محتاجتكم وابي كلمه تريح قلبي

[نونو^الدلوعه]

قوه بنات والله من الضيقه اني قاعده اكتب ودموعي بعيني بنات انا تزوجت صارلي سنه ونص الحين وعندي ولد عمره 3 شهور الحين وانا توني صغيره عمري 18 سنه مشكلتي يابنات ريلي معاشه 812دينار بس عشان ماخذ قرض حق امه وجذي وتخيلوا بسرعه يقولي ماعندي طاروا يعني اسئله وين راحوا يقول طاروا واهوه يشتغل بوزاره الاشغال بس مايداوم نظامهم ينزل المعاش واهوه بالبيت والمشكله انه موقاعد يزينه يعني يعطيني مصروفي 100 وتخيلوا والله بسرعه تروح ال100 شنو اتسوي بهزمن والله انه مرات يكوت محتاج او يبي شي اركض حق امي عشان لا احط بخاطره بس موقاعده اشوف شي بالمقابل والله اني الضيقه ذبحني لان مرات ابي اشياء وايد كل وحده تحتاجها مثلا تغير جو سفره وشاليه حتى بس تخيلوا ولا شي يمكن مره سافرت معاه بس شهر العسل بس وبعدها ماكو بعيد ميلادي ماكو ولاشي يعني مرات اتمنى انه يسويلي مفاجاه يحجزلي شاليه بس ماكو حتى طلعتي من 40 ولاشي سوالي والمشكله اني لما اقوله دورك شغل ثاني دام انت مدوام وطول النهار نايم اخذلك دوام العصر على الاقل تساعدنا انا ابي سياره حتى سياره موشارلي يقولي لا مالي خلق او يصير خير والمشكله اي مضايقني اكثر امي الله يخليها لي اهيا الي تشتريلي الهدوم وايي شي ابيه وملابس العيد وكل شي بس والله مرات اتضايق انه ليش لي متى امي بتصرف علي والمشكله انه يقولي اشتغلي وشيلي نفسج بس انا موحلمي اني اشتغل على شهاده الثانويه خاطري اكمل قوليلي شسوي والله انه من كثر مااتضايق من تزوجت وانا ضغطي كله نازل ومااكل الكل يقولي انتي ضعفانه حيل امانه تساعدوني على الاقل بكلمه تريح صدري :0bee2e8d89:

 

[تعويذه الحب]

اول شي معاش ريلج ما فيه بركه كلش لان يستلم معاشه واهو نايم بالبيت يعني مو قاعد يحلل معاشه وثاني شي

امج مو ملزومه تصرف عليج وانتي مرا متزوجه

لج حل من الاثنين يا اما انج تخليج اهلج يكلمونه على المصرف وانه لازم ما يقصر معاج بشي او انج تشتغلين

على الثانويه وتكملين دراستج بنفس الوقت



الله يهديه ويسخره لج

 

[om MaRyooM]

هلا حبوبة


حاسة فيج والله .. بس نصيحة لاتاخذين من امج .. ترا مو حلوة بحق زوجج

اما اللي تنصحج ان تقولين حق احد يكلمه ترا كلللش موحلوة وعيبة بصراحة .. هالاشياء لازم تكون بحدود البيت فقطططط ماتطلع لبرة حق احد كلش كلش .. كلها فلوس مصيرها بتطير

لازم تقعدين معاه وبكل هدوء تصارحينه ..

شوفي انا قبل كنت مثلج يوم كنت بالجامعة .. كانت تنزلي من الجامعة ال100كل شهر هذي حق قسط سيارتي .. وكان يعطيني 70 !! وباجي الفلوس طايرة حق الجمعية ومطاعم واهله

عاد يوم اللي حملت قتله لازم ننسق مايصير جذي .. يعني عقب ماتخرجت قتله:
المصروف تزيده لي .. اما طلعات السوق ولما اكون معاه اهو يدفع
لازم نتصدق كل شهر عشان الفلوس يصير فيها بركة
ويبت خدامة
نحدد ميزانية للجمعية
يحدد مصروف لأمه .. لأن اذا كل يوم امه بتاخذ منه حشى مابقالنا من المعاش شي !!
كل ويك اند نطلع سينما ومطعم مرة وحدة
نشيل كل شهر مبلغ معين 50 او 100 حق السفر بالصيف



وبجذي تحسنت الامور ..

انا عطيتج من تجربتي عشان تعرفين شلون التنظيم بالميزانية يريح وايد

وخلي اي شي يدور في بيتج يكون بينج وبينه بس .. عشان تكبرين بعينه ويثق فيج ياحلوة

 

[اشتياق]

عشان مافي بركة لانه مايشتغل

حاولي تكملين دراستج او تتوظفين

هذي من عيوب الزواج المبكر عشان جذي أأيد الدراسة بعدين الزواج..

 

[نونو^الدلوعه]

مشكوره على رد بس انا فكرت اشتغل واكمل بس قالوا دام اسمي بالتطبيقي ماراح اقدر اشتغل لازم اسحب اوراقي من التطبيقي وصدقيني انا مومستانسه انه امي تصرف علي بس والله اني ابوس ايدها واقولها مابي مابي بس اهيا موراضيه

 

[نونو^الدلوعه]

انشالله مع انه مليت من التقاهم معاه بس بحاول معااااه ومشكووورين على الرد ويعطيكم العافيه

 

[نونو^الدلوعه]

مشكوره ام مريوم واكيد لان انا طول هالسنه ونص والله عمري ماتكلمت حق احد ولا شكيت الحال وصدقوني امي مااقولها بس اهيا من نفسها اتسوي هالشي والله اني اقوله واجذب انه ريلي مومقصر معاي بس عشان يظل كبير بعين اهلي وحتى اخواني مرات يحسون ويقولولي فيج شي اقولهم مافيني شي والحمدالله على كل حال

 

[mo0on-q8]

حبيبتي اول شي قولي ريلج انه يداوم عشان يصير معاشه فيه بركه وثاني شي
لاتخربين بيتج عشان الماده ماعليه اغلبنا بداية حياتنا تكون الماده عائق في
حياتنا وبعدها ربي يفرجها .. وانتي لازم تكملين دراستج عشان تتوظفين ..

 

[نونو^الدلوعه]

اهوه مو بمزاجه مايدوام بس دوامه فاضي محد يداوم والله انا مره رحت معاه مكان مهجووور يعني مرات يكسر خاطري يقولي انتي عبالج انا مستانس بس مهندس يقول متى ماابيكم ادق عليكم يقول ماافي احد بداوم بس مكاتب شسوي اجابلهم

 

[اميرة-الاحجار]

شكلكم ماتطلعون صدقه واساسا معاش زوجج مو محلل لانه مو قاعد يداوم ؟؟
نايم وياخذ فلوس على شنو ؟؟
وامج شكو تصرف عليج ؟؟ شالريال اللي يرضى بهالشي ؟؟
لازم تفهمين ريلج ان اهو المسؤل عنج وخليه عالاقل يعطيج بدل الايجار الي تمشيه الحكومه 150 دينار بدال 100
ولاتاخذين من امج لو شنو يصير قوليله بس ماراح اخذ من امي وانت مسؤل عني ترى باجر يتعود على هالطبع وحتى لو صار عنده بيكون متعود ان امج تصرف عليج
وانتي بعد حبوبه قدري ظروف زوجج الماديه تقولين ماعنده وتبين شاليه وسفر ؟؟
ترى الدنيا اكبر من جذي خلي طلباتج على قدج وعلى قد زوجج
الشاليه اقل شي بيكلفكم 150 واهو معاشه 800 وشوي شراح يبقالكم ؟؟
لازم تيمعون وتسوون تنظيم حق مصاريفكم مو كلشي تبينه تاخذينه بنفس الشهر
شهر ملابس شهر عطر شهر شيلات مو كلشي مره وحده

 

[نونو^الدلوعه]

ليش منو قالج اني ابي كل شي بشهر نفسه انا موطايله شي بالاصل ومومتكلمه واذا عن السفره هذا حق من حقوق اي زوجه موبس انا كل وحده بدنيا تبي تسافر مع زوجها واتغير جوووو يعني شسوي انا محتاره امي اتقول اذا ماخذيتي مني راح ازعل عليج طول عمري ولااكلمج وريلي مايحس عنده عادي كل شي عادي

 

[noorq8]

انزين هو ماقالج ليش ماخذ لامه قرض ؟؟
يمكن مزوجته بالقرض .
سئليه متى يخلص قرض أمه عالأقل تتضح الصوره عندج وتعرفين متى بتخلصون من القرض وخالتج قوليلها عن حالتكم خل تكون بالصوره وانتي اشتغلي ولاتنطرين التطبيقى لأن عندج بيبي فوينج وين الدراسه خل يكبر وليدج وعقب فكري تكملين.والله يوفقج.

 

[نونو^الدلوعه]

خالتي محد مقعدنه على الصفر غير خالتي ماخذه قرض من ريلي واخوه اتقولهم حق المشغل والسفره مع العلم انه خالتي حالته راهيه يعني فلوس عندها وانا ادري شايفه رصيدها بس ماادري ليش تاخذ منه واهوه يقول امي شسويلها وكل ماقالها لا قامت تدعي عليه وعلى ولدي وتطردنه بره البيت واحنا حالته مانقدر نطلع شقه اجار يعني بالعربي يا ريلي يسوي الي اهيا تبيه يا تعاملنه ازفت معامله وانتوا بالكرامه

 

[حلوه ولمآحه]

الله يكون في عونج ويفتح لكم ابواب رزقه يارب العالمين
مالج الا ربج تدعينه
وكلمي زوجج جود يقتنع ويشوف دوام االعصر

 

[الغاليه نونو]

حبيبتي اذا ريلج يحبج وشاريج لا تخلين الامور الماديه تأثر علي علاقتكم وتتعبين نفسيا من سالفه ماتستاهل اول شي قبل لا تقرين باجي كلامي اخذي نفس عميييييييييييييق وقولي يااااااارب


ثاني شي امه لها حق عليه والدينه ماتقدرين توقفين بينه وبين امه حتي لو يعطيها معاشه كله المشكله بريلج مو بالمعاش يمه
ريلج ربادي ومايحلل بيزاته علشان جذي مافيها ابركه سالفتج يبيلها نقاش وترتيب اوراق وتحطين دفتر وقلم وتكتبين معاه التزاماتكم الشهريه وتخصصين مبلغ لو 50 دينار شهريا للتوفير تنفعكم لاي ظرف من الظروف
ودام ريلج يبيج تشتغلين هذى فرصتج تكملين دراستج قوليله ابي اكمل وعقبها اشتغلي واذا رافض الدراسه شوفيلج وظيفه تشيلين فيها عمرج العوض ولا القطيعه عالاقل بالدوام بتشوفين ناس ونماين يديده وتنسين هالمشاكل اللي تمرين فيها وتغيرين روتين حياتج ومنها اخر الشهر بيدج بيزاتج تسوين فيهم اللي تبينه
وبخصوص امج الله يطول بعمرها لي شرت لج شي مو شين كل ام ودها تتحلا علي بنتها حتي لو هي عيوز

طولي بالج يمه اكثري من الاستغفار واكثري من التقرب لله سبحانه وخلي رضا الله بين عيونج بتشوفين التساهيل اتييج من رب العالمين

 

[حروف من ذهب*]

الله يعينج
بس حاولي معاه وكلميه

 

[pink Engineerah]

الله يعينج حبيبتي وترا كثر ما تضييييييق كثر ما تنفرج حبيبتي تصبري تحملي لين الله يفرجها

 

[غير كل الناس]

انصحك كملي دراسه بالاول دامك صغيره واشتغلي وعزي نفسك و100 انشاء الله فيها بركه بس حاولي تنظمين امورك والله يفرجها

 

[اميرة-الاحجار]

حبوبه ترى انا حاسه فيج الوحده بهالوقت كثر ماتشوف 100 دينار بالشهر مايكفيها
واكيد تشتهين جم شغله حالج حال البنات بس انتي عندج ظروف وريلج هاذي حالته الماديه ..
لازم تشوفونلكم حل حق الازمه الماديه الي انتو فيها بعدين اتي باجي الامور
اولشي ريلج شكله مو قد المسؤليه يمكن يكون توه صغير ومو فاهم الحياة الزوجيه صح .. مالنا شغل بهالشي
الحين سالفة القرض لازم امه تشيل قرضها الحين عندكم ولد هاذا اذا امه كانت قادره واذا مو قادره الله يفرج عليها امه وواجب يشيل عنها
ثاني شي ريلج لازم يحلل معاشه وهالشي مهم لازم تحطونه بعين الاعتبار تاكلون وتوكلون هالولد لقمه حلال عشان الله يوسعلكم بالرزق
انتي قبل لاتقولين مشتهيه شغله فلانيه ليش ماتفكرين ان زوجج معاشه مافيه بركه وان ياخذ معاش بدون مايداوم مو حلال ومتحاسب على هالشي ..؟؟
ثالث شي سالفة ان امج تعطيج حدها مو حلوه بحق ريلج حتى لو بتاخذين من امج لازم اهو مايرضى بهالشي انا وايد مستغربه ان عادي عنده
انتي قوليله لازم تشوفلك حل وامي ماراح اخذ منها بعد ويهي انقص جدام اهلي انتي ريلي وهذا واجبك مو واجب امي
اخذي فلوس من امج لايكون اشكره واهو راضي بالوضع
رابع شي لازم يكون لكم مبلغ شهري تيمعونه كل شهر عالاقل 100 دينار عشان اذا اشتهيتو اتسافرون ولا لا سمح الله صارلكم ظرف لاتتوهقون وتتسلفون او قرض ويكسر ظهر زوجج زياده
لازم تشترين الاولويات اللي تحتاجينها والاشياء الثانويه حتى لو اشتهيتها ماتضرج
ملابس على عطور على غيره تقدرين كل شهر تخلين 50 تشترين فيها و 50 مصرفج مع انه شويه لازم يزيدج 100 دينار ماتسوي شي

 

[فـلـفـلـهـ]

عيززززززززززززززززززززنا

نقول حق البنات بالمدرسه درسووووووووووا

مالكم غير شهادتكم مايسمعون .. والله العظيم نبح صوتي وانا أتكلم عن الدراسه مايسمعون همهم الزواج وبس

درسي وكملي دراستج مالج حل ثاااااااااني والا بتمين طول عمرج اطرين فلوس من أمج