أحلى همبه كويتية
**مشرفة قسم مائدتك**
كثييييييييييييير سمعت ان الباذنجان الأبيض كمحشي لذيذ
وانا بالجمعية شفت مرأة مصرية تاخذه
سألتها اشلون طعمه فشجعتني اجربه :ggdw:
اشورانا
نجرب
والحمد لله التجربة ناجحة وطعمه حلو كأنه كوسااااااااااااااااااا
المقادير حسب عدد الأشخاص انت تحددينها
ورق عنب طازج من الجمعية ( يبيعونه بصناديق خشب صغيرة )
باذنجان ابيض صغير ( محفور من الوسط مثل ما نسوي الكوسا شيلي اللي داخله واغسليه )
حلقات بطاط – جرز – بصل ( حسب الرغبة ) انا ما حطيت
ميني فلفل احمر رومي صغير ( الاحمر الصغير اللي مبين بالصورة )
الحشوة :
عيش مصري مغسول
بصل مفروم ناعم
كركم
1 ملعقة كبيرة نعناع يابس
1 ملعقة صغيرة بهارات مشكله
1 ملعقة صغيرة لومي اسود ناعم
ملح
طماطة متوسطة مفرومة ناعمة
شوية زيت
ماي الطبخ :
ماء حار يكفي لتغطية الملفوف والباذنجان بارتفاع 4 سم تقريبا
ربع كيس صبار ( احلى نوع اللي كيسه ازرق انتاج تايلند طري واااااااااااااايد )
2 حبة ماجي
عصير ليمون ( اختياري للي يبي حموضة اكثر )
ذوبيهم مع بعض وشيلي فصم الصبار
الطريقة :
- قطعي عروق ورق العنب الزايدة وغسليه بماء بارد
-في جدر على النار ضعي ماء حتى يغلي
-ضعي ورق العنب فيه لحظات عشان يطرى بس ( بمجرد ما تشوفين لونه تغير شيليه وحطيه بمشخال عشان ينزل الماء )
-لفي ورق العنب كما هو معتاد وصفيه في جدر به قليل من الزيت بالقاع لما تخلصين الكمية
-احشي الباذنجان من الداخل وصفيه فوق ورق العنب ثم البطاطس والجرز والبصل ان وجد
-ضعي صحن صيني سميك وثقيل شوي على الملفوف عشان ما ينفتح الورق اثناء الطبخ وصبي عليه خليط الماي وغطي الجدر واتركيه لمدة 10 دقايق على نار عالية ثم خففي النار حتى تكون هادئة ويستوي على روااااااااااااااااااااقة . ( اخذ معاي ساعة تقريبا ) .
- بعد ما يستوي اقلبي الجدر في صينية او صحن كبير وقدميه وهو حااااااااااااااااار .
-لذيذ وما توقعت طعم الباذنجان الأبيض يكون حلو بس الحمد لله طعمه قريب للكوسا حييييييييييل ولذيذ جربوه وعلينا وعليكم بالعافية
ملاحظة : العيش الزايد اللي بالصورة هو بقايا من الحشوة حطيتها بالجدر مع الملفوف لأن العيال يحبون بس العيش
