محتارة يابنات تايدوني ولا لا؟

[غارقة بأحزانها]

اب اب اب

 

[om MaRyooM]

الله يفرج همج

بس لاتفكرين بالطلاق اذا زوجج مايخونج ولايسكر ولا مدمن مخدرات ولا من هالكبائر حاولي تتفاهمين معاه وتصارحينه

وسلاحج الدعاء اختي

 

[ورد ورد@]

سلام عليكم

انصحك اذا مافيه توافق وانسجام الانفصال هو الحل (صلي استخاره اول )
انا لي 22 سنة متزوجه من عمري 15 سنه . احس مااطيقه كلش مااحبه يجي ناحيتي ولا ابي اشوفه
لي سنه هاجرته بالفراش احاول اقرب بس ولله ماقدر صراحة . هو يسكر وسالت شيخ يقول عادي مافيها شي دامه يشرب طلبت الطلاق لي سبع سنوات بس يرفض يطلق اهو بن عمي واخاف العايلة تلومني ابيه هو يطلقني وهو مو راضي , والله متعذبه , ,,,
نصيحة ماتأجلين قرارك هذي حياتك

 

[كويتيه مذهله 87]

الله يفرج همج

 

[ام زايد العتيبي]

لا حول ولا قوه الا بالله عليج بالدعاء حبيبتي انا نفس حالتج بس عندي شي يصبرني اهما عيالي وربي والله المستعان

 

[ربي سبحانك]

الله يهدي ان شاءالله

 

[^^ريهام^^]

بصراحة الله يعينج

صعبة حيل اذا الزوج كان جاف عاطفيا

الله يفرج همج

ما ادري شقول لو منج اكلمه مباشرة

ما فيها شي اذا قلتيله او حتى كتبتيله رساله

لو انتي كنتي بادرة كان ما سكت

الله يعينج

 

[مرايــــــــم]

الله يسخره لج

 

[غارقة بأحزانها]

حبايبي كلكم مشكورين ما قصرتو
انا مليت وانا اكلمه
لدرجة أني استسلمت خلاص وقمت ما اكلمه بهالسوالف الا فيما ندر
بس المشكله هم رضينا بالبين والبين ما رضى فينا
صرت انشغل بنفسي وبعيالي واطلع لهلي وجذي ومخليته على راحته
مع أني شاكة فيه بس شسوي مابي ادور وراه وأتعب
والاخت اللي قالت ما يخون بلى خاني وسامحته
صار اهو اللي يدور المشاكل واسلووبه قمه بالدفاشة والنذاله
اكو ريال يقول لزوجته اخلييج تبجين سنه جدام
اكو واحد يقول اسحب عليج سحبة قهر اخليج تموتين
شايف نفسه علي هذا يزاي اللي احبه حبته القرادة
خل يولي انا ماراح اسامحه ولا اكلمه الا ليما أحط حد حق هالوضع
اذا مايبي يحبني عالاقل يحترمني*

 

[a7la-elbanat]

الله يعينج يالغلا بس نصيحه لاتخلين شي بقلبج وحاولي تقعدين معاه وتصارحينه بمشاكلج لعله يفهمج ويحس شوي

الله يوفقج

 

[حلوه بس بلووه]

الله يهديه ويسخره لج

 

[سكوتي بذوقي]

اختي الغاليه

الله يفرج همك يارب ويسخر لك زوجك

مدام هذا اسلوبه اهمتي بنفسك وأطفالك الله يخليهم لك يارب

والطلاق مو حل راح تتعبين ويتعبون عيالك

 

[pusy cat]

قولي حسبي الله لا اله الا هو عليه توكلت وهو رب العرش العظيم 7 مرات اذا اصبحتي وامسيتي

والله يكفيج ما همج بالدنيا والآخره

 

[غارقة بأحزانها]

مشكورين بنات ما قصرتو

 

[غلآوي .~]

الطلاق مو حل ( ان ابغض الحلال عند الله هو الطلاق )

والصبر زيــن ..


ما تضيق الا تنفرررج يا قلبي


عسى الله يهديه ويسسسسخره لج : )

 

[غارقة بأحزانها]

يالله يارب تصبرني
يا خوفي أخرة الصبر
تكون خسارة كبيرة لي
وأتم ندمانه طوول عمري ومتحسرة على اللي راح من عمري

 

[دنيتي^صلوح]

الله يعيينج حبيبتي
ربي يهديه لج اميين يارب العالميين

 

[غارقة بأحزانها]

شكرًا يالغلا

 

[شجون قصيمية]

اااااااة بس قلبي معك تدرين ليش ؟؟؟لان قصتك تشابة قصتي بالضبط وكم مرة بنزل موضوعي بس انشغل

انا متزوجة لي الحين 6 شهور وكل شهر زوجي يجيبني لااهلي عشاني اطالب بحقوقي وهو بارد حيل بمشاعرة ولايحس فيني

وبكمل الحين شهرين فبيت اهلي لاسال عني ولادق يبارك بالشهروالمصيبة عرفت اني حامل وخليت اخوي يدق يعلمة بحملي لانة


مايردعلى اتصالاتي ابن اللذين وانتظرتة يدق يباركلي ولادق واتصلت علية ولافرح بخبرحملي يقولي عادي مايهمني اهم شي عندي

تتغيرين وانا سويت لة نفس ماسويتي واكثربعد بس مابين بعينة اناني ياخذومايعطي ودقيت علية اخر مرة عشرمرات قبل الفجر

هالكلام قبل اربع ايام يوم رد علي قال هاااااااة وش تبين داقة سالتة متى تحجزلي بالطيارة قالي انتي ماتغيرتي كيف تبيني احجزلك

وهوقايلي برسالة قبلها بيومين اني بحجزلك الاسبوع الجاي ودق بعدها يملي علي شروطة وقلت سم وامر وماابي حمل خلال سنة
سبحان الله تدرون بعدها بيوم من كلامة هذا لي اكتشفت اني حامل وقايل لااهلة انو انا اخذ مانع حمل واونو هواللي يبي الحمل وانا

اللي رافضة وصلني هالخبرمن اختي اللي متزوجة لاننا احنا خوات ماخذين اخوان ..ربي اراد اني احمل عشان يكشف ظلمة لي

وقدام اهلة بعد واهلة صدقو كلامة .....وشرايك اني ارسلتلة رسالة وقلتلة ياانت رجال تكون قدالمسوولية والبيت اللي فتحتة

وترجعني قبل الاربعاء والاورقتي توصلني لانة لو فعلا شاريني ماراح يطلق ولو بايع بقررررريح وبظلل ادعي علية ليوم الدين

لاني من تزوجتة ماشفت السعادةواللي مثل هذا ماعلية حسوفة

بكمل لكم بعدين تعبت وخنقتني العبرة ....الله يفرجها علي وعليك يارب

 

[حلوه بس بلووه]

حبيبتي مالج الا الدعاء او ازعلي روحي بيت اهلج يمكن شوي يحس
او قولي حق احد من العايله ابوه ابوج يمكن شوي يستحي على عمره
الله يهديه ويسخره لج يارب