محتاره ارااضي زوجي ولا اخوووي !؟ سااااااعدددوني

[قوتشيه123]

بناااااااات انا عندي مشكله كانت صغيره بس الحين كبرررت حييل ودخلت فيها امور معقده ....

انا متزوجه ومرتاحه مع زوجي وهو مو مقصر علي بشي


اخوي عمره 25 مو متزوج وكل شهر شهرين مسسافر مع ربعه


ومرات اخوي يكلمني ويقولي قبل لا يسافر ابي فلوس واعطيه


مع انه اخوي موظف بس كل ما حصلت له اجازه ساااااافر ...




المهم زوجي درا اني اعطي اخوي فلوس وزعل وعصب وزفني وتهاوشنا .. قلت له هذا اخوي ومحتاج عادي اذا ساعدته


هو عصب ويصارخ ويقولي تعطينه من معاشج عشان يهيت مع ربعه ويخربط وانتي تاخذين ذنبه


على فكره بنات زوجي عمره ما خذا مني شي ولا يرضى احط من معاشي شي ويقولي خلي معاشج لج استانسي فيه

ودايما يمدحني اذا عطيت امي شي بس اخوي مايرضى ويعصب




الحين زعل علي وقطني ع اهلي وقالي كلام يبط الجبد وقالي ذنب اخوج مو بس هو يتحمله حتى انتي وشلون تعطينه عشان يخربط ويصيع ولما قلت بعطيه زعل وقطني بيتنا



شسوووي ابي حل ،، وانا غلطانه لاني عطيت اخوي فلوس ولا زوجي معاه حق

متوهقه حدي ساعدوني

 

[ناتشوو]

رفع

 

[قوتشيه123]

ششششدعوووووووووووووووه ولا رد ؟؟؟؟؟؟؟؟؟؟؟؟

 

[فوفو22]

1-ممكن يوجهك بملاحظه ولكن ما توصل للزعل والقعده ببيت الاهل

2- اي ذنب على اخوج يتحمله هو شخصيا عند رب العالمين
3- المفروض اي زوجه ما تصير حيل open امام زوجها بخصوصيات اهلها
3- مو ضروري زوجج يعرف تفاصيل حياتك الماليه ...
4- احس انفعاله ىفي نوع من المبالغه ....لانه الاهم في حياته المفروض زوجته مش اخوها
فوفو

 

[الماسة الشمال]

الله يسخرلك زوجك يارب صراحه يعني دام انك قلتي انه يستانس اذا عطيتي امك بس زعل عشانك عطيتي
اخوووك عشان يسافر فاهو كذا واضح انه خايف علليه ويبي مصلحته والشباب فاهمين بعض
فاكيد هو خايف عليه مايتردد ويطيح بللخراب بس لو هو معتمد على معاشه بدون لاياخذ منك اخوك
فاكيد بيبيعرف يضبط اموره على قد فلوسهه فاهو يعتمد على نفسه احسن لو انتي مساعدته على شئ ضروري يمكن
فانتي حاولي ترضين الطرفين تتفاهمين مع زوجك على هالموضوع وان اللي سويته مجرد اخت وقفت مع اخوها وهو محتاج لها
واخوك لاتفتحين معاه موضوع ان زوجك زعل انك عطيتيه فلوس عشان الامور تكون بينهم تمام ومع الايام ااذا طلب انتي وطريقتك انك صرفتي فلوسك او اشتريتي شئ يعني بدون لايتحسس والله يخليكم لبعض ياقلبي..
اعذريني تووووي مصحصحه وعلى طول درعمت لمشكلتك هههههههههههههههههه وان شاءالله انها ماهي مشكله تنحل يارب

 

[Smchoocha]

مابي افتي وايد بس جنج شوي غلطانه
شي طبيعي تعطين اخوج و اهلج فلوس كلنا نعطي و بالعكس هذا شي زين و باجر اخوج يذكرلج المعروف
بس بحدووووود يعني اعطيه اذا محتاج او حتا مو محتاج هدية مثلا بس ما اعطيه عشان يسافر و يصرفهم برة
مرة مرتين مو مشكله بس كل مرة مايصير لو سفرة سفرتين مقبوله بس مو كل ماحصل اجازة يسافر على حسابج
ريلج يشتغل و يصرف عليكم مايخليج تصرفين على البيت عشان تستانسين بفلوسج مو اخوج يستانس فيهم
هذا رايي حبيبتي اتمنى كلامي ما يضايقج

 

[كارلوفي فاري]

زوجج معاه حق. بس انا اتفق مع فوفو ان لازم تخلي شوي خصوصيه بعلاقتج مع اهلج يعني ماتخلينه يتطلع علةى كل شي يخصج ويخص اهلج. يعني بغض النظر عن شنو يبي الفلوس فيه مو يمكن بيجي محتاج عنده مشكله ثانيه ومضطره تساعدينه فيها او حتى امج او ابووج. وماله حق يمنعج من اهلج
وبالنسبه لما قلت معاه حق انج مو لازم تعطين اخوج دايم خصوصا انتي عارفه حق شنو ويمكن اخوج ماعنده خربطه بس يكفي انه ياخذ منج فلوس لشي مو ضروري.
اذا المبلغ اللي يطلبه اخوج كبير لازم توقفين اخوج عند حده لانه مصخها بالطلب وخصوصا هالشي مو ضروره ملحه
لكن اذا المبلغ تافه ومو ماثر عليج عطيه ولا تكبرين الموضوع

 

[#laloo]

زوجج كبر السالفة على الفاضييعني اخوي اذا طلب مني وماعطيته اخليه يحتاج لناس
شدعوة مافقلبي رحمه له ،
لو اخوه فمكان اخوج وطلب منه مستحيل يرفض
واذا ماياخذ من معاشج فماله شغل لو تقطينه فالخمام
انتي قولي له يسافر ويا ربعه اعطيه حق مايحتاج لحد ويمد يده للغريب
واخوج لين طلب منج تالي نقصي المبلغ
قولي ماعندي الا هالكثر خذيت لي ملابس ومن هالسوالف
ومب كل فلس تصرفينه على اهلج تقولين له لان ريلج جذي ينقهر انتي تشتغلين واخوج يلعب بالفلوس
لا تراضين احد على حساب الثاني عاملي ريلج بتفاهم واخوج بعقل

 

[صمت المرافئ]

انت ما وضحت المشكلة بالضبط
بس ما أعتقد زوجج مني والطريج يوديج بيت أهلج ...
راجعي تصرفاتج
يمكن يكون أكثر من مرة نبهج ما تعطين اخوج
وانت كسرت بكلامه
فالظاهر إن زوجج وداج بيت أهلج لأنج تعاندين
وارد أقول يمكن ... يمكن .. لانج ما وضحت هالنقطة
إذا تكرر منج هالأمر أو إذا من أول مرة
لأنه إذا من أول مرة فموقف زوجج فيه ظلم لج
أما بتكرار الموقف تكونين انت الغلطانه
والشي الغريب في المسألة مو موقف زوجج
اللي استغربته موقف اخوج ؟؟؟؟
ريال عمره 25 سنة ويشتغل ويقبل على نفسه ياخذ فلوس من اخته لوناسته وسفره
بلا حيا ولا مستحى !!!
وصراحة أحيي زوجج في موقفه إذا عطيتي أمج يشجعج
هذا يدل على طيب معدنه
وأخيرا راجعي تصرفاتج ...
الله وياج
​

 

[al-musk]

مو من حقه يمنعج تعطين اخوج .. اخوج وكيفج واهلج لازم ماتقصرين معاهم سواء كانو محتاجين ولا لا.. وزوجج لازم يستوعب هالنقطة

 

[PuPa^^SWeeT]

شووفي ريلج خاايف علييج


و الظاهر فكر انه جذي بيهددج و بيخليج اتخافين و ماتعطين اخوج



تبين الصراحة


في مادري حديث شي جذي


انه اذا تدرين انه اخوج مخربط و مع هذا تعطينه فلوس علشان يروح وتدرين انه يخربط هناك


تاخذين ذنبه انتي بعد



السالفة مافيها ارضي اخوي ولا ريلي



اخوج يخربط لما يسافر


عيل لا تعطينه


وريلج عينه مبينة مو مفجوعة على راتبج


يمكن انفجع عليج و خاف عليج


تصرفه غلط


بس منو منا ما يتصرف تصرف غلط علشان الشخص اللي يحبه

 

[بنوته ستايل]

زوجج مبين انسان يخاف الله حيييييل وخايف عليج لاتاخذين ذنب اخوج ..



اذا تدرين ان اخوج يخربط مفروض ماتعطينه ..

انا من قريت عنوان الموضوع قلت اكيييد ارضي اخوي لان عندي الاخو مقدس بسس دام الموضوع جذذذذي انتي لازم تخافين ع اخوج وماتعطينه فلوس حق هالسوالف..


بس اذا كان صج محتاج فلوس لشي ضروري عطططططيه لو تعطينه معاشج كللله زوجج ماله حق يحاسبج ..

 

[أم الفناتك]

انا اشوف زوجج معاه حق ولو يبي يقدر يمنعج من الوظيفه بكبرها واهو ماخلاج تشتغلين الا علشان تستانسين بمعاشج ومايكون عليج قاصر ولمه عطيتي امج شجعج لان يشوف هالشي زين لكن تعطين اخوج ولاموظف بعد اشوف ان ماله داعي اكرف طول الشهر واهد بيتي علشان اخوي يستانس فيهم وصدقيني على كثر ماتعطين اخوج لو تمنعينه مره وحده بيزعل عليج لان هالنوعيه من الناس تفكر بنفسها وبوناستها فقط

 

[أنفاسي دخون]

زوجش بالغ بردة فعله حيييييل وماله حق يتدخل بخصوصياتش مع اهلش والمفروض يوضح رايه بهدوء ويقول اذا زادت الفلوس يمكن يخربط ويخرب ويخليش تفكرين بهدوء خصوصا انه مو طمعان بفلوسش اما هالعصبيه مالها داعي

وانتي تعرفين اخيش وتربيته واخلاقياته اذا شاكه بشي مايطمن او تحسين وراه خرابيط كلميه وامنعي عنه بادب

واهم شي لايتمادي زوجش بتعاملش مع اهلش لاني ما اعتقد انه بيرضى بتدخلش بخصوصيات اهله

 

[احلى ديما]

اكيد.زوجج معاه حق اصلا انتي شلون ترضين تشجعين اخوج عالخرابيط ماتخافين عليه ؟؟؟؟
بدال لا توخرينه عن هالطريج قاعده تساعدينه وماتبين زوجج يحمق ويعصب

 

[بنت الاحلام]

ارضي ربج


وكلام زوجج صح واخوج يسافر يخربط لا تساعدينه

ع الخراب

 

[Freakya]

سمعي كلام ريلج هو الصح

 

[دهن_العود]

حبيبتي دام زوجك مومفجوع على راتبك ودام أخوج يسافر سياحه مؤ علاج بصراحته زوجك معاه حق اعطي أمي إنشاء الله كل شهر بس اعطي أخوي الي بسنه جم مره يسافر شكو زوجك معاه حق

 

[Bloom]

الله يهدي النفوس ويسخره لج

 

[ديانا سبنسر]

الله يهديه