محتارة يابنات تايدوني ولا لا؟

[غارقة بأحزانها]

حسبي الله ونعم الوكيل

 

[UNICORNA]

طيب ليش كل هالتعب

انا ادرى ان المحاكم الكويتيه ماتترك الحرمه لهدرجه واللى تبى تتطلق ومعها اعذارها راح

يطلقونها

ارفعى قضيه واتركيه وعيشى حياتك وتزوجى

الحياه مره اما تعيشى بكرامه اما تعيشى مهانه وكله بأختيارك

واللهم يارب يسهل عليك امرك وان شالله يكرمك ويعطيك على نياتك

 

[غارقة بأحزانها]

مادري بنات انا مو قد قرار الطلاق
وشدراني اذا عقب ما اتطلق بييني نصيب اولا
واذا ياني النصيب شدراني هل بيكون زين او لا
خل اقضب مينوني لا يجيني اين منه
المشكله أني احبه بس مو قادرة أتحمل اطباعه
والحين انا تكيفت مع وضع البرود والجمود العاطفي
بس طلعتلي مشكله الاسلوووب المهين والصراخ عالفاضي والمليان
طبعا هالشي موجود من زمان بس قبل كنت اتاثر لأني ابي حب واهتمام
الحين المسأله صارت كرامة
خلاص تغاضيت عن وايد اشياء مابي منه الا كفاية شره
ابي أعيش حياتي اللي اهو مدخل نفسه فيها بكل صغيرة وكبيرة
واللي قالتلي زعلي وروحي بيت اهلج يعاند ازيد ويهددني بالطلاق
واللي قالت دخلي ابوه او ابوج ابوه الله يرحمه
وابوي الله يهديه كذا مرة تدخل عشان خاطري
ويبي يصلح الوضع ويردنا حق بعض عشان إحنا نتفاهم
بس اذا ابوي مو مقتنع ان انا بمشكله اصلا
يقولي هذا اهو نصيبج ماراح يتغير وارضي فيه مثل ما اهو
وانا ما أتدخل بهالسوالف الا اذا طقج او دخل عليج سكران او ياب وحدة بفراشج

 

[غارقة بأحزانها]

اب اب اب

 

[غارقة بأحزانها]

لا اله الا انت سبحانك أني كنت من الظالمين
لا حول ولا قوة الا بالله
تعبت والله يابنات
صارلنا فوق العشر ايام مانكلم بعض
واهو اسلوبه معاي اللهم ياكافي
ومتجاهلني وانا امثل التجاهل جدامه بس من داخلي حييل مقهورة
والله حايشتني رقعة بالقلب
والعيد بعد يومين
وانا مابي ابدي معاه بالكلام
قاعدة اسوي واجباتي وبس
شسوي ياربي
شورو علي خواتي

 

[dectora 7elwa]

الله يفرج همج

 

[ام العبايه]

حبيبتى انا قريت موضوعج وبكل صفحه لقيت كلمه جامعه ردودج كلها انا احبه كلمه مو سهلة وان تطلقتى بتنحرقين من الشوق تعوذى من ابليس وتذكرى ان الله ما يغير ما بقوم حتى يغيروا ما بانفسهم انتى لازم تتغيرين منو شكليا لا نفسيا زوجج والعلم عند الله ما يقدر كل يوم وعنده سبب ...اما او اما ..... سره بطنه انتى تغييري لاتنطرين لمسته وبوسته ولمته روضيه اسحبيه بطلي اسلوب البجى واللوم والعتاب خليه اقرب الناس لج صادقيه ادخلى عالمه دورى عليه شوفي اهتماماته ان كنت بتطلعين امج ما راح تقصر سوى جمعات بيتج كلها كم سنه وعيالج بيكبرون ويهتم فيهم وفيج غصب عنه .......... عن نفسي زوجى اهملنى 19 سنه تعرفين ما كنت اطلع بالعيد ما اروح زوارات السوق لازم احدد محل او مو لازم اروح شفت الضيم والضلايم بس ربج كريم ربيت عيالى على محبه الله وطاعة الوالدين مع انه كان ضيف بيتنا يتريق وما اشوفه لليوم الثانى او بعديومين ولازم استقبله وانا اضحك والا يزعل حاليا .......ما دامت له الله عوضنى بعيالى لا وبعد بزوجى نروح بلف اليوم كله مع عيالى صار يدق ويسال ويتهم ويلم ويحضن ويخاف لا نطلع ما نرد كله بالصبر الله سبحانه ذكر الصبر 103 مرات بالقران واى واحد تسالينه كبير صغير بيقول الصبر اوله مره وتجرعه مره بس متى ما رضيتى بامر الله بيجيج العسل بتذوقين حلاوته لا تزيدين نفسج مالا تطيقه انتى تحبينه وانا احب زوجى ومستعده اتحمله دورى احد يسمعج بس لا تفرطين بحياتج




سؤال للمتزواجات وعايشات تعيسات انتى تحبينه ومستعده تحملينه والا ليش صابره صح ؟؟

 

[ام العبايه]

شوفى انتم الحين متزاعلين لا تتاسفين ولا شي خليج ريلاكس وادخلى بالموضوع على طول اليوم تبيى شى ما شفت اى شي بطاقتى البنكيه او عطنى بطاقتك اليوم بخلص العيال ناصهم كم شغله وسولفي انسي بينكم زعل غييرى من نفسج وعامليه كانه اصغر عيالج جربي وشوفي انه بيتجاوب معاج لانه نفس تفكيرج ما يبي يتنازل ويصالح

 

[غارقة بأحزانها]

بنات قولولي شسوي محتارة
تعبت من هالوضع
شلون ارد الوضع طبيعي
بدون لا اذل نفسي

 

[غارقة بأحزانها]

بنات قولولي شسوي محتارة
تعبت من هالوضع
شلون ارد الوضع طبيعي
بدون لا اذل نفسي

 

[*ريما*]

الله يصلح مابينكم

 

[No00na]

الله يسخر زوجج لج والله يهون عليج ]

 

[باااربي]

حبيبتي ادعي ربج اذا فيه خير لج انه يفرج همج وتتطلقين منه
واذا ما فيه خير يهديه ويسخره لج
حبيبتي صح كلامج الواحد يعيش مرة وحده يا يعيش صح ولا حرام يعيش
الله يفرج همج يارب ويسعدج ​

 

[روح مووود]

الله يعينج ويصبرج

 

[bto0olah]

الله يهون عليج ويهديه

 

[غارقة بأحزانها]

مشكورين بنات ماقصرتو
ادعولي تكفون حدي محتاجة الدعاء
الامور كل مالها وتستاء وانا قاعدة اتعب
وأموت باليوم الف مرة
مالي الا الله مو عارفة شسوي

 

[غارقة بأحزانها]

مشكورين بنات ماقصرتو
ادعولي تكفون حدي محتاجة الدعاء
الامور كل مالها وتستاء وانا قاعدة اتعب
وأموت باليوم الف مرة
مالي الا الله مو عارفة شسوي

 

[نونه المنكوشه]

الله يعينج ريل اختى نفس ريلج حاولت فيه 20 سنه ولى يومج هذا اتعانى وماكوفايده ياانج اتاقلمين علا وضعج وله تنفصلين عنه لانه البارد والبخيل مشكله ماتنحل اله بالسببين اللى قتلج والله يبرد على قلبج ويصلح حالج

 

[Mrs_Orchidia]

الله يعينج حبيبتي و الله يهديه و يسخره لج .. رياييل ما يترس عينهم الللا التراب

 

[غارقة بأحزانها]

مشكورين بنات
انا تعبت منه ومابقا شي ما سويته عشان اصلح حياتي معاه
الحين مابيدي الا حل أخير
وهو بعد التوكل على الله والدعاء أني ألجأ لاستشاري
وافضل تكون استشاريه في العلاقات والمشاكل بين الازواج
فاللي تعرف بليز تقولي ويارب يكون هالشي في مصلحتي