محتارة اي جنسية اطلب

[اخت شيوخ]

ما اصدمج لكن من شهرين ونص الى ثلاث شهور
توني امس بمكاتب حولي ابي هنديه وقالي بهالفتره تجيج
بس حسيتها واجد عشان جذي بجيب لي كفاله مكتب احسن
بس من اي منطقه جايبتها ؟ ومن اي مكتب؟

 

[meen_ana]

الخدم حضوض حبيبتي رفيجتي يابت هنديه تييب اليهد ولا لها خلق اليهال وكانت وصخه يات وبشعرها قمل يعني يازينه يا شينه نصيحه اول ماتوصل سيدة اشتري لها شامبو القمل احتيااط

 

[PuPa^^SWeeT]

شلووون اتعرفين من اي منطقة اهيي



انا صورت ورقة طلبها


مالقيت من ويين ؟؟

 

[اخت شيوخ]

نظرا لان موضوعي يشابه موضوعج (مكتب خدم هنديات)
فقلت ارد عليج هني
انا لقيت بحولي وحده من كيرلا ودارسه لعاشر وعمرها تقريبا 30
ترددت لان المده طويله على ماتجي ثلاث شهور
وهم لقيت وحده تعرف انجليزي من مدراس
لكن خذيت كفاله مكتب من حيدراباد
قعدت افكر اخاف المتعلمه لعاشر ماتقعد ولاترضى بخدمه البيوت
لانها صارت مع ثنتين اعرفهم
فقلت الله يطرح فيها الخير والبركه الي عندي
والله يرزقج ويرزق كل وحده الي تتمنى
اما شلون تعرفين منطقتها مادري دقي ع المكتب بيعرف اكيد

 

[أغلى حبيبه]

ليش ٦٠٠ توني داقه على٣ مكاتب سعرها من ٥٠٠ لي ٥٢٠ الهنديه وبشهرين توصل

والسيلانيه ب ٦٨٠ ونوصل بشهر

والنيباليه ٦٥٠ وتوصل بشهر ونص

ومحتااااره على شنوو اقدم انا ابيها بس حق شغل البيت

يقولون سيلانيه زينه بس ياربي مااستحمل السانهم الطويل

 

[PuPa^^SWeeT]

شغل البيت احسن شي نيبالية ولا فليبينية



بالنسبة لي

 

[ناتشوو]

ترى ردو النيباليات مرة ثانية
وحصلت طلب مشتغلة من قبل ب٥٥٠

مشتغلة بعمان
مار عليكم هالشي
اشلون خدم من عمان؟

 

[أغلى حبيبه]

اييي زينين والله صارلي جم سنه معاهم النيباليات وتفهم شغلي بس توها انحاشت خدامتي حسبي الله عليها وماصارلها ٤ شهور

ناتشوو عطيني رقم المكتب بو ٥٥٠ لاني اتصلت على جم واحد ٦٥٠ و٦٣٠

 

[ناتشوو]

اغلى حبيبة الله ييسر امورج
هذا رقم المكتب
22612632
22622156

مكتب علي الفاضل بحولي
وهذي اسعار النيباليات في مكاتب حولي
وارخص من الفحيحيل لاني توني مريتهم الثلاث ايام اللي طافو
والجديدة راتبها 60
واعمارهم من 30 وفوق
من شروط السفارة لنتنظيم العمالة عندهم

 

[أغلى حبيبه]

مشكووره حبيبتي ناتشووو

 

[PuPa^^SWeeT]

اغلى حبيبة


مو مكتب واحد اللي قالي انها 600



اربع مكاتب اتصلت عليهم و كل واحد قالي من 580 لي 620 حسب خبرتها

 

[PuPa^^SWeeT]

اييي زينين والله صارلي جم سنه معاهم النيباليات وتفهم شغلي بس توها انحاشت خدامتي حسبي الله عليها وماصارلها ٤ شهور

ناتشوو عطيني رقم المكتب بو ٥٥٠ لاني اتصلت على جم واحد ٦٥٠ و٦٣٠

من ناحية شغل البيت وايد زينيين


بس يا تطلع غبية


يا تطلع عارفة كل شي و ياية داهية



بالنسبة لي اشووفهم زينيين لشغل البيت وماتقول شي

 

[أغلى حبيبه]

ايي والله صاجه بوبا

اول شي يتغيبون لما يعرفون مايتج

ويا تكمل معاج ولا تنطر تخلص كفاله المكتب وتنحاش

بس بالشغل الصراحه يبردون الجبد من اول مره اعلمها على شغلي تمشي عليه

واهم شي مالهم السان ومايراددونج

 

[PuPa^^SWeeT]

الله يعييينا