محتارة يابنات تايدوني ولا لا؟

[ريـاانه]

عشي حيـــــــــاتج سوي واجبااتج ولا عليج خليه علا راحته ومتى ماشفتي انج رايقه وهو بعد اجلسي معاه وكلميه تفاهمي انتي وياه وعلميه بالا شياء اللي تضايقج والله يهديه..

 

[رقـة الاحسـآس]

لا تحاولين تغيرينه
خلاص حاولتي 5 سنين
ودامج ما تبين تخلينه و تحبينه
مالج غير تغيرين نفسج
دبري عمرج اباج تستوين انسانه ثانيه
غير اللي جافها لمده عال 5 سنين اللي فاتن
وخلي شخصيتج قويه واياني واياج تصيحين جدامه مره ثانيه اذا يا فخاطرج تصيحين
صيحي ع سيادتج بين ايدين ربج
اذا فيوم قالج مقصره
قوليله الله يخليك غسل اسنانك و نظف بيطانك قبل لا تي تتكلم عن التقصير < سوري عالكلام بس يقهر
الخدامه ما اقولج استغني عنها
بس خلي شغلها كله فوقت هو مب موجود ابد لا تخلينه يجوفها رتبي اوقات تواجدها ع حسب تواجده
يوم يدخل وما يسلم قولي و عليكم السلام مب بنفس خايسه لا بس جي عقيها و انشغليلج بشي ع طول
طول ما هو موجود خلج مشغوله عنه
كوني كاشخه و مرتبه و لا تبالغين فالكشخه بس لا تيلسين عنده انشغلي فبيتج فعيالج
ما يخليج تروحين نادي؟
عندج النت واليوتيوب متروس فيديوات رياضه سويلج وقت خلال يومج و شغليه و لعبي و ما عليج منه لو حاول يضايقج فالكلام
تبين تشوفين افلام؟
بعد النت ما يقصر نزليلج افلام و شبكي عالتي في و سهري و طالعي و حطيلج ما لذ وطاب و استانسي
لا تجتلين عمرج عشانه
ولو بغيتي بوسه منه لا تتريينها حبيبتي
روحي انتي و تقبضي فيه وبوسيه ع كيفج وفجي عنه
بيقول ينت تخبلت
برايه
لووول

يننيه تعرفين شو يعني يننيه
خليه ما يعرف منو هالانسانه و خليه اااااااااااااخر اهتماماتج
اول شي انتي و عيالج و بيتج
وربيعاتج لا تقطعينهم
ما يخليج تطلعين
اعزميهن فالبيت بين فتره و فتره طبعا فوقت هو مب موجود او قوليله ربيعاتي بيكونن عندي هالوقت ماباك تكون موجود
وكلميهن فون تواصلي معاهن
لا تنهين حياتج الاجتماعيه
حطلج حدود؟
عيشي فهالحدود قدددد ما تقدرين

 

[غارقة بأحزانها]

رقة الإحساس والله انج رقييقة لوووول
حبيتج والله كلامج ذهب
بس ادعيلي أني اتغير
في إحساس داخلي حزين يمنعني من اللي تفضلتي فيه
بس بحاول
مشكورة قلبي ماقصرتي

 

[غارقة بأحزانها]

توني اشوف توقيعج يالله ياربي توصلين للوزن اللي تبينه
واذا تبين اتبرعلج بهالكيلويين حاضرة

 

[أم سلطان وفارس]

اختي اسال الله العظيم رب العرش الكريم ان يفرج همك ويسخر لك زوجك ويهديه يااارب..
اولا اختي ارجووووووك ابعدي سالفة الطلاق عن تفكيرك
مو عشانك انتي ولا عشانه هو لا عشان اطفالكم والله حرااااااام يعيشون محرومين من اهلهم واهلهم عايشين
ثانيا اتجهي للواحد الاحد الفرد الصمد كل يوم افرشي سجادتك وادعيله بصلاة الليل اني ربي يهديه ويسخره لك ويحنن قلبه عليكم واستمري ولاتياسي من رحمة الله لانه هو القادر على كل شيء وان شاءالله راح تدعين لي..

 

[مريومه النزغه]

رربي يفتحها بويهج ويصلح امرج انتي وزوجج يارب اقري دعاء يهز العرش صدقيني وايد زين

 

[MhraT_AlFaras]

الله يهديه ويهدي سرج يارب
مالج غير الله وكلميه حاولي تتفاهمين معاه

ربي يسهل ويسر عليج

 

[مملكة فرزاتشي]

الله يكون بعونك وبعون كل المسلمات مالك الا الصبر اخيتي واحتسبي الاجر عند الله

 

[اسرار70]

الريا الانانى والبخيل بالمشاعر ما يتغير انا صبرت على ريلي يحب نفسه اكثر من الكل
مو مهم مشاعرى ولا اعيالى اول ماخذيته كله دواوين اربع دواوين باليوم والله ما ابالغ لما يرد من الدوام يلبس ويروح الى العصر وبعدين لما يخلص الا الفير
وبعدين يتله فرصه يكمل دراسته بره وطبعا انا معاه بس حق اليهال وخدمته حتى ما خلاني اخذ لغه المهم
من عمرى 17 الى الحين صارى 20 سنه معاه وهو عايش حياته كمل وترقي وانا بس ادور رضاه وهو مو هامه الا نفسه
والله تحسفت اني كملت زواجي معاه وهو وايد غامض ما يعلمنى شي اسمع من الناس

ويليت يبين

نصيحه اذا ما قدرتي اتغيرينه عيشى لنفسج وخليه اخر اهتمامج

 

[الحمدالله ياربي]

تصدقي اكثري من الصدقه
كوني على طهاره دائما ( الطهاره = الوضوء لصلاه اقصد )
اكثري من مدح الله
اكثر من الاستغفار وسبحان الله والحمدالله والله اكبر
لمده اسبوع والفرج قريب << منقول من الشيخ عبدالكريم المشيقيح

دعواتج لأخوي بالشفاء العاااااجل *

 

[مجنونه هواهـ]

يا بنات ابي افهم الطلاق صار لعبه بيدينكم كل ما تضايقت قالت طلاق كل ما تعبت قالت طلاق ترى في العالم كله مافي زي نسبة الطلاق في الكويت خلاص يكفي

 

[بنت ليبيا 2012]

لا يا حبيبتي لا تنقهري ولا شي مبين من كلامك العقل والرصانة وانك انسانة فاهمة بس نصيحة أخت لا تخلي حياتك وقف عليه ايوة مثل ما قالوا البنات عيشي حياتك وحاولي تلاقين لنفسك شي يشغلك احفظي قرأن, هواية تعلم لغة جديدة حرفة اي شي المهم انك ما تكوني طول الوقت شاغلة فكرك بيه وعايشة في حزن صدقيني حيلاحظ الفرق وحيبدا يتغير بس صبرك عليه ولا تهملينه ابدا خلي مهتمة بيه وترا اكتر شي ينرفز الرجل المرأة اللي تناقش وتجادل حاولي تطنشي وما تدخلي معه في جدال وابتسمي وحاولي تحتويه بكل حالاته واهم شي قربي قد ما تقدري من ربنا وداومي علي قراءة القرأن فيه راحة للنفس بشكل كبير وربنا يهدي سرك ويسمعنا عليك الاخبار الطيبة