محد بيساعدني بعد الله غيركم /

[حيل حساسه]

هلا فيكم
انا مشكلتي يابنات اني ملجهه من فتره طويلهه وكنت ابيهم يستعجلون على عرسي
لان كنت بعلاقة حب قبل لا املج واللي يحبني يقربلي بس ماوافقوا عليهه اهلي بسبة مرض فيه
ودامت علاقتي انا معاه سنتين تقريبا واللحين تزوج وعنده ولد ويحاول مسكين بشتى الطرق يبتعد عني
وانا ابتعد عنه لكن بينيا تويتر وانستغرام ومرات يحط اشياء يقصدني ادري فيها وادري يحبني
تخيلوا يابنات حتى لما بيحددونه اجلوا التحديد //
بنات والله العظيم برب الكعبه تعبت من هالتفكير ودي اتزوج وانساه قمت اغار حيل انه تزوج وعيل وانا للحين
قمت اغار انهم للحين ماحددوا عرسي واهوه بين فتره وفتره يسالني ها حددوا وانا اتعذر مع انه مالي شغل بهالتحديد كله على اهل الزوج // بس للعلم ترى ابد مو متواصله ممعاه لكن بين فتره وفتره طويله حيل يسال
بنات ساعدوني تكفوون // على كثر ماحبيته على كثر ماغرت منه انه تزوج قبلي // ابي باي طريقه يقربون هالعرس عشان ادخل حياة جديده وانسااااااه :eh_s(2)::eh_s(2)::eh_s(2)::eh_s(2)::eh_s(2):

 

[نكتار 2010]

حبيبتي بهالطريقه موش راح تنسيه حتى لو تزوجتي

فكري في حياتك ومستقبلك وحبي زوجك وتواصلي معاه لان لو يدرى بالموضوع انتي لوحيده راح تخسري في حياتك

يمكن رب العالمين كاتبلك حياة حلوه وانتي معقدتها

عسى ان تكرهو شيئا وهو خير لكم

 

[حيل حساسه]

ياليت اقدر اكلم زوجي والله جان كلمته
لكن العادات والتقاليد تمنع هالشي
انا مشكلتي بس افكر في هذاك

 

[عسى الله يهديني]

والله مادري شقولج

برب وارجع اكلممج شةي

 

[عروسة اكتوبر]

حبيبتي هالاحساس عادي انتي تحسين بفراغ وتبين الزواج يشغله لا تضايقين نفسج حبيبتي وان شاء الله يحددون عرسج بالقريب العاجل ياااااااارب

 

[عسى الله يهديني]

الي فهمته منج انج كنتي تحبين واحد والحين تزوج واستقر

شتبين فيه بعد وش الي شاغلج فيه

اصحي حبيبتي مالج حاجه فيه دان راح وشاف نفسه

وانتي بنفسج تقولين انه يحاول يبتعد عنج

خلاص يااختي كفايه لحد هنا

انتي مردك تتزوجي سواءا اليوم او باكر
رددي دعاء اعجال الزواج


انا وضعي اردى منج بس قاعده اهون عليج عشان اهون على نفسي
الله كريم حبيبتي
.
اشرحيلي وضعج اكثر اذا تبغين ترى مافهمت موضوعج

 

[عسى الله يهديني]

واذا يعني حددو عرسه وعرس قبلج

الرجال دحين مستانس ومتشقق بالفرحه وبعالم ثاني وجاله عيال ولهى معاهم

وانتي خليكي كذا متحطمه وملعوب بنفسيتج عشان واحد مرتاح ومستاتس


وبعدين هذا النصيب ياحبيبتي احمدي ربج انه تزوج قبلج

ياليت وضعي مثلج احمدس ربج

 

[مـهـــابــــه]

والله ماعندج سالفه الحين ازعل و اتضايق عشان واحد مختار حياة جديدة بعيد عني و مستانس و عايش احلى عيشه وانا اتكدر عشانه و افكر فيه .. ليش ما تفكرين بنفسج من باب اولى ؟ ليش ماتحبين نفسج و تعشقين لها الخير و اذا حبيتيها راح تبحثين عن كل شي حلو و سعيد لها
ثاني شغله ليش تتابعينه بتويتر و الانستقرام ؟ طبيعي ماراح تنسينه اذا كل شوي اسمه يمر قدامج
حبيبتي بلووووووك و انفولو و ضيفي حسابات نكت و اشياء تونس و اهتمي بنفسج سوي لج برنامج عناية و ضبطي اسنانج و اشتغلي ع عمرج ليزر و حمامات مغربية و سوي ماسكات شعر لا تقعدين فاضيه و حاطه ايدج ع خدج و تفكرين بالذي مضى
ناس فقدوا ام و ابو تعرفين يعني شنو ام و ابو ؟ ما ماتوا عاشوا حياتهم و كملوا وهم اللي فقدوهم اغلى شي بالدنيا مو واحد يحط لج صورة والا بيت شعر كل 15 يوم يعني ترى انا ذاكرج ومانسيتج و هو عايش احسن منج و متوفر له كل شي وانتي دمعتج ع خدج بسبته ليش ان شاء الله ؟
ترى الرياجيل واقعيين و يتكيفون مع اي حياة تنحط قدامهم ما يظل يذكر و يتلهف ع شي راح و انتهى لا عندهم قدرة ع النسيان بظرف ايام
و العرس بيجي و بيتحدد بيوم لا تفكرين فيه واجد المهم انتي شنو جهزتي حق هاليوم اذا وصل ؟
انصحج تقرين كتب تطوير الذات و البحث عن السعادة راح يتغير نمط حياتج مع اول كتاب تنهين قراءته

 

[عسى الله يهديني]

مهابه ياحلو كلاااامج وربي ان كلامج عين العقل

الله يجزاج خيررررر



الله يوفقج دشيتي وكتبتي نصيحه لوجهه الله ماترجين من وراها شي
ماتدرين شلووون غيرتي شي بداخلي واكيد صاحبه الموضوع بعد



الله يكثر من امثالج

 

[M!SS.LOBY]

لا حول ولا قوة الا بالله

 

[baa6aa]

انتي بهالطريقة قاعده تتعبين نفسج مو احد ثاني وماراح ترتاحين لين تخلين تفكيرج كله بريلج .. غيري خطج قطعي كل طريقه تتواصلين فيها مع اللي قبل .. حطي نفسج مكان ريلج نفرض دريتي كان بينه و بين احد علاقه هل ترضين ؟ الشي اللي ما ترضين فيه على نفسج لا ترضين فيه على غيرج
وكلي امرج لله و جابلي ريلج وان شاء الله بيعوضج عن كل شي

 

[lulu_q88]

مالومج لان اللي فهمته تقدم لج واهلج مارضو معناته بينكم حب شريف مو خرابيط <

بس انتي المفروض دامه تزوج وعيّل تنسينه خلاص وادري صعب تنسينه

بس حاولي انج تحذفين التويتر كله والاستقرام احذفيه وضيفي حسابات تنفعج بعرسج مكياج طبخ تاجرات نكت اي شي يشغلج ويحط تفكيرج كله بعرسج

وحياتج الجديده

لان الفراغ العاطفي هوو اللي يخليج تبين يتحددالعرس وتلهين عنه انتي بيدج تلهين نفسج باشياء ثانيييه وصدقيني هذا التاخير بالعرس من الله عششان ترضين ربج وتصبرين ماتكلمينه وتستغفرينه عن كل ذنب واذا ارضيتي الله وتركتيه بالمره باذن الله بيتحدد العرس وبيسعدج مع زوججج اهم شي اقطعي عنه كلش ولا تكلمينه بالمره وبتتعودين لهي نفسج باي شي وبتنسينه وبيتحدد العرس بإذن الله


والله يوفقج ويسسعدج ويهنيججج ويتحدد عرسج قريب وتنسين كل شي : (

 

[حيل حساسه]

جزاكم الله خير كلكم
ومهابه خصوصا كلامج حييييل ريحني
لكن المشكله اللي اعانيها تخيلوا زوجته وبنات خالاته معاي بالانستغرام
وعمته بالدوام معاي
بكل مكان اشم ريحتته
ابي حل ل هالطامه بس

 

[حرم آلشيخ]

انا رايي من راي مهابه ، كلامها عين العقل

عطيه انفولو وبلوك من الانستقرام وتويتر واذا يعرف رقمج غيريه ، وحاولي تغيرين من نفسج واهتمي بنفسج واستانسي بحياتج
ونصيحة اقري كتاب " ترا الحياة عجيبه "


الله يوفقج يارب ويساعدج على نسيانه

 

[FoFa stylish]

حبيبتي شوفي انا اخو رفيجتي تقدم لي بس لانه صغير كان عمرنا 19 ما رضوا اهلي بس انا ما تعلق فيه بس تعرفين رفيجتي كله تقول ياريت عندي ياريت و ياريت و هي 24 ساعه معاه بالواتس اب و الجامعه عقب ما ملجت
فقمت بالصلاة ادعي
يارب لاتتعلق قلبي بشئ لم تكتبه لي


و الله بتنسينه و بتنسين اهله و هذي رفيجتي لي الحين اكلمها و تقول لي نفس الكلام بس سبحان الله ما قمت احس نفس قبل بالندم بالعكس صرت اقولها يالله الله يتمم على خير و اعرس و يرزق اخوج


بعد بس دايم ادعي بهالدعاء و لحي فيه و ان حصل ابجي و خاصه قيام الله اسالي المجرب

 

[مـآلي شبيه~]

غلطانة ضايفته تويتر وانستقرام
انفولو ياقلبي ولا جنج دريتي عنه اهم ماعليج راحه بالج
وليش تغارين عادي ان شاء الله قريب يحددون عرسج وتعيشين مع زوجج احلى عيشة باذن الله
واهو خلااااااص تزوج و عيل و انتي بتزوجين لا تشغلين نفسج فيه
اشغلي نفسج بهواية انتي تحبينها او جهزي من الحين

 

[حيل حساسه]

الله يوسع عليكم مثب ما وسعتي علي
مشكورين
وابي راي وردود بنات يهونون علي اكثر

 

[عسى الله يهديني]

شلون نهون عليج

احنا نتكلم وننضح وانتي راكبه راسج وللحين ماحذفتيه

اول شي احذفيه سوي الي قالولج عليج البنات

واحنا معاج ياقلبي لاتحاتين

قوي قلبج لي متى واحنا نعيش بهالخبال


قبل قولي معانا عذر مع انه عذر اقبح من ذنب
بس الحيم شنو رادج

اعزمي النيه

واحذفيه



توكلي على الله

 

[نكتار 2010]

حبيبتي فيه كثير قصص حب انتهت قبل لا تكمل هاذا قدر من رب العالمين

غيري حياتك بالكامل مش راح تنفعك لا عماته ولا اخواته ولا احد

غيري الرقم والتويتر وكل شيء او احذفيهم تماما حتى ما تلاقي حجه وترجعي تشوفيهم

هو عايش حياته وليش انتي ما تعيشي حياتك

فكري شوي بعقلك وخلي القلب على جنب ما راح ينفعوك لو زوجك يدرى وقتها تكون مصيبه لا سمح الله وتعنسي هاذا غير السمعه الي تتشوه

ليش ما تفكري في اهلك شنو ذنبهم من كلام الناس

هو نفسه حتى الي تحبيه ماعاد يحترمك بيقول هاذي ميته حب فيني ليش ما استغل الوضع

وزوجته لو تعرف شنو راح يكون موقفك لا تنسي الزوجه لو حست باي شيء غريب راح تصير تنبش في الماضي والله عالم شنو بيكون تصرفها

 

[حيل حساسه]

الله يفتحها علي يارب
ويرزقكم علي قد نيتكم يالحبيبات
ماقصرتو والله