محتره ومنقهره ومحتاره ... يااارب الخيره يارب الخيره

[kuwaitya_zoGaa]

انتى ادورين عوار القلب دوراه
طنشي علشان تعيشين

 

[Ba$ko0oTa]

والله حبيبتي انا بقووولج شي وااايد بنات فكرووون مثلك
من كثر ما يحبوون ازوااجهم يخافوون ان يخربطوون من ورااهم
وما الوومك اذا يااج هالاحساس كلنا مرينا
بس ما عليه انتي لا دققين على اموور جذي
شووفي قلبي اذا ريلج عنده شي ما رده ربج بيكشفه
سواااء اليووم او بااجر
فخليها على الله
وادعي ربج يبعد عنج الشك ويبعد عياال الحرام عنه

 

[om_dodo]

الله يعينج

 

[الغاليه نونو]

موتيني من الضحك والله العظيييم سالفتج موخوش سالفه

عيل لا تخلينه يتعطر ويطلع يمكن تشم ريحته وحده وتقول له يااااااااي شو هالريحه بتجنننن ديري بالج خليه علي بخور الجاوي وكلونيا مالت سنين الطفحه

والسياره بعد لا يسووقها مو بعيده يوقف عند الاشاره وتتحرش فيه وحده
لا وبعد دوااااااااامه ليتج تمنعينه منه خليه يجابل البيت موخوفج اتييي مواطنه من هالمواطنات وتتحرش فيه


انتيييييييييييييي علامج يمه صلي عالنبي وذكري الله والعني ابليس دام الريال طيب وحبوب وماشفتي عليه شي وعساج ماتشوفين منه الا كل خير شكو تنبشيييييين وتوسوسين واتييبين المصايب وحده ورا الثانيه وتالي تقولين لحقوني يالايوااااااااااااد


ديري بالج يمه ودامج قاعده تتفحصين الجهاز وماتشوفين شي موو يمكن قصده عنده مواقع شباب والا سوالف ريااييل مايبيج تشوفينها لا تسيئين الظن غلاتي ودوم خلي ريلج بعينج اهو الاول والاخير واهو قدوة عيالج اللي ما يخطي واهو الامان اللي مظلل عليكم
لا تزعزين البيت وتسببين علي عمرج هذا انا وصيتج وانتي بكيفج

 

[G!RLooNa]

بصراحه انتي تدورين المشاكل وعوار الراس يعني استغرب من الحريم انا اذا ما لقيتو شي تسوون لكم سالفه تاذون روحكم و تاذون رياييلكم بالشك؟

 

[سفيرة العشق]

رد : محتره ومنقهره ومحتاره ... يااارب الخيره يارب الخيره

والله انا اقول لا تدورين السوالف وعوار الراس
علاقل ريلج ينظف وراه في رياييل اشكره يخلون هالسوالف

الله يهديه ان شالله ومرده راح يمل من هالسوالف

 

[♥ąϻᴑŁ♥]

حبيبتي لاتخلين الشيطان يدش بينكم .. تعوذي منــه ولاتنبشين ..

وان شاء الله ماكو الا العافيـة ..

 

[اميره1980]

يا حبج للمشاكل
لا تحفرين ورا الريال
ساعات اذا حفرتي ورا اشخاص معيننين تتحسفين طول عمرج

 

[ام فارس 1]

حبيبتي لا تبحثين عن شىء طو ما حياتج مستقره ،وانتي للحين ما تاكدت من شىء فلا لا تقلبين حياتج واستقرارج بس حاولي بطريق غير مباشر توجهينه وتتكلمين معاه بالشكل العام(سوالف) وانشالله ماكو الا كل الخير بس انتي لا تفتشين والله راح تتعبين خلي كل شىء بيد رب العالمين وبعدين كل انسان يتجازى بعمله وبصراحه زمنا يخوف صار للاسف في وايد امور عاديه بمجتمعنا بس لازم احنا نخلي الله بين عينا والانسان طول ما انه يعرف حلال وحرام ماعليه خوف لن الوازع الديني قوي عنده

 

[أ.س.م.ا.ء]

الله يهداج اش لج بالطلايب ... اشفيج تعوذي من ابليس ... انت عشتي مع ريلج 4 سنين والمفروض انج بعد هالعشرة تقدرين تحددين اذا اهو ريال يحب هالسوالف ولا لأ ... وبعدين انت ليش مصرة انه يشوف هالمواقع ... يمكن اهو صج ما يحبهم ولا يشوفهم ... وانت من كلامج ما شفتيه مرة ولو بالصدفة داخل على هالمواقع
وبعدين لو يبي يخربط فيه الف طريقة وطريقة وابسطها انه يحط رقم سري للاب توب ماله وانت ما تعرفينه ولو تنقزين ما تدرين شنو المواقع الي يدش عليها ... بس الريال فاتحة بدليل انج تفتحينه من وراه وتدوين عوار الراس لنفسج
ذكري الله وتعوذيمن ابليس ولا تخلين الشيطان يقص عليج ... ولا تسوين لنفسج مشكلة من ولا شي
الله يطمن بالج ويسخر لج ريلج ويسخرج له ويرزقكم الذرية الصالحة السليمة المعافاه
آآآآآآآآآآآآآآآمييييييييييييييييين

 

[Sarooii]

الله يسخره لج ،، و انشالله مافي شي

 

[miss-winter]

شفيج تدورين ورا ريلج ترا موزين تركضين ودورين وراه تعوذي من ابليس هذا ابليس قاعد يوسوسلج بريلج ومافي الا العافيه ان شاءالله