مخنوووقه حدى

[Pearl Qatar]

لاحول ولاقوة الا بالله

حبيبتي حاسه فيج والله

بس لاتقولين هالكلام والله حرام ، يقولج الاهل لو شنو يسون لازم تطيعينهم وتحطينهم فوق راسج

وخلي هالكلام في راسج " ان الله اذا احب عبداً ابتلاه " لاتقولين حياتي مب زينه وهلي مب زينين وامي وأبوي شوفي مشاكل غيرج بتهون عليج مشاكلج

قولي الحمدلله على النعم الي رب العالمين عطانا اياها

والصبر مفتاح الفرج

​

 

[دلـع آل مـرّه♥]

رضـآ الله مـن رضـآ الوالديـن . . كل مشكلـه ولهـآ حـل حبيبتـي أنتـي مـب يآهـل أنتـي عمـرج 30 سنه رآشـده وماقولج حره في حياتـج بس انتي مسئوله عن نفسج وهاذيله امج وابوج وانتي لازم تكونين فاهمه .. لازم تصارحين امج بـ إللي تحسينـه!!
لازم تقولين لها انتي كذا وكذا وخواتج هلون وهلون.. واذا تعبتي من المشاكل وتحسين ان مالج حل فيها طلعي روحج منها لا تتدخلين فيها ابد لان الصراحه امج غلطانه وضعيفه ليش تشوش بينج وبين خواتج لا وبعد خواتها من صووب .. وانتي من البيت لازم تدرين بكل شي.. واذا تعبانه وتحسين انج مصدعه روحي بيت جدج ولا اي احد من قرايبج وريحي كم يوم
ولا تنسين الصراحه فديتج صارحي امج وابوج بعد تراج كبرتي ومسئوله عن نفسج وكلامج
الله يحفظج ان شاءالله ويحقق لج مرادج
​

 

[دلع العتبان]

مالي لج ا لا الدعاء عسى الله يعينج ويفرج كربتج عاجلا يارب ويغير حالج من حال الى حال مشكله اذا التعب بوسط دارج وين ترتاح عيل يالله ربي يرزقج زوج صالح يعنيج يارب

 

[Kocheko]

شكراا لكل وحده ردت ولكا وحده دعت لى ولكم بالمثل يارب ...........

امى كلمتها بالطيب ... قعدت معاها حاولت وحاولت ... ماكو فايده .. فى ناس تفكيرهم يستقر على شىء واحد وخلاص ,,,,
كنت بروح عمره رمضان وحالتى الماديه مو مساعدتنى وكل سنه انوى وماروح ...

امى تبينى طوووووووووول الوقت اسمعها واسمع مشاكلها .. اعطيها حلول ما تبى تتحرك او تسوى اى شىء ... فالبدايه كنت اكلم ابوى ويتهاوش معاى ويقولى مو قاصر الا ياهل تتفلسف عليى وقمت اسكت لان بالفعل لازم امى تكلمه مو انا ... ومن بعدها امى قامت تزف وتصرخ انتى ما تحسين وانتى وانتى قمت اطنشها ..........

وابوووى ما يدفع لنا ولا فلس .. كل ما عندى وهو شارى شقه لزوجته وسفرات وحاله وانا حدى حدى زايره الكويت
عمرى ما سمعت من امى ولا ابوى كلمه حبيبتى ولا عمرى
حتى خواتى صرااخ وهواش نفسيتنا زفت وبيتنا حده صغير لا عندى حجره نفس الاوادم ولا شىء ... استغفر الله الواحد ساعات يحاول يستحمل بس احنا بشر لنا طاقه وانا صابره من وانا صغيره ما عشت حياتى ابى ارتاااااااااح تعبت ... والل تقولى انتى مو صغيره .. شدخل عمرى فى حياتى اذا انا ناويه اعدل لو جزء بسيط ابى ابتعد عن اهلى مده عشان اعرف افكر واريح بدل ما يصيدنى الاعصاب
من كبرت وامى وابوى اعتمادهم عليى فى كل شى من عمرى 18 وانا اشتغل ولحين ما جمعت ولا فلس
يارب اتزوج واحد يودينى الغربه وارتااااح

 

[منقار نمله]

شوفي حبيتي انتي ما تدرين تموتين متى؟؟​

​

الحين وصل عمرك 30 يعني كل هالسنيين تعبتي وتحملتي وبر الوالديين اجرره عظييم حييييل يمكن تدخلين الجنه بسبب هالبر​

​

خلاص انتي كبرتي ما تدرين تموتين بكرا ولا بعده يمكن تموتين ومافي شي يشفع لك تدخلين الجنه الا برك بامك وابوك​

​

وااصلي لو تعبتي كل هالسنننيين تحملي عاجزه ع اللي باقي كملي كملي ولا تشكيين لغير ربكـ​

​

صراحه اول ما قريت موضوعك غبطتك انك صابره كل هالسنين مع ان معاملتهم لك العكس><​

​

لا احد يلعب بعقلك واصلي بالبر وادعي ان الله يهوون عليك .. لآلآتخربينها عند اخر شي ..​

​

فكرري زيييين واصلي ماراح تندميين .. يمكن الله يكافئـك بشي بالدنيا والله ما تدريين​

​

وااااصلللي بالبر​

​

 

[Kocheko]

اولا الموت ماله وقت .... كل واحد ويومه ... يمكن اعيش 100 سنه ويمكن اموت بعد دقيقه ......
الواحد يبر والدينه صح بس بعد اهمه لازم يحسون فى عيالهم ... لو كل واحد ياب يهال وقطهم وقال خل يبرونا صار مجتمع معقد هو جذى ولا جذى مجتمعنا معقد لانهم فاهمين الدين غلللللللط ....

الام والابو مسؤلييين عن عيالهم .. يحمدون ربهم ما ضعنا مارحنا طريج غلط ...
ناس غير دوروا الحنان برع البيت
ابوى يقول الله يلعنكم ما يبت الا اربع بنات
وامى تحن وتزن جيبوا لى فلوووس ...
وبعديييين للصبر حدوووود ... كل شخص له طاقه ... انا ودى بس ابتعد عنهم شوووى لاعت جبدى من الصراخ والمشاكل ... حتى لو بقعد اقرا قران ماقدر صراخ وازعاج ... احس حاشنى اعصاب صج صج صايره وااايد عصبيه وجسمى كل متكسر ومتملله ولا يعه جبدى نفسيا مظغوطه تعبت اسايس واجامل على حساب نفسى ونفسيتى ... انا بعد انسانه من حقى البس واطلع واستانس واعيش حياه طبيعيه ........
وكل غلطه تصير من امى وابوى البقيه يحاسبونى انا مو اهمه

 

[أم توتو]

الله يفرج عليج ويسخرهم لكم وعسى ربي يوفقج ادعي دايما وتقربي من الله ترى مو بس انتي جذيه كل الناس البيوت اسرار ماحد يعلم فيهم غير ربج

 

[brettey]

حبيبتي انتي والله ماتستاهلين
بس ياقلبي تذكري ان مع العسر يسرا
والله والله محد مرتاح كل من عنده مشاكل وبلاوي وهمووووم بس مايتحجون
تدرين اعرف رفيجتي حلوه ومكياج وسنع ومرتاحه ماديا تطلع وتروح وتسافر وتضحك جدام الناس وحاسدينها عبالهم ان ماكو اسعد منها وهي مسكينه تقول تحسر بيتنا والسبب العين والحسد وكله مشاكل ومتضايقين
هم اعرف وحده متزوجه زوجها يموووت عليها ومو مخلي عليها قاصر سفرات وطلعات لو تبي لبن العصفور يابه لها وخذاها غصبن عن امه وياويل الي يتعرض لها بس شالفايده وهو يخونها من وحده ليوحده مايندرى طايحه عليه ولا لا
انا اول ماتوظفت كل وحده بدوامي مطلعه ان ريلها ماكو مثله ولا قيس بن الملوح ولا عنتر بن شداد ولا روميو بزمانهم وعقب خرررطي كل وحده تعاني الامرين من ريلها وهموم ومشاكل
وغيرهم وغيرهم
الحمدلله عندج الصحه والعافيه الي غيرنا محروم منها
والله حاسه فيج بس صبري روحج بالقران والاستغفار وصلاه الليل والدعاء
ودايما قولي يارب ثبتني
الله يسعدج وينولج مرادج عاجلا غير اجلا

 

[عظيمة الشان]

هلا حبيبتي

العمر كله يارب

اولا ماكو بيت في العالم مافيه مشاكل مستحيل

الشماكل ملح الحياه ترى عشان عقبها تعرفين طعم الراحه

وامج وابوج يحبونج بس المشكله مابينهم اي تفاهم

انتي تحملي واجرج كبير عند رب العالمين

واشغلي نفسج بالرياضه وارجعي لرفيجاتج

عشان ينسوجنج المشاكل حاولي ترجعين لهم

وحاولي تططلعين برع مجمعات شوبينج الشوبنج ترى يريح

وان شاء الله يارب يرزقج بريال ينسيج همج يارب آآآآآآآآآآآآآآآآآآآىمين

تحياتي​

 

[super 8]

ادعي
وانشاء الله تتزوجين ولد الحلال
وتسافرين و تغيرين رقمج وتستانسين بحياتج

 

[Kocheko]

شكرا لكل وحده ردت ... وشكرا لدعواتكم والله يعطيكم اكثر مما اتمناه ...
الله كريم . ومالنا الا الصبر

 

[no-hope]

اول شي في ميزان حسناتج حبيبتي
والله كل اللي تسوينه لهم تاخذين الاجر فيه
و فعلن الكبار بالسن يبيلهم رعايه غير
اهمه اصلن لازم تكونين طويله بال عليهم
لا تلومين امج من الضيم اللي فيها تطلع حرتها فيج
بس انتي لا تتحلطين جدامها نطريها تطخ
كلميها
ليش يمه تسوين جذي؟
انا قصرت في شي معاج ؟
مضايقتج؟
انا اللي تبينه يصير بس لا تشيشين و تععصبين
اهم شي راحه بالج

والله كلميها في هل اسلوب و بتغير و ادعيلي بعدها

و لا تقولين بخليم و بروح هذول اهلج جنتج و نارج و اذا انتي مالج ظهر صدقيني ماكو شي بفيدج

 

[مجروحه واكابر]

ماا قصرو البنات والله ايسر لج أمرج أختي

 

[سكوتي بذوقي]

الله يعينك اختي

وإن شاء الله

ربي يعوض صبرك بخير

وتتزوجين الرجل الصالح اللي يسعدك