محتاجتكم وابي كلمه تريح قلبي

[حياتي كلها لله.]

ادعي ربج يحط البركه في مصروفج
ولالاتفكرين توظفين وكملي دراستج
معاش700 د0 افضل من 270 د0
واصبري حبيبتي
وهذي امه مايصير يقوله لا
واغلب الناس مثلج
والمثل يقول مد الحافك علي قد اريولك

 

[يازمان العجايب]

توج حبوبه بسرعه مليتي انا تميت 8 سنوات على هالحاله قرض ايجار قسط بس تحملت عشانه وعشان انعيش لي متى التذمر بتعبين حالج واتعبينه
القرض بخلص واتعدل احوالكم وبترتاحون
طولي بالج موكل شي بالسهاله هذي حياة زوجية فيها الحلو وفيها المر

 

[brettey]

حاسه فيج انا يوم اتزوج كان عمري 20 وقبل اخر كورس بالتجاري وكان يعطيني 100 ونفس حالتج امي تعطيني وابوي الله يرحمه وحتى هدوم العيد ومن قرادتي قعدت سنه كامله انطر الوظيفه وتبهدلت بهدله وصبرت والحمدلله الله عوضني واشتغلت بالمكان الي انا ابيه وماخليت شي بخاطري الا وشريته ربي لك الحمد والشكر
حبوبه عليج بصلاه الليل والاستغفار والدعاء وال100 دينار الي يعطيج اياها تصدقي منها بمبلغ قليل وبتشوفين الرزق باذن الله اشلون بييج
وحطي ب google ادعيه توسعه الرزق وسوي لهم برنت وادعي والله الزاق
الله يفرجها عليج يارب ويوسع لج برزقج

 

[_ظل الياسمين _]

توكم باول حياتكم شوى شوى بتتعدل الامور باذن الله.

 

[SaD FaCe]

الله يعييييينج بس اقولج احسن حل مدام ريلج مو راضي انج تدرسين .. دوريلج على وظيفه زينه على ما تتعدل اموركم وعقب كملي دراستج ..

الله يفتح ابواب رزقه عليكم يارب

 

[new^mom]

عشان مافي بركة لانه مايشتغل

حاولي تكملين دراستج او تتوظفين

هذي من عيوب الزواج المبكر عشان جذي أأيد الدراسة بعدين الزواج..

معاج 100%

 

[برد ابو الذهب]

كلام ريلج عن الاشغال صح 100ب% انا اختي اهناك وماتداوم ومره رحت دوامها مهجور بس هي تحاول تجي بين فتره وفتره تقول احس راتبي حرام
وصبري لي تتوضفين وتشيلين نفسج وتستانسين من معاشج والحين حاولي تقزرينها

 

[ام جبولي]

الله يعينج رياجيل هالزمن ماكوو منهم فايده مالت عليهم بس تبين نصيحه مني اخذي شهاده ام 9 شهوور وتوضفي عليهاا وكملي دراستج مسائي وموفقه حبيبتي

 

[جوري 2007]

احنا نكرف والمعاش يطير مافيه بركة

هالدور قاعد بالبيت ، انزين ولنفرض انه مسؤولهم مايبيهم يداومون او بينهم تنسيق انزين خل يدور شغل الصبح او العصر
خل يتلحلح شوي ، لمحيله ان الريال موحلو قاعد بالبيت والبيت اصلا ناقصة اشياء وايد
لاتاخذين من امج لاتعودينه على جذيه صدقيني بعدين بيقولج اخذي من امج اخذي من امج
انا اشوف انه مصروفج ماشي حاله يعني يوفي لاني كنت آخذ نفسج والحمدلله كنت اعرف ادبر روحي بهالفلوس
وللعلم انا اموت بالماركات واللبس والكشخة بس الحمدلله قدرت اظبط ميزانيتي عشان لاارهق نفسي بس آخذ من احد لا مستحيل
فكرة الصدقة وايد حلوة " مانقص مال من صدقة "
بس هم لاتتنكدين ولاتنكدين زوجج وياج عشان يعرف انج زوجة سنعة
وانتي حسبالج انه رياييلنا يفاجئونا بسفرة وعيدميلاد
انا اطلب السفرة وادفع وياه_ انا اقوله احجز لنا شاليه صج مايقصر بس من نفسه nooo
اهما وين والرومانسية وين

 

[نونو^الدلوعه]

مشكوووورين على الرد وبنسبه حق فلفله اعتقد كلمه اطر ماتقال حق احد في كلمات احسن ومشكورين وايددد على الردود الي ريحتني وقفت معاي والي قالت اني من البنات الي يبون الزواج ومومهتمين بالدراسه بالعكس انا تزوجت عمري 17 سنه يعني للحين 4 ثانوي والحمدالله يبت جيد جدا وصدقوني انا عمري مافكرت بالزواج بس سبحان الله من ياني هالشخص وصليت صلاه استخاره حسيت ارتحتله وهذا نصيب الله كاتبه لي والحمدالله على كل حال وارد اقول مشكورين وماقصرتوا

 

[ديانا سبنسر]

حبيبتي اذا ريلج يحبج وشاريج لا تخلين الامور الماديه تأثر علي علاقتكم وتتعبين نفسيا من سالفه ماتستاهل اول شي قبل لا تقرين باجي كلامي اخذي نفس عميييييييييييييق وقولي يااااااارب


ثاني شي امه لها حق عليه والدينه ماتقدرين توقفين بينه وبين امه حتي لو يعطيها معاشه كله المشكله بريلج مو بالمعاش يمه
ريلج ربادي ومايحلل بيزاته علشان جذي مافيها ابركه سالفتج يبيلها نقاش وترتيب اوراق وتحطين دفتر وقلم وتكتبين معاه التزاماتكم الشهريه وتخصصين مبلغ لو 50 دينار شهريا للتوفير تنفعكم لاي ظرف من الظروف
ودام ريلج يبيج تشتغلين هذى فرصتج تكملين دراستج قوليله ابي اكمل وعقبها اشتغلي واذا رافض الدراسه شوفيلج وظيفه تشيلين فيها عمرج العوض ولا القطيعه عالاقل بالدوام بتشوفين ناس ونماين يديده وتنسين هالمشاكل اللي تمرين فيها وتغيرين روتين حياتج ومنها اخر الشهر بيدج بيزاتج تسوين فيهم اللي تبينه
وبخصوص امج الله يطول بعمرها لي شرت لج شي مو شين كل ام ودها تتحلا علي بنتها حتي لو هي عيوز

طولي بالج يمه اكثري من الاستغفار واكثري من التقرب لله سبحانه وخلي رضا الله بين عيونج بتشوفين التساهيل اتييج من رب العالمين

مع كلام الغالية ام نونو

 

[أعذب أنسانه]

حبيبتى بقولج شغله انتى على الاقل معاش زوجج 800 اتوقع قلتى جذى بداية موضوعج اشرايج انا يوم تزوجته من مصاريف العرس والقرض كان يصفى من معاشه 180 دينار فقط لاغير وانا تقريبا سنتين على هالحاله تخيلو معاى اشلون كانت حالتى؟ ولا خالتى كانت من النوع دايم عزايم واستقبالات والحمد لله كنت اطلع اكشخ وحده فيهم ليما ربج فرجها عيلنا والحمدالله توضفت وزوجى خلص اقساطه وباقى بس قسط البنك اللى ابى اوصله لج انج تصبرين وتوكلين على الله والله انا كان مصروفى 40دينار ولا ليما تخلص فلوسه يرد يتسلفهم منى؟ هاها فلاتحاتين عليج بالدعاء وتو الناس عليج على ضيقة الخلق وراح اتعدل صدقينى بس محتاجه اشوية وقت

 

[الرأي الآخر]

زوجج كسول .. لا تدخلين احد من اهلج يكلمه عييييييب .. اصلا كافي الاحراج ان امج تشتري لج و تصرف عليج و انتي متزوجه !!
انصحج انج تعتمدين على نفسج و تدرسين و امج لو تبي تساعدج تساعدج بمصاريف الدراسه احسن من مصاريف الملابس و المكياج .. تدرسين بمعهد ولا جامعه سنتين او اربع و انشاء الله بعد الضيقه تفتحلج الابوبا و يصير عندج فلوس تشترين فيها اللي بخاطرج .. بعدج صغيره يا حبيبتي و بنفسج تشترين و تستانسين و هذا من حفج .. بس حلج الوحيد الدراسه!

 

[الجود دهن العود]

زوجج كسول .. لا تدخلين احد من اهلج يكلمه عييييييب .. اصلا كافي الاحراج ان امج تشتري لج و تصرف عليج و انتي متزوجه !!
انصحج انج تعتمدين على نفسج و تدرسين و امج لو تبي تساعدج تساعدج بمصاريف الدراسه احسن من مصاريف الملابس و المكياج .. تدرسين بمعهد ولا جامعه سنتين او اربع و انشاء الله بعد الضيقه تفتحلج الابوبا و يصير عندج فلوس تشترين فيها اللي بخاطرج .. بعدج صغيره يا حبيبتي و بنفسج تشترين و تستانسين و هذا من حفج .. بس حلج الوحيد الدراسه!

معاها :eh_s(17):

 

[غزالي وبس@@]

الله يكون بعونج حبيبتي ويسخر لج زوجج ويهديه ويبارك لكم فيما اعطاكم يارب العالمين ترى للاسف رجاجيل هالوقت اغلبهم جذيه معاشه رايح على ولا شي والمره على اهلها عايشه ولا يودي ولايجيب مادري ليش يتزوجون ويفتحون بيوت بس انتي لاتتضايقين والله يفرج لج من عنده