محتويات حقيبة الطعام للروضة والمدرسه ....تعالو نتشارك:)

[سيدة الكويت]

رد: افكااااركم امهات (لوجبة الفطور والسناك ) لبوكس اعيالنا حق المدرسه

توست او صمون مع ناتولا _توست جبن ابيض فرنسى وخيار شرايج شوى طماط صغار داخل الصمونه- صمونه او توست داخلها توركى وخيار--------سمبوسه جبن - جبن سائل مع توست - جبن شدر - لبنه مع زيت وزعتر لو بدون اللبنه-----كرواسون وتتحشى جبن او اى شئ يحبه اليهال - صمونه فلافل ------- صمونه بزاليا ----------زيتون بكيس اى نوع يحبه الياهل ---------------بيض بطماط--------- بيض بدون طماط

كريم كرمل ملعقه نايلون ----- دانينو مع ملعقه نايلون---------حليب فراوله وكاكاو -------عصير كى دى دى لو فرش برتقال او مانجا او كوكتيل -------- قطع تفاح - عرموط - خيار --- فراوله فرش--موز----------عنب ------------بسكوت شبس

 

[كـلا كـلا]

رد: افكااااركم امهات (لوجبة الفطور والسناك ) لبوكس اعيالنا حق المدرسه

في وحده حاطة موضوع بقسم المطبخ عجيب
روحو شوفوه
!

 

[Soul2soul]

رد: افكااااركم امهات (لوجبة الفطور والسناك ) لبوكس اعيالنا حق المدرسه

هلا


أنا مو أم لوول


بس شفت الموضوع قلت بقولكم شي يمكن تفيدكم .. الفواكه أهم شي لان اليهال لازم يعوضون بدال الحلويات اللي يآكلونها حطوا الصحن البلاستيك الصغير المقسم وحطوا فيه خوخ مقصص صغار أو خيار أو تفاح أو كرز أو توت أو أي شي حلو ومرغوب طبعاً ما عدا البرتقال والأفندي لان ريحته تلزق لوول


هالحركات كنت أسويها لي الثنويه والله وبالعكس البنات كانوا يآخذون مني والكل يبي يقلدني !

والله حلوه الطريقه لان أصلاً يصير شكله حددده يشوووق ويشهي + مفيد جداً


بس شرط التنويع عشان الياهل ما يمل من نوع الفاكهه ويكون مقطع صغار عشان يآكله بسرعه على راحته وقصيه قبلها بفتره بسيطه أو قبل طلعته عشان لا يسود !

وسوري على اللقافه لوول .. ربي يخليلكم عيالكم ويعطيهم الصحه والعافيه يارب

أتمنى أكون فدتكم ولو الشي القليل

 

[فرح العجرف]

رد: افكااااركم امهات (لوجبة الفطور والسناك ) لبوكس اعيالنا حق المدرسه

ياليت بالصور كان احلاااا


تسلمين حبوبه علي الموضوع@@


اعطي ولدي توست وكاكاو نوتيلا

عصير المراعي

بطاط برنغلز

تفاحه\موزه

 

[سفرجل]

رد: افكااااركم امهات (لوجبة الفطور والسناك ) لبوكس اعيالنا حق المدرسه

انا كنت حاطه اعيالي في حضانه يعطونهم اكل فا ماكنت احاتي بس الحين بغير حضانتهم فالاكل من عندي
فا فكرت احط لهم مره بيض مفيوح مع خيار وعصير او حليب وصمون مره اح لهم فيها مربى او جبن او لبنه
واحط لهم سمبوسه جبن وفواكهه يعني انوع
بس هالحضانه عندهم ممنوع كاكاو وبطاط وكورنفلكس

 

[باونتى]

رد: افكااااركم امهات (لوجبة الفطور والسناك ) لبوكس اعيالنا حق المدرسه

ولدى بالحضانه وممنوع احط له كاكاو وبطاط وحلويات .. أحط له لوجبة الفطور توست مع جبن ومرتديلا أو صمون بيض مع نقانق يحبه وااايد أو بيتزا صغيره أو كرواسون جبن .. وأحط له حليب بالكاكاو لوجبة الفطور واقصص له خيار .. ولوجبة السناك أحط له عصير كى دى دى مانجا أو كوكتيل وكب كيك المطاحن أو بسكوت أو تفاحه مع مطارة الماى .. الموضوع وااايد حلو وخذيت منكم افكار حلوه للريوق خصوصا الصمون الملون

 

[وافية*]

رد: افكااااركم امهات (لوجبة الفطور والسناك ) لبوكس اعيالنا حق المدرسه

بنات ديرو بالكم تسوون العصير فرش الصبح وتحطونة بالمطارة ويتنقع 3 ساعات على مالولد يشربة ترى موزين يخرب لانة مافي مواد حافظة وجونا بعد ماشاللة...
المهم.........
انا ولدي مدرسة خاصة وممنوع منعا بااااااتا الكاكاويات والبطاط كلش
احطلة كرواسون زعتر زجبن وسادة (امريكانا الصغار)
واحط 2 عصير مانجاabc وبرتقال الربيع
واحط بعد بسكوت كوكيز او بسكوت الفانيلا
وبعد احط بوكس صغير فية عنب يحبة ولدي (بس واللة ماياكل دايما)
احطلة كيكة فانيليا
وعاد لما عرف انة في مقصف والناس تشتري منة قام ياخذ فلوس غير طبعا الاكل اللي بالجنطة ويشتري منهم (بيتزا مالت دومينوز بيتزا يبيعونلهم القطعة ب400فلس )
وبس سلامتكم
طبعا لازم مطارة الماي ومناديل كلينكس المعطرة

 

[Dancing^Queen]

رد: افكااااركم امهات (لوجبة الفطور والسناك ) لبوكس اعيالنا حق المدرسه

احنا الكاكاو والبطاط ممنوع

احطلهم لنش بوكس المربع الصغير
احط ذره شوي
خيار مقصص دوائر ومرات بيبي كاروت علي مشتهاتهم لازم خضار تمشي البطن وتلينه
حبتين جبن كيري <<<طالعين علي امهم يموتون بالجبن حبايبي
بيبي كرواسون الفيصل ماحب امريكانا سبحان الله دايما مروح !!
واذا مو الفيصل احط سارا لي
والتبروير وياه قفشته علشان ياكلون خضرتهم ومقسم

احطلهم قوطيين عصير غير مطاره الماي
احطلهم توست وجبن وتيركي او مرتدلا
وحبه فاكهه (مو از عنب او كمثري)
وكيك



الحين هابين مايبون توست يبون كورن فليكس صرف ، يعني بدون حليب فاخذ الجيس البلاستيك الشفاف احطلهم فيه كورن فلكس ياكلونه جنهم ياكلون حب!!مع العلم مدرستهم حاليا العصر ! يعني شكو كورن فلكس مادري
حتا الكيك هونو عن الكب كيك والسويس رول
يبون كيك بترا يقصصونه مربعات صغار ويحطونه بجياس البلاستيك الشفافه



وكل يوم لي ردو اجيك علي جناطهم شكلو ماكلو وليش ماكلو واذا مو عاجبهم شنو يبون بديل

 

[ديرتي الغاليه]

رد: افكااااركم امهات (لوجبة الفطور والسناك ) لبوكس اعيالنا حق المدرسه

يعطيكم العافيه ..........

 

[برونزيه شقرا]

رد: افكااااركم امهات (لوجبة الفطور والسناك ) لبوكس اعيالنا حق المدرسه

الله يعافي شويخ وستي سنتر

 

[رفرف]

توست او صمون والاحسن صمون أمير الامراء اللي مخلوط معاه اشبنت او سبانخ او زعتر افيد ..
والحشوات :

جبن كيري وعسل
جبن او لبنة وخيار
جبن او لبنة وزعتر
جبن او لبنة مع زيتون
نوتيلا مع بينت بتر او بروحه
جبن سلايز ومرتديلا او تيركي


معجنات (بيتزا- فطاير جبن-زعتر)
كرواسون جبن او زعتر
ميني باتيه جبن مع زيتون او زعتر


السناك :
سناك بار اللي نفس الككاو بس اهوه كورنفليكس او الياف وايد حلو ومفيد بنتي اتحبه
نفيش احطه بعلبة بلاستيك تستانس عليه وافيد من البطاط والبفك
اجياس سبال او كازو او فستق امقشر ماركة كتكو او الرفاعي
جبن كيري بنتي تحبه ..
او مثل بنات كوين تحب كورن فليكس او كوكو بوبس بدون حليب ..
كريم كرمل او دانينو او روب مع قفشة بلاستيك
كيك ميني رول
بسكوت اوريو او كوكيز او اي نوع يحبونه


الخضار او الفواكه :
تفاحة
موزة
خيار مقصص
بطيخ مقصص
رمان مفتت مع قفشة
عنب
فراولة


طبعا لازم حليب فراولة او ككاو او موز ..
او عصير بريمو مع حليب
او عصير عادي
انا احط 2 حليب وعصير لأن حرام اليهال ايعطشون خاصة بالصيف ومرات اخر الدوام تشرب العصير لأن احنا غدانا متأخر ..


واكيد اهم شي مطارة الماي ..

 

[cute-girl]

انا ايحطولي
1-صمووون
1-بطااااط
2-عصير و حليب
3-علوووج
2-حلاو
1-ككاو
1-اوريو او كوكيز
و كلينكس
والفرصه الثانيه من المقصف
بلاعه لوووول بالعايه علي

 

[cute-girl]

انا ايحطولي
1-صمووون
1-بطااااط
2-عصير و حليب
3-علوووج
2-حلاو
1-ككاو
1-اوريو او كوكيز
و كلينكس
والفرصه الثانيه من المقصف
بلاعه_03BA: لوووول بالعافيه علي

 

[sweetthing]

welcome

 

[زهور الكويت]

يسلموووووووووووووا

 

[al7reyaa]

بالنسبه حق الصمون
خبز وجبن .توست لبنه بالزعتر.كرواسون زعتر .كرواسون ساده
البسكوت
اكو بكارفور بسكوت مكتوب عليه كيدز مشكل كل ثنتين مجيسيين
عصير كي دي دي وحليب ككاو
اذا يبي خياره حطيت وله تفاح اخضر احط كامله ياكل اللي ياكله

 

[اثمان]

بنات انا احط لعيالى صمونتين وحليبين وعصير من كى دى دى وفاكهه او بسكوت او كيك
ومرات حليب واحد من كىدى كاو لانه كبير

بس كى دى كاو حليبهم احسن لانه فريش اما كى دى دى حليبهم بودره

الله يهديهم اليهال يا ليت ياكلون

 

[كيت كات]

اهم شي بنات انكم ماتحطون حلاو
شاكرة لكم تفاعلكم

 

[نونا**]

بنات اللي تقصص الفاكهه حق عيالها خل تصب فوقهم شوي من عصير البرتقال عشان مايخيسون

 

[دندرمه]

يسلمووو على الموضوع

انا أقترح :

صمونه بيض او فول ( بنات لا تستغربون ) ترى الفووووول له فوايد للاستذكار مو طبيعية خصوصا للطلبة شوفوا عيال الزلمات وستفيدو

موزة او تفاحة....عصير كاكاو وبطاط