محتاجة مساعدتكم الله يخليكم ويوفقكم

[++صدفة++]

السلام عليكم
شلونكم بنات ؟؟ عندي سالفة و حدي متوهقة فيها

إنشالله بعد اسبوعين بالضبط بسافر مع زوجي و أهله العمرة ومتفقين معاهم وخالصين
الحين يوم بطلت رزنامتي شفت أن الدورة بتييني قبل السفرة بيوم

وبجذي ماقدر أروح وياهم ولا أقدر أدش الحرم
الحين اللي أبيه منكم اللي تعرف شي يخلي الدورة تنزل قبل موعدها باسبوع عشان أخلص منها قبل موعد السفر
قبل كنت أخذ حبوب رفع .. بس الحين ماودي أخذ أخاف كثرتهم تأثر على الحمل بالمستقبل

بليز اللي تعرف لا تبخل علي وبدعيلها وآنا بالحرم إنشالله

 

[ام فواازي]

روحي الدكتوره وسألي احسن من بنت تعطيج خلطه تلعب فيج

 

[noorq8]

ماني متأكده بس بحثي بقوقل يقولون منقوع المسواك ينزلها ماني متأكده بحثي عن هالمعلومه وعمره مقبوله مقدما ولاتنسين الكويت من دعائج

 

[لدوووش1122]

هلا والله رااااح تنوررريناااااا قلبوووو
اشربي قرفـــه مفيده وتنزل الدورره وتوصلو بالسلامـه ياااااارب

 

[كاملة الدسم]

سالي دكتورة نسا حبيبتي

 

[صفاءء]

حبيبتي الكل يروح الدكتوره يسأل افضل هالشي ماينسأل عنه مايصير تسمعين مني ومن غيري

 

[الأميرة جوري]

ماكو الا حبوب الرفع افضل لان تنزلها مو زينه الرفع احسن

 

[عاشقة الاسلام]

دقي علي اي صيدليه وسأليهم وراح يوصفلج حبوب لتنزيل الادوره

 

[الفراشة 90]

الحسوو ينزلها بسرعه

 

[اميره1980]

سالي دكتورة احسن
اذا تبين الحمال لا تلعبين بروحج
موففففففففففقة

 

[دلوعة أبوهآ]

اسألي الدكتور آحسن

 

[هيراس]

اجلي السفره بكم يوم او لما تخلصين

 

[ام سلمان]

اسألي مختص احسن ولا صيدلاني

 

[سكتلز]

سألي الدكتورة ... نصيحة انك ماتخذين ادوية الرفع حدها تلعب الهرمونات لعب اذا كلش مضطرة خذيها ..او مالج الا الطريقة الشعبية والي هي دارسين مع ماي حااار وتشربين اكوااب منة والاناناس الطبيعي مفعولة قوووي ينزل الدورة وينظف الرحم عدل مدل ..... ومع الرياضة وكثرة المشي تنزل غصب ^_^ طبعا هاذي من تجربتي وتجربة بنات الاهل ......... وموفقة ان شاءالله وعمرة مقبولة مقدما ولاتنسينا من الدعاء .

 

[آجمل نسآء آلدنيآ]

حبوب الـprimolut

اعتقد انها تنفع بحالتج .. و سألي صيدلي عشان يفيدج

سفـره سعيده و تقبل الله طاعتكـم مقدماً

 

[Sweetq8]

موومن صجج

بايعه صحتج هالمور مايفيدج فيها غير المختصيين

لاتلعبين بعمرج ><

عصبتيني هههه