محتاره ارااضي زوجي ولا اخوووي !؟ سااااااعدددوني

[english muffin]

اهو صج زوجج بالغ بردة فعله بس يمكن لانه اخوج عنده سوالف واهو يدري عنها عشان جذي عصب ..
و انتي لاتقولين كلشي لريلج مادام مايدري عن حسابج خلاص مب لاازم يدري عطيتي اهلج او اخوج فلوس

 

[M!ss CoLoRz]

إنتي ضميرج شنو يقول لج؟؟؟؟؟؟

الفلوس فلوسج محد قال لج شي

بس اول نقطة اخوج عمره 25 يعني ريال .. ثاني نقطة موظف يعني بس شيبي بعد وعيب يطلب من اخته عشان سفر ووناسة .. ثالث نقطة كل ما حصل له راح وسافر ليش ما ايمع ويتزوج مو احسن

رابع نقطة اهيه اول شي قلته لج... ضميرج شنو يقول لج؟؟ احنا ما ندري اخوج يخربط او لا بس فرضا اي .. ترضينها على روحج تروحين تدفعين حق الحرام؟؟؟ الله بيحاسبج على هالفلوس وشلون صرفتيها

نصيحتي لج لا تعطين اخوج شي وكفو على ريلج اللي ما يرضى بالغلط

يمعي لج جم فلس واذا اخوج قرر يتزوج عطيه من اللي يمعتيه هدية

والله يهدي الجميع

​

 

[جذابه بنت ذيابه]

اذا عارفه ان اخوج يخربط نصيحه ارضي ربج وزوجج

 

[بولندية]

أنا اشوف اخوج غلط بصراحة ?ن موظف عنده معاش

أنا اعطي اخوي بس بحدود. هذا و اخوي ما يشتغل

?ن أنا بعد وراي التزمات حالي من حاله

 

[كيوت وعسل]

زوجج معاه الحق 100%
انتي بتاخذين ذنب اخوج واسمعي كلام زوجج لأنه ماشاء الله عليه حكيم
وترا لو سويتي مشكله وزعلتي ولاقدر الله تطلقتي ماراح احد ينفعج حتى اخوج
من تجربه والله
اخوي تهاوش مع زوجي و وقفت بصف زوجي لأنه هو الحق
وزعل ابوي
وامي جاتني وقالت لي عن مشكله صارت مع اخوها اللي هو خالي وقالت والله مانفعني الا زوجي وعيالي
وخليج مع زوجج و لاتقولين هذا اخوي ترا بكره يتزوج ولاقدر الله تطلقتي بتصيرين خدامه له ولمرته وحاضنه لعياله
ولا ياج اخوج باجر وقال عطيني قولي والله ماقدر يافلان انا مشتركه بجمعيه وعلي قروض او قولي معاشي مغ زوجي لأن نجمع لمشروع وفكي عمرج
وتعلمي تقولين كلمة لا .....

 

[Patcholli]

حبيبتي اذا اخوج قاعد يقط الفلوس على خرابيط وتفاهه ومو محتاج فماله داعي تعطينه شي وريلج معاه حق اما اذا محتاج ومزنوء مافيها شي تعاونين اخوج وتساندينه مادياً

 

[Um Tuki]

زوجج بالغ بردة فعله والمفروض تقولين له ان شاء الله و لما يهدى تفهمين منه الموضوع

بعدين انتي مب ملزومة ترى تصرفين على سفرات اخوج

 

[طعنـــة غـــدر]

1-ممكن يوجهك بملاحظه ولكن ما توصل للزعل والقعده ببيت الاهل

2- اي ذنب على اخوج يتحمله هو شخصيا عند رب العالمين
3- المفروض اي زوجه ما تصير حيل open امام زوجها بخصوصيات اهلها
3- مو ضروري زوجج يعرف تفاصيل حياتك الماليه ...
4- احس انفعاله ىفي نوع من المبالغه ....لانه الاهم في حياته المفروض زوجته مش اخوها
فوفو

ᾄʛʀεε:rerrerek:

 

[سحري بخفة دمي]

زوجج معااااااااااااه الحق

 

[دلوعة أبوهآ]

زوجك معآه حق يزعل ..
يعني هو زوجك ومايرضى ياخذ منك ويقولك خلي فلوسك لكِ عشان تصرفينهآ ع نفسك ..
فَ اكيد لما اعرف انك تعطين اخوكِ راح يزعل وتكون هذي ردة فعله مع انه ممكن بالغ فيها شوي خاصة انه رجعك بيت اهلك
بس معاه حق للزعل ..

اخوكِ موظف وله راتب وقادر انه يصرف ع نفسه والمفروض انه يعتمد ع نفسه ومايمد يده لآحد ..
تعود يطلب منك وانتي تعطينه ليش ..! ولمتى ..!!!
راتبك وبيتك وزوجك اولى بالفلوس هذي ...

لو انك تعطين أمك مبلغ معين شهرياً اقولك اوك ماله دخل ولا له حق زوجك انه يزعل او يتدخل
لكن لآخوكِ ..! وهو مو محتاجها يعني عشان سفر وكلآم فاضي فانتي غلطتي بهالشي ..

نصيحه كلمي زوجك وراضيه ولاتسوي هالشي مره ثانيه ..
محد راح ينفعك غيرك زوجك وبيتك
ولو ماكان يحبك وحريص عليكِ كان ماسوآ هالشي ..

راضيه وارجعي بيتك
وآلله يسخركم لبعض ..

 

[امـ خــزامـى]

شووفي ريلج خاايف علييج


و الظاهر فكر انه جذي بيهددج و بيخليج اتخافين و ماتعطين اخوج



تبين الصراحة


في مادري حديث شي جذي


انه اذا تدرين انه اخوج مخربط و مع هذا تعطينه فلوس علشان يروح وتدرين انه يخربط هناك


تاخذين ذنبه انتي بعد



السالفة مافيها ارضي اخوي ولا ريلي



اخوج يخربط لما يسافر


عيل لا تعطينه


وريلج عينه مبينة مو مفجوعة على راتبج


يمكن انفجع عليج و خاف عليج


تصرفه غلط


بس منو منا ما يتصرف تصرف غلط علشان الشخص اللي يحبه

:rerrerek:مع اختي الجميله

 

[حبيبي مالكني]

دام ريلج يقول انتي حره بمعاشج ليش اهو يتدخل اللحين
هالشي بينج وبين اخوج
ماله حق ريلج يزعل ويكبر السالفه
وكل واحد يتحمل ذنبه بروحه
الله يهديه ريلج ويسخره لج
بس ريلج شكله ما يحب اخوج عشان جذيه سوى هالمشكله

 

[نفـــائس]

ليش تساعدينه علي الخرابيط وانتي عارفه اخوج......بتتحملين ذنبه
ريلج لو موخايف عليج جان مازعل ......
وثاني شي مخبية عليه شي اكيد بيزعل غض النظر عن السالفه اي شي تخشينه عنه بيزعل

تأسفي منه وتسامحي .....واخوج لا تعطينه للسفر اذا محتاج لشي ثاني هذا اخوج اكيد بتساعدينه بس علي سفر وخرابيط شباب لا طبعا
ربي يوفقج

 

[أسيرة_أحزاني]

كلامه عدل وماغلط بشي

 

[om MaRyooM]

رايي وبكل صراحة اثنينكم غلطانين


اخوج دام مارح يموت من اليوع.,,ويبي الفلوس حق الوناسةو السفر ماله داعي تعطينه وبيتج أولى ويحقله زوجج ياخذ على خاطرة
والغلط الثاني من زوجج لازم يفهمج وياخذ الامور بهدوء اكثر

بس انا اقول شوفي زوجج شنو شايف على اخوج اللي صارت جذي ردة الفعل !

 

[Omhamood]

الله يهداج الله يهداج الله يهداج

عيل اكو وحده تعطي اهلها جدام زوجها ترا بهطريقه قاعد طيحينهم من عينه

مادري بس شكوا اعطي اخوي واقول حق زوجي جنه اهلي محتاجين وماعندهم

الغلط غلطج انتي واذا زوجج احتر فشي طبيعيً قاعد يشوف زوجته تقط فلوسها

ولو انه ماله حق بس كلش موحلوووه مره ثانيه لابغيتي تعطين عطي بس لاتقولين لاحد

ماشوف له داعي هالتشهير المفروض المره الذكيه تكبر اهلها بعيون زوجها

 

[كريستال]

زوجج معاه حق دام غضبه لله

شكله يخاف الله

 

[البرنسيسة غلا]

،​

معآشج ملك خآص لج و مآله حق فيه نهآئياً
تعطين أمج تعطين أخوج تعطين آللي تعطين مآله حق يحآسبج عليه
..​

ردة فعل زوجج مبآلغ فيهآ صرآحةةً
ممكن يتكلم معآج بهدوء و يفهمج وجهةة نظره بس مآ توصل إنه يعصب و يحذفج عند أهلج​

و أخوج يتحمل ذنبه بروحه
و رجآل كبير و فآهم شنو آلصح و شنو آلغلط​

أنتي بآلنسبه لج ( أخوي و أحتآج فلوس و طلب مني أنآ لـ أني أخته )
طبعاً أنتي مآ رآح تقصرين معآه​

بعدين مآله شغل زوجج بـ أخوج
يسآفر سيآحه ، يسآفر شغل ، يسآفر يخربط
>> بعدين شنو آلدليل إنه أخوج يسآفر يخربط
..​

حبوبه .. آلزوج موجود و آلأخ مفقود
>> لآ تزعلين أخوج على حسآب إنج ترضين زوجج​

تكلمي مع زوجج بـ هدوء و فهميه كل شي
علآقتج مع أهلج بمآ فيهم أخوج ( خط أحمر ) محد يتدخل فيهآ و محد له آلحق يحآسبج ​

آلله يسهل أمورج و يريح بآلج​

،​

 

[Vouge]

إنتي تظنين إنج قاعد تساعدين أخوج
و إنج عزوة له

لكن في الحقيقة .. قاعد تظرينه
باجر لي رد لكم فيه شي من هالتخربط
بتندمين وااايد

في حديث عن الرسول صلى الله عليه و سلم يقول
(إنصر أخاك ظالما أو مظلوما)

المظلوم تنصرينه و تدافعين عنه لي يرد حقه
والظالم تنصرينه بإنج تبينين له الخطأ و تصوبينه و تصححينه

أخوج بسفراته قاعد يظلم نفسه .. بصحته .. و سمعته
و الأهم من هذا يظلم نفسه أمام رب العالمين
و لما تساعدينه .. قاعدة تعينينه على ظلمه لنفسه


خليج سند لأخوج بالطريقة الصح

و الله يخليكم لبعض و لا يفرق بينكم
و الله استانست لما قريت إنج تعطين أخوج و تحبين له الوناسة
ترى ماكو ناس وايد مثلج و بطيبة قلبج

بس و الله الأهم من الوناسة .. إنج تحبين له الخير
و تخافين عليه

 

[دانة_ دبي]

كيف تساعدين واحد يخربط
و حتى لو ما يخربط انتي مو مسؤولة عنه كل شهر تعطينه فلوس عشان يسافر؟؟؟
وهو موظف ومو متزوج بعد
انتي غلطانة
بس مو لدرجة يقطج بيت اهلج اكيد صار في نقاش حاد او صار شي
و كيف يعرف ان اخوج يخربط يعني لو انتي عارفة انه يخربط لا تعطينه
بس هذا معاشج و انتي حرة فيه في النهاية