مخططة حق سفرة الاحلام....منو يساعدني

[غاية مرامي]

مساء الخير لاحلى بنات

الصراحة ودي اسافر هالسنه وموضروري يالصيف....ابي مكتب سفريات ينظم لي الرحله عدل ويكون مضمون

وتكون السفرة مريحة ومنظمة....وتكون اسعاره معقوله...وماابيها جروبات لاني مااحبهم ومااحب اتقيد

ياريت تفيدوني استفساري للخبيرات...واذ اقدر اسوي كل هذا عن طريق النت يريت تفيدوني بالتفصيل

اووووووووه نسيت.....انا مفكرة بين اوربا,,,,,,,,,او استراليا

وكل الشكر لكم

 

[غاية مرامي]

شدعوااااااااااااااااااااااااا

ولاوحدة كسرت خاطرها وردت على الموضوع

وانا قلت مالي الا بنات منتداي مايقصرووووووووووون(((

موهذا العشم

 

[Queen-q8]

شوفي غاية

انا شخصيا جربت المكاتب والنت
انتي روحي مجمع الدولية اللي بالديرة اخذيلج فرة وشوفي مستوى الاسعار بالنسبة للتذاكر والفنادق وبعدبن قارنيها بالنت
وعندج كذا موقع مضمون
مثل Booking.com
Hotels
expedia
travelocity
active hotels
وعندج بعد للطيران وايد مواقع من اللي ذكرتهم عندهم للطيران بس اذا ما عندج فيزا امريكية ما اظن تنقبل فحجزي الطيران من المكاتب او الطيران الخليجي يقلبون فيزتنا الكويتية

واول شي لازم تحددين الديرة اول يعني استقري اول على الدولة وبعدين شوفي الفنادق والطيران

بالنسبة لي استراليا رحتلها شهر عسل واييييد حلوة بس جوها بالصيف يكونبرد عندهم لان فصولهم عكسنا يعني صيفنا شتاهم وشتانا صيفهم يعني احلى جو لها شهر 9 بداية الربيع وشهر 2 بداية الخريف

اما اوروبا فجوها حلو من 4 الى 9 وهمن 10 يعني هالوقت مافي سنو والجو حلو وتبطل اغلب الاماكن السياحية

وتعتمد على روحتج هل فيها اطفال والا انتي وريلج والا مع اهلج

وهمن عدد الايام يعني اذا اسبوعين واقل ما تسوى استراليا

والميزانية مهمة بعد حددي انتي تبين الاحلى والا الارخص

والبنات كلهم ترى ما يقصرون

 

[<Miss ROoSe >]

ماعندى حجى زيادة على أختنا
queen-q8
ماشاء الله كفت ووفت كل المواقع اللى ذكرتهم واايد زينة
اتمنى لج سفرة شهر عسل ممتعة​

 

[اشراقة الحياة]

دايما كوين....
تخجلنا بردودهـــــــــــــــا ....

بس بقيت ازيد على معلوماتج شويه .....احنا بالنسبه لنا
دايـــــــــما سفريات الصالح الصراحه خوش سفريات مكتبهم يم معهد القضاء ...

جربي روح لهم .......الله يسهلج انشالله

 

[غاية مرامي]

حبايبي ماقصرتواااااااااااااااااا ماانحرم منكم ان شاء الله


بالنسبه للسفرة راح تكون باذن الله شهر لان احس ماتسوي اقل حق هالدول البعيدة

والسفرة راح تكون شخصين انا وريلي بس انا تقريبا الميزانيه اللي حاطتها بين 4-5 الف

وان شاء الله الله يسهل ياارب وراح اجرب المكاتب والمواقع اللي عطيتوني اياهم

الف شكرررررررررررررر لكم ياقلبي

 

[HASB_83]

ماقصروا البنات

وانا واااايد وايد احب ماليزيا والحين جوها اتوقع حلوو
انا رحت السنه اللي طافت شهر 4 2008 كان شويه رطوبه بس واايد استانسنا
الجزر والرحلات السياحيه والترفيهية وميزانيتها خفيفه يعني مافيها قط وايد

واذا تبين رويلها وفي الدول اللي يمها

مري الصين اتينن

وان شاءالله تكون رحله سعيده

 

[غاية مرامي]

حبيبتي ماقصرتي ان شاء الله الله يسهل