محتاره آي فون ولا بلاك بيري؟

[q8engineera]

ابي رايكم اشتري آي فون ولا بلاك بيري وشنو مميزات كل جهاز ومنو الاقوى والافضل؟

 

[بنات عطا]

بختصار

اي فون و بس

بلاك بيري عااااادي و مليييق

اخذي اي فون اقوى و احسن و مميزاته احسن بواايد

 

[*^*يا^عمري^أنا*^*]

وانا ودي اخذ اي فون

بس جم سعره ومن وين ؟

 

[ღ ƒḋảіŧňėỷ ღ]

ايفوووون وبس

البلاك بيري جهااز مليق درجه اووولى ... وغير ان شكله اي شي :krkrkr: .. ووظيفة البلاك بيري اذا كنتي امعصبه فلعيه بالفوون :krkrkr:

اما الايفووون جهاز حده عجيبب حتى الالعاب والبراامج اللي فييه روووووعه وغير ان البراامج اللي بفلوووس تقدريين تاخذينها عن طريق بعض المواقع وعندي موقع حيل حيل عجيب اي برناامج القاه app store بفلووس ارووح حق الموقع واكتب اسم البرنامج ويطلعلي اكثر من راابط حق تحميل حق البرنامج يعني كل شي متوفر حق الايفون من برامج والعاب .. وغير انج تشبكين بدوون خدمه اذا عندكم واير لس بالبيت _03BA:

وان شاء الله انا ناويه علييه بس خل يصير اللي في بالي سيده ارووح اشتريه _03BA:

وسعر الايفون عند الكتروزان

iphone 3Gs 32GB 298KD

iphone 3Gs 16GB 269KD​

 

[q8engineera]

مشكورين يابنات علي التفاعل والله انا احساسي يقولي انه الاي فون احسن واقوى بس اللي امحيرني ليييش الناس كلها بلاااااااك بيري شنو فيه زود عن الاي فون وليش هابن فيه هالهبه؟؟؟

 

[ღ ƒḋảіŧňėỷ ღ]

مشكورين يابنات علي التفاعل والله انا احساسي يقولي انه الاي فون احسن واقوى بس اللي امحيرني ليييش الناس كلها بلاااااااك بيري شنو فيه زود عن الاي فون وليش هابن فيه هالهبه؟؟؟

العفووووووووو حبيبتي

اولا : لأن البلاك بيري سعره رخيص .. وغير الايفوون مو من هب ودب شراه لأن الايفون يبيله طوله بال وغير ان اكثر الناس ما اتحب نظام التج

ثانيا : اكثر الناس شرووه علشاان الخدمة مالت النت <<< بس حرام ادفع 14 دينار علشاان خدمة نت مالها دااعي .. واما الايفوون فيه اكثر من برناامج حق الماسنجر .. ومتصفح نت اللي اهو سفاري وغير انج تقدرين تشبكين عن طريق واير لس ما يحتاي خدمة

ثالثا : مثل ما قلتي (( هابين فيها هبه )

 

[shai5at al3arab]

ايييي انا خاطري بالآي فون .. حددي ودي فيه ومحتارة

اهو سعره مو رخيص واخاف اشتريه وما استانس معاه

مع اني متعودة على التج واعشق التج ، من زماااان وانا اشتري الآي ميت والاج تي سي ، وايد اجهزة شريت تج ، واحس الآي فون عجييب كاستخدام يعني يونس .

 

[ღ ƒḋảіŧňėỷ ღ]

خيتوووو توكلي على الله واخذيه لأن الجهاز حيل حيل عجييب

اذا غالي جووفي هذا الموقع توني جفته من منتدى ووحده طالبه من عنده اتقوول مفتوح رسمي الجهاز

http://www.sword-system.biz/index.php?main_page=index&cPath=19_47&language=ar

موقع شركة سورد سيستم

تقدرين تطلبينه من الموقع او اتدقين عليهم يوصلوونه البيت وتشترينه عن طريق الكي نت

 

[آلسحرآلحلال]

نوكيا e72

<<< اطلعت برة الموضوع هههههههههههههههههه

 

[Suwi]

iphone 4 sure :d

 

[][ الميـــــــار ][]

iphone ما يبيلها كلاام بعد

 

[shai5at al3arab]

واي الآي فون عجيب

شوفي الرابط

http://www.youtube.com/watch?v=E4aQpczZC00

 

[ام التكانه]

يعطيج العافيه على هالمعلومات وانا بصراحه جهازي اي فون وما عرفت انزل هالبرامج مع إني منزله برنامج الاي توونز ......

بس تسلمين وماتقصرين وان شاءلله بستفيد م البرامج والاستفاده من كلامج

مشكـــــــــــــوره ولاهنتي يالغلا

 

[Kawaii GiяL]

انا شريت اول شئ بلاكبيري ,, بشوف ليش الناس هابه فيه و حطيت الخدمه ,, اعيز و اقولج كرييييييييييه و مليق

صج صج صج شعب تقليد يمشي ورا الهبات ,, حسسوني انه نازل من السما و لا طالع من تحت الارض

والله ما عندهم سالفه ,, من ناحيه البنات يعني ستايل و من ناحيه الشباب حق التضبط !!!! والله اي شئ

و كل اللي ماخذينه عشان البيبي و عشان الكفرات الفسفوريه

ما اذم بالجهاز لو لا انهم هابين فيه جان قلت جهاز عادي حييييييييييل ,, بس لان هبو فيه كرهته الصراحه والله معطينه اكبر من حجمه

نفس e71 بس e71 احسسن و افضل مافيه لا مميزات و لا بطيخ

و كافي طايحين الناس طنازة عليهم ,, اذا لج خلق تصيرين ماك جيكن اخذيه ههههه

من ناحيه الايفون سعره فييه ,, لشي فيه افلام برامج العاب كافي الاب ستور فيه و صبري جم يوم و بينزلون برنامج احسن من البيبي

بعدين تعالي شنو هذا البيبي اللي خابينا فيه ترى عباره عن مسنجر

بس بدال ما تضيفين ايميل تضيفين كوووود

واذا تبين شبك 24 ساعه ,, كل موبايل تقدرين تحطين فيه شبك 24 ساعه !!


يعني من امه الايفون والله الايفون حتا لو هبو فيه ما ينعاب لانه يسوى , لو احد تكلم عليه تسطرينله المميزات تجعمينه

بس البلاكبيري شنو فيه تكفى غير البيبي !!!

ايفون و لا تفكرين بشي ثاني انا امل و ما يقعد عندي الموبايل اكثر من 3 اشهر بس هذا راح يقعد مده طويله عندي

و بعدين كشخه مو اي احد يقدر على سعره ,, يعني مو كل من هب و دب ,, عنده ايفون

و في ناس وايد ميتين عليه بس مو قادرين على سعره فا قاعدين يشترون الصيني شوفي يا كثرهم بمزااااد لو حاصلهم الاصلي ياخذونه

وااااااااايد حلوو الصراحه ما استانست مع موبايل كثره ^_^


و بالنهايه لج حريه الاختيار


​

 

[Kawaii GiяL]

و في برنامج نفس مسنجر اتضيفين ايميل بس فيه مايك فا تقدرين تدقين عليها ببلاش يعني تكلمون بعض و تسولفون ببلاش
عن طريق المسنجر

و في برنامج تطرشين رسايل ببلاش بس لازم تكونين شابكه

يعني يا وايرليس يا تحطين خدمه الشبك فيه

يعني حده حده حلووووو

و هم سووو واتس اب هالبرنامج نفس البيبي بس الصراحه ما عرفتله 100 % بس جنه ما تضيفين ايميل تضيفين عن طريق الرقم
او موديل اليفون

 

[Kawaii GiяL]

و اذا كلش كلش محتاره و هم تبين بلاكبيري

اشتري بلاكبيري + ايبود توج ^_^ ,,

 

[القلب عندك]

انا كنت نفسج وااااااااااااااااايد احرت مو شوي
ميييته خاطري في ايفوون
بس حسيت في اشيا معقده مثل الغمات ماتكوونmp3 لها امتداد غير
وانا اموووت ع النغمات

صليت استخاره وقلت الله يكتب اللي فيه الخير

وكلش ماكان عندي اعتراض ع سعره كفايه ان من شكره ابل وانا امووووووت ع هالشركه
وعاجبني البلاك بيري من نايحيه الشكل وايينن شكله عاليد وكفراته وهالسوالف وانا احب سوالف الكفرات
خذيت البلاك بيري وايبود تتش

انا جوالي القبلي سامسونق واللي قبله سوني
انا اكرررررررررره النوكيا
البلاك بيري وااااااااااااااايد سهل لفوق ماتتوقعين
وبطاريته حلوه
وهو عااادي من داخل يعني قائمته مو وااوو
وانا سمعت وااايد عن الايفون ان بطاريته مب شي
صراحه تهمني البطاريه واايد

بقولج الاشيا اللي ماعجبتني في البلاك بيري
مافيها فيسات للمسجات
الصادر والوارد كلها بمكان واحد
البلوتوث لازم تسوين اقتران عشان يمشي معاج اووكي ((للامانه انا استخدم الوصله مالته ماجربت سالفه الاقتران))
المميزات
بطاريته حلوه بس خلج كله ع ال2g وله بطاريه اضافيه اخوي مركبها صح تكبره زياده بس عادي انا احب الجواويل الكبيره ((انا عندي البولد)) يكون عادي يتم بال3 ايام مايشحنه
كيبورده سهل وبسرعه تكتبتن اللهم كم حرف يكونون كل حرفين في زر
كلللللللللش كلللللللللش مو معقد وااايد سهل
كل شي له نغمه يعني الmmsله نغمه والsmsله نغمه والbbm له نغمه
له الكفرات الربل تهببببببببل صج تسوي لج رفرش يعني انا كل يوم للون تحسين جوالج يتجدد ماتملين
وبعد تقدرين تغيرين الكفر كامل (الكيبورد وكل شي ))
بدال الاسود وفي اشيا كيوت


انصحج بلاك بيري وايبود تتش
لان الايبود تتش نفس الايفون اللهم فرق الكاميرا والsim


والله يوفقلج يالغاليه~~

 

[miss.Gorgeous]

انا جربت الايفون

و توني شاريه البلاك بيري

انا حييييييل ارتحت اول ما فتحت البلاك بيري .. عرفت استخدمه من اول نظره لووووول

اما الايفون معقد نظامه مثل نظام الايبود ..



و ارشح لج البلاااك بيري ..

 

[G.U.C.C.I]

انا اقول بلاك بيري واقطع p:

 

[LuLiTa]

ايفوووون و بس