محتاجه مساعدتكم ضرووري :({شنو استخدم لبشرتي يقلل الحبوب}

[«ღ»Pure Soul«ღ»]

مساء الخير

بنات بشرتي تعبانه من الدوره اول مره تطلع لي حبوب جذي ادري مع الوقت تخف بس عندي مناسبه اخر الشهر مابي اتوهق ببشرتي ابي شي يخفف الحبوب الاثار مو مشكله اشتغل عليهم ع الراحه احسن واقدر اغطيهم بالفاونديشن بس الحبوب ماتتغطى بالعكس تبين مع الفاونديشن اكثر .. امس جربت احط فاونديشن بينوا الحبوب اكثر في حبوب صغيره ماشفتها الا بعد الفاونديشن :eh_s(4):

شرايكم شنو استخدم لبشرتي يقلل الحبوب ؟؟ لاتقولون دكاتره لان ما اثق بدكاتره الجلديه لي تجارب فااشله معاهم والحبوب مو من بشرتي الحبوب طلعت من الدوره .. ابي شي طبيعي و عن تجربه

فـكرت بالمره وااايد يمدحونها للبشره والبابونج بعد .. والفايتمن سي مع ماي الورد .. شرايكم ؟؟

 

[moon_m]

انا بشرتي فيها حبوب كل فترا وفترا وتطلعلي حبوب الدوره بس صرااحه ماكو شي حسيته يشيلها انطر وتروح بروحها وياريت احد عنده حل

 

[زهر الرمان]

المره وااايد زين حق الحبوب اتحطينها على الحبه مو على البشرة كلها
واكو غسول وااايد حلو من بوتس غسول الجاي الاخضر وعندهم معاه نفس ستك اتحطينها عالحبة او على الاثار بعد
واايد حلو

 

[(المباركيه)]

شوفي في كريم اسمه اويل كنترول من ماركة سكن كود الماركه سويسريه عجييييييييييييييييب تحطينه يوميا قبل النوم لمدة 6 اسابيع
انا نفس حالتش قب وجهي حبوب بسبة الدوره وانا اساسا بشرتي دهنيه جربيه وشوفي حييييييل ناسبني ونشف الدهون الي بوجهي
وانشاءالله يناسبش اعتقد سعره16 دينار

 

[الهندسة]

البابونج طلعلي حبوب تعور حييييل

 

[«ღ»Pure Soul«ღ»]

مشكوورين ع الردود

جربت المره من يومين وان شاء الله بستمر عليها بس ماشفت نتيجه >> مستعيله

 

[●° يآإ حِ‘ـبنيً ليَ . . ! «]

^
بيور بس يوميين حدج مستعجله هههههههههههه
فديتج والله ..

ششوفي تعرفين القطن الدوآئر ملوت التنظف الوجه .؟
نقعي جم قطنه بالمممره .. وحطيهم ع وجهج ..
واستمممري .. وان ششآء الله تخف

ولا تنسين الدعآأء .. مو تحطينهم وتقعدين تحلطمين > مثلي هههههههههههه
لا ادعي وان ششآء الله .. تشوفين الل يسرج يَ زميلتي بالعرس هع :$

 

[«ღ»Pure Soul«ღ»]

فديتج زوووز بعد عمري :*

من اليوم بديت كل ما احط شي ع ويهي اقول ( بسم الله اللهم انت الشافي لا شفاء الا شفاؤك شفاء لا يغادر سقما ) ( اللهم اجعله فيه الشفاء )

 

[باربي برونزيه]

في غسول من بوندس مكتوب عليه لمقاومة الدهون ومعاه تونك وايد عجيب انا انظف ويهي فيه قبل ما انام جربيهم وادعيلي
وبعد في صابونة الكبريت هم حلوه حق البشره الدهنيه.. اما على الادويه و الكريمات انا جرببببببت وااااااايد كريمات بس مانفع معاي الا دوا مادري شسمه الي يكون من داخل في سائل وفوق مثل القطنه هالدوا صج عجيب حق الحبوب الدورة حطي على الحبوب قبل لاتنامين ولمه تقعدين راح تلاقين الحبه خفت شوي وبعدها بيومين ثلاث الحبه تروح

 

[لميس نفسي]

ماء ورد مع الليمونه على مكان الحبه بس .. .





ادري متأخره لووول