على الضيوف بعد مانرجع من الحج

ناطره افكاركم الحوائية على احر من الجمر

ادري إنكم مابتقصرون​

 

[xxx]

مشاركة: محتاجة لأفكاركم لهدايا الحج

هلا نبوووووووض

أيوا يا حجة المستقبل

الله يكتبها لججججججججج


انسي فكرة انج تاخذين الهديا من مكه

راح تكونين مشغووووووله واصلا كل شي رافعين سعره هناااااااااك

خلصي شغلج قبل لاتروحين

والهديا معروفة

سجاده

حنــة

خلطة عربية

العاب اطفال

 

[رفرف]

مشاركة: محتاجة لأفكاركم لهدايا الحج

انا اقوول سيادة صلاة اللي معاها ثوبها ... ومصحف ... ورشوش حق البيت

 

[roz22]

السلام 00 الصراحة في كل البيوت فيها سجادة صلاة وماء زمزم و حنة و غيرها تبقين راي قولى لهم اني دعوة لكم في مكة و هذا احسن شيء 00 مع تحياتي

 

[نور النت]

ملفع ودهن عود او مخلط وحطيهم بجيس من ابو اميه وخلاااص وارتاحي

 

[زيـنـه]

مصاحف تكون في كيس قماش .. كتب دعويه مثل حصن المسلم و كتاب صغير اسمه 1000 سؤال يهم المراه تحطينهم في كيس قماش صغير .. للاقارب ممكن مخلط او دهن عود -رشوش للبيت -ماي زمزم -سجاده صلاه و ثوبها -ملفع -ساعه الفجر اللي فيها مواقيت الصلاة

و الله يكتب لكم الحج و يتقبل طاعتكم ان شاء الله

 

[جرح الليالي]

انا اذكر حق الحريم حطيت قطعة خام وحنه

والرياييل سجادة ومسباح

وبس

ونصييييحة جهزي الهدايا قبل لا تروحين الحج

 

[جرح الليالي]

اي صج وطبعا ماي زمزم من مكة
وتمر من المدينه

في كل جيس

 

[roz22]

السلام 000 انا بروح الحج مثلك00 الهدية لهم وهي عبارة عن معمول معجون الروقي مع مثبت للبخور وحطي معها قطعة معدنية او خشبية من آية من القران خذتها من -ارمز- حطية على فلين او صندوق او اكياس مكتوب عليها عبارة عن الحج و حطي بدخلها دعوة امسية دنيية 000و مع امسية سوى لهم عشاء الحج 000ومع تحياتي

 

[ضحكة الدنيا]

الله يتقبل منج ان شاء الله وتروحين وترجعين بالسلامه واحسن تجهزين الهدايا قبل لا تروحين واهى مثل ماقالوا البنات ​

 

[حبنا الله عليه]

وحده معاي بالدوام شسوت

شرت اجياس بو 100 فلس

وشرت كتيب أدعيه

ومساويك

وسجاجيد

وماي زمزم

وكلهم متوفرين بالكويت ضبطت شغلها كله وراحت الحج ولما ردت تقول ماشلت هم الأغراض ولاهم التجهيز شغلها وخالص .

حج مقبول وذنب مغفور ان شاء الله

ولاتنسينا من صالح دعائــــج

 

[النبيطة]

سوي مثل ماقالوا البنات جهزي اشياءك قبل ماتروحين بس ابقولك اللي عندي تعرفين الروسيات اللي يحجون يجيبون معهم مادري شتسمونهم زي الخف او الدلاغات مشغوله بالصوف حلوين وتدفي على قد القدم
خالتي حطت لنا حبتين كسر عود في صندوق فضي صغير من ابو ريالين او 100 فلس وحطت جلابيات معها وطبعا قبل ماتمشي بس اعجبتها الصوف اللي قلتلك عنها واشترتها جهزي كل شي اول

 

[ombaza]

انا اقولج شسويت وانتي اذا حبيتي سوي نفسي
طبعا قبل لا اسافر شريت من السرداب اللي بسوق الديرة سرداب الشايع
ملافع-- شالات--ساعات-- شبابييص--رشوش--بخور
كوودت شكثر طلع ب 30 دينار بس
رحت سوق بو 100 شريت كياس وشريت من الخام اللي بربع خامات متر كل واحد غير
خواتي يوم انا بالحج شرولي تعرفين التلفزيون الصغير والعاب يايهال وخرابيط وايد
اللي سويته يوم رجعت اني عزلت هداايي حق حمولتي و اهلي بعد
اي شفتي الخام اللي شريته قمت بقشت فيه هدايا حمولتي ستانسوو عالبقشه
شريت طوابع وكتبت على كل جيس اسم اللي بعطيها عشان مايفتر راسي
سلامتج انشالله الله يتقبل الله منج
اي صج كتبي اسامي الناس اللي وصوج تدعيلهم عشان ماتنسين من التعب

 

[dl3_wl3]

تصدقون بنات اللي صار السنه اللي فاتت شي مو طبيعي رحت حق وحده استقبال حج مو يايبه صويغ الناس اهم اللي ياييبين هدايا وهي حاطه بالطله بطوله صغار جدا جدا مزينتهم وتاخينهم وانتي طالعه مو مكلفه نفسها

 

[جارة القمر]

السلام عليكم

الله يسهل علينا الحجة هالسنة يارب




وأنا سويت مثل ماقالوا البنات

والحمد الله خلصت

 

[حـــــلا]

الله يتقبل منج ان شاء الله وتروحين وترجعين بالسلامه

 

[بنت الحزن]

حج مبرور و ذنب مغفور انشاءالله الله يباركلج بالحج و يسهل عليج يارب ادعيلنا

 

[Shestylet]

taqabal allah 6a3tech