محتاره وخايفه وابي من يشجعني

[غريبه قصة احزاني]

السلام عليكم..

بنات تدرون باهميه السياره بهالعصر... وغالبا البنت من تدخل الجامعه تسوق سياره...
انا الحين موظفه وعندي ليسن لكن ماسقت سياره....

الحين انا مضطره اني اسوق.. لكن خايفه وما عندي ثقه بنفسي؟
الكل حولي يخوفني ... ويحبطني... ويقول انتي مو ويه تسوقين؟؟؟؟؟؟

انا فعلا طبيعتي خوافه... وخجووووله...:0bee2e8d89:

خواتي الاكبر والاصغر مني يسوقون وهم شجاعات ماشاء الله عليهم....

لكني مو لاقيه التشجيع الكل يخوفني زياده ويحبطني؟؟؟؟؟؟؟؟؟؟؟؟؟؟؟؟؟؟؟؟؟؟

ادري اني طولت عليكم بس سامحوني بس التفكير ذبحني ... اشتري سياره او لااااااااا

انا فعلا محتاجتها ... لكن اخاف اني ما انجح بالسياقه اخاف يصيرلي شي مادري ......


نصحوني؟؟ شنو اسوي وشلون اقوي نفسي واثق فيها

هل فعلا مالي امل اتقوى واسوق...واني ما اصلح مثل ما يقولون اهلي....

والله مادري شقول بس محبطه محبطه اشوف يهال قاعدين يسوقون وبنات اصغر مني شمعنا انا


احس مالي قيمه بالمرررررره وما انفع لشي

 

[معكرونه أسبكتى يم يم]

هالحين مالج قيمه عشان اتخافين من السياقه ......... شنو هالثقه !!!!

يبه عادى اذا اتخافين ماله داعى ....... ارواح خلق الله مهى لعبه باجر تدعمين احد ويضيع من جيس اهله وقضيه وحالتج حاله ........

بصراحه السياره مهى لعبه اللى يخاف لايسوق ........

انا خواتى يسوقون بس انا اخاف وكانى يايبه لى دريول وفاكه عمرى ....... بصراحه مسؤليه .......

لاتنحبطين بس فعلا السياره مسؤليه وراواح ناس لازم الواحد يحسب لها حساب .....


لاتزعلين منى ......... بس والله حاسه فيج عندى نفس الاحساس بالنسبه للخوف

 

[kuwaitya]

انا كنت مثلج اخاف ومادري شنو

بس والله الحين اتحرى الساعات عشان اسوق فيها

انتي جربي وراح تستانسين

 

[Ma`3rOoraa]

حبيبتي احسج معطيته الأمر أكبر من حجمه ..

تري كل هالبنات اللي تشوفينهم الشارع كانوا يخافون من السواقه لكن مع الممارسه صاروا مشاءالله تمام
وفعلا المره بالوقت هذا محتاجه سياره وانها تسوق وتعتمد على نفسها لان ماتدري شيصير معها او يمكن بالوقت اللي بتطلع فيه ماتلقي احد يوديها ويبها , فنصيحتي لج سوقي وعتمدي على نفسج وشجعي نفسج بنفسج , واقول سوقي شوي شوي ليما تاخذ ريلج علي السياره وتنتبهين بالشارع يعني لاتلهين نفسج وتري السواقه وايد سهله مو صعبه بس لازم الانتباه والممارسه يعني مو من التدريب بتصرين ممتاز لأ شوي شوي والله يوفقج ان شاءالله

 

[ام تلوتي]

ياحظكم تسوقون سيارات

عاد اانا خاطري اسوق

 

[*برونزيه شقره*]

حبطتوا البنت حرام عليكم اشدعووووووووه ... ههههههههههههه لو ودها تسوق بتهون من هالحجي يمه منكم حبيباتي اتغشمر ......... سمعي نصيحتي حبيبة قلبي انتي تدرين قبل كنت من اكون مع امي بالسياره بس يمر يمي بااااص اتصرقع من الخوف بس وحياااااااااااتج من سقت سياره قمت ابتون هههههههههههههههههههه واداحر السيارات اللى اقصده قوي ارادتج واستعيني بالله سبحانه وصدقيني من تقعدين بالسياره راح تنسين الخوف حاولي تطلعين مع احد ويكون وياج وروحي حاولي وصدقيني لو تحطين دعاء الركوب راح يروح منج الخوف قلبي

 

[نملة حوله]

:0bee2e8d89: مثل مشكلتي !!!! وتخيلي انا صكيت ال 22 :0bee2e8d89:

وزيدي فوق الخوف اني ماادل شي !! والله حتى بيتنا اظيع فييييييييه

شنووو الحل؟؟​

 

[غريبه قصة احزاني]

هالحين مالج قيمه عشان اتخافين من السياقه ......... شنو هالثقه !!!!

يبه عادى اذا اتخافين ماله داعى ....... ارواح خلق الله مهى لعبه باجر تدعمين احد ويضيع من جيس اهله وقضيه وحالتج حاله ........

بصراحه السياره مهى لعبه اللى يخاف لايسوق ........

انا خواتى يسوقون بس انا اخاف وكانى يايبه لى دريول وفاكه عمرى ....... بصراحه مسؤليه .......

لاتنحبطين بس فعلا السياره مسؤليه وراواح ناس لازم الواحد يحسب لها حساب .....


لاتزعلين منى ......... بس والله حاسه فيج عندى نفس الاحساس بالنسبه للخوف

مشكوووره حبيبتي ما قصرتي

بس حبطتيني زياده:0bee2e8d89:

 

[غريبه قصة احزاني]

:

انا كنت مثلج اخاف ومادري شنو

بس والله الحين اتحرى الساعات عشان اسوق فيها

انتي جربي وراح تستانسين

مشكووووووورة قلبي:tek: الله يعطيج العافيه يارب
والله فرحتيني عسى ربي يفرح قلبج وان شاء الله اكون مثلج اتحرى الساعات عشان اسوق لووووول:dddds:

 

[غريبه قصة احزاني]

حبيبتي احسج معطيته الأمر أكبر من حجمه ..

تري كل هالبنات اللي تشوفينهم الشارع كانوا يخافون من السواقه لكن مع الممارسه صاروا مشاءالله تمام
وفعلا المره بالوقت هذا محتاجه سياره وانها تسوق وتعتمد على نفسها لان ماتدري شيصير معها او يمكن بالوقت اللي بتطلع فيه ماتلقي احد يوديها ويبها , فنصيحتي لج سوقي وعتمدي على نفسج وشجعي نفسج بنفسج , واقول سوقي شوي شوي ليما تاخذ ريلج علي السياره وتنتبهين بالشارع يعني لاتلهين نفسج وتري السواقه وايد سهله مو صعبه بس لازم الانتباه والممارسه يعني مو من التدريب بتصرين ممتاز لأ شوي شوي والله يوفقج ان شاءالله

عسى ربي يسعدج ويفرح قلبج مثل ما فرحتى قلبي
مشكووووووووووره يالغاليه ... وان شاء الله بسمع كلامج واطبقه وماقصرتي حبيبتي:tek:

 

[غريبه قصة احزاني]

حبطتوا البنت حرام عليكم اشدعووووووووه ... ههههههههههههه لو ودها تسوق بتهون من هالحجي يمه منكم حبيباتي اتغشمر ......... سمعي نصيحتي حبيبة قلبي انتي تدرين قبل كنت من اكون مع امي بالسياره بس يمر يمي بااااص اتصرقع من الخوف بس وربي من سقت سياره قمت ابتون هههههههههههههههههههه واداحر السيارات اللى اقصده قوي ارادتج واستعيني بالله سبحانه وصدقيني من تقعدين بالسياره راح تنسين الخوف حاولي تطلعين مع احد ويكون وياج وروحي حاولي وصدقيني لو تحطين دعاء الركوب راح يروح منج الخوف قلبي

خخخخخخخخخ ربي يحفظج وين ما كنتي ويجبر بخاطرج مثل ما جبرتي بخااااااطري:tek:
والله عطيتيني الثقه خخخخخ....

مشكورة قلبي وما قصرتي وان الله اصير مثلج ادااااحر السياراااات:dddds:

 

[غريبه قصة احزاني]

:0bee2e8d89: مثل مشكلتي !!!! وتخيلي انا صكيت ال 22 :0bee2e8d89:

وزيدي فوق الخوف اني ماادل شي !! والله حتى بيتنا اظيع فييييييييه

شنووو الحل؟؟​

صج والله فيه مثل حالتي يعني:tomato2:.....الله يشرح صدرج يااارب ويقويج وتصيرين اداحرين السيارااات ههههه

ياحظكم تسوقون سيارات

عاد اانا خاطري اسوق

انتي من السعوديه؟
الله يسر لج امرج...ولولا الحاجه ما حبيت السياقه

 

[DeCToOoRa]

والله حاسه فيج لان نفس مشكلتي ,,, انا للحين مااسووق وحتى ليسن ماطلعت ,,,, وامي واهلي كلهم يحنون علي بس ماكو فايده ,,, انا خوافه خوافه ,, وماادل ولا مكان حتى بيتنا ,,, مادري اشلون ماعرف اركز عالطريج ,,, وكل رفيجاتي يسوقون وعندهم سيارات الا انا ,,, بس هم هالشي مايخليني احس ان مالي فايده ,, لان انا بيدي اسوق بس انا موقاعده احاول !!

 

[معكرونه أسبكتى يم يم]

دلوعه والله مقصدى احبطج ........... بس ماودى انج اتسوقين وانتى خايفه ........ لانها مسؤليه

 

[Athwaq]

انا عيل متدربه غصب وماخذه الليسن غصب يبوني اسوق وانا مابي - مااخاف و اعرف و ادل كل مكان بس مااابي مالي خلق اسوق

وانا مو صغيره و خواتي يسوقون بس انا كنت حاطه سايق و الحين راح و ماعندنا مكان حق سايق ثاني

فـ مقزرتها مع اللي يروح و يرد مؤقت على مايخلص البنيان

بس شكلي راح اضطر اسوق سيارة السايق اذا سافروا اهلي ان شالله

لان ماكو احد يوديني (مشاوير غير الدوام) غير ابوي الله يحفظه و ماله خلق مشاوير جمعيه و غيره

انتي تدربي اول بمنطقتكم .. طلعي مع احد من اخوانج والا ابوج و سوقي بفريجكم و منطقتكم لما تتجرأين شوي و تنطلقيييييييين عقبها

سبحان الله

اللي تتمنى تسوق اهلها مانعينها :cxxxp:

واللي ماتبي تسوق اهلها جابرينها :cxxxp:

و وايد ساقوا و ابتلشوا بالمشاوير و المسئوليه:cxxxp:




صدق الرويشد يوم قال مافي احد مرتااااااااااح :dddds:

 

[pink-rose]

حالي من حالج والله

انا خوافه وما ادل الطريج وريلي مو راضي يخليني اسوق!!!!
يقول هذا وانا اسوق فيج واذا مر باص او شاحنه اتدودهين اشلوووووون لو انتي الي سايقه؟؟؟

قمة الاحباط انا عمري صك ال25 وللحين ما سقت ولا اعتقد اني راح اسوق وبنات خالاتي الي بال 18 وال19
ساقوا ما شاء الله عليهم

 

[Artya 【ツ】●]

بالعكس خليج واثقه من نفسج وسوقي ،، وأعتمدي على نفسـج أحسـن
والخوف مع الأيام إن شاء الله بيروح ،، يمكن أول الأيام بس عادي ترا شي طبيعي بتخآفين
إذا ما سقتي اليوم بتسوقين باجـر ،، والله آنا ودي بس أهلي خايفين علي مو راضيين يخلوني أسوق
صج مرت علي مواقف كرهت نفسي ،، لو عندي سياره جان ما مريت بهالمواقف البآيخه ولا أنذلييت من أحد

بس شنسوووووي


تدربي عدل وسوقي ،، و بشريناااااا إذا سقتي

 

[ام الحكمة]

حبيبتي لا تخافين وخلي ثقتك بالله تعالى ودائما استعيني به ليقويك وينصرك واذا احببتي ان تثقي بنفسك ويمنحك الله القوة خذي هذه الطريقة
يوميا عند صلاة الصبح اذكري اسم الله يا فتاح 100 مرة ويا قوي 100 مرة
واكتبي سورة الانشراح 3 مرات واسم الله القوي 100 مرة واحملي هذه الرقة دائما معكي .
بعون الله بعد شهر واحد راح تلاقين نفسك غير وراح تشوفين نفسك قوية حتى الناس راح تحس بقوتك .
وادعو الله يوفقك
تحياتي

 

[fashion girl]

يا الغاليه .. اتكلي على الله وفي البدايه سوقي مع اي احد من اهلج يكون قاعد يمج يقوي ثقتج ..

وقولي الدعاء وان شاءالله ماكو إلا كل خير ..

 

[يامنيتي]

شوفي انا أول ما خذيت الليسن كنت واايد واايد خوافه لدرجه انه ريولي ترجف وانا حاطتها على البنزين ( خخخخخ )

وحتي يوم التراي الشرطي قالي انتي صج ما غلطتي ابشي بس ضعيفه فنصيحه لا تطلعين وقت الزحمه ( طبعا هالسالفه حيل قديمه لاني من مواليد السبعينات )

اوووه لو تشوفيني الحين كل مكان أروح حتى شاليهات الوطنيه اللي ابعد من الخيران رحتلها ابروحي

فعادي شعور الخوف اللي تحسينه معظمنا مرينا فيه

والله يوفقج ويحفظج من شر