مدرسة أم هاني الخاصة

[@انترلاكن@]

السلام عليكم
















شلونكم بنات ؟؟؟

ضروري وبصفة عاجلة ابي رقم مدرسة ام هاني الخاصة اللي بالفروانية ورى نادي التضامن ...
لقيت هالارقام بس واحد خطأ وواحد غير داخل بالخدمة !!!!!
24736455
24736433

وابي معلومات عن مستوى الروضة عندهم ؟؟
في انجليزي ولا لأ ؟؟
متى يداومون ومتى يطلعون ؟؟
شنو جنسية مدرساتهم ؟؟
جم رسومهم ؟؟
وأي معلومات اضافية عنهم

ناطرتكم :eh_s(20):

 

[sara-q8]

انا كنت عملي عندهم ..
مستواهم كلش مو حلو ..
المدرسات كلهم مصريات .. عنيفات مع الاطفال وهشي شفته بعيني ...
والحكومه ابرك منهم صدقيني ..
اغلب الطلبه الي هناك وافدين واقليه بدون مافي كويتيين ..

 

[الصابرة المحتسبة]

أرقام المدارس العربية وثنائية اللغة التي تندرج تحت مظلة المجلس الأعلى &&& (http://www.q8yat.net/showthread.php?t=284520

 

[@انترلاكن@]

تسلمون

 

[@انترلاكن@]

مدرسة ام هاني
مدرسة راقية
الإدارة راقية
الجنسيات النسبة الساحقة (مصر) (الأدرن) (سوريا)
يعلمون لغة انجليزية
المدرسين لا يلفون ولا يدورون بصراحه
لأن الإدارة ضابطتهم صح 100

مشكوره على الرد حبيبتي ...
بس سمعت أنهم سكروها ... صج ؟!

 

[الصابرة المحتسبة]

اي سكروها يالغالية

 

[@انترلاكن@]

اي سكروها يالغالية

الظاهر قبسنا عليها :dddds:

 

[توتا وحب الكويت]

مدرسة ام هاني
مدرسة راقية
الإدارة راقية
الجنسيات النسبة الساحقة (مصر) (الأدرن) (سوريا)
يعلمون لغة انجليزية
المدرسين لا يلفون ولا يدورون بصراحه
لأن الإدارة ضابطتهم صح 100

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العكس تماما هذا اللي اعرفه واسمع عنه يبا اي انجليزي المدرسة أهلية

 

[غرشوبه23]

مدرسة ام هاني
مدرسة راقية
الإدارة راقية
الجنسيات النسبة الساحقة (مصر) (الأدرن) (سوريا)
يعلمون لغة انجليزية
المدرسين لا يلفون ولا يدورون بصراحه
لأن الإدارة ضابطتهم صح 100

مدرسه ام هاني للأحتياجات الخاصه داشيين في قروووب بنات كويتييات اول سنه لهم هناك
مو بس الجنسيات اللي ذكرتيهم في كويتيات هالسنه دشووا_03ba:

 

[Sadf2000]

أنا عيالي هناك وكل يوم يداومون منو قال أنهم سكروها
الروضة صح مسكرة بناء علي قرار الوزارة لتأجيل الدوام بس الإبتدائي مداومين من آخر 9

 

[@انترلاكن@]

أنا عيالي هناك وكل يوم يداومون منو قال أنهم سكروها
الروضة صح مسكرة بناء علي قرار الوزارة لتأجيل الدوام بس الإبتدائي مداومين من آخر 9

من صجج ؟؟
سألت عنها بأكثر من مكان كلمن يقول سكروها !!

عيالج بأي وحدة ؟ بذوي الاحتياجات الخاصة أو العادية ؟؟

شلون مستواهم ؟ وشنو جنسيات الطلبة والمدرسين ؟
واذا عندج رقمهم ما عليج أمر أبيه ....

مع الشكر

 

[الصابرة المحتسبة]

مدرسة أم هاني : اضطراب نمائي شامل - شلل دماغي - توحد - تخلف عقلي - متلازمة انجلمان - برايدر ويلي اكس - ازدواج اعاقة - متلازمة داون - بطء تعلم - الفروانية خلف نادي التضامن - ت - 24736455
- 24734370
- ف 2407048

 

[F.A]

روضتهم زينه وفيهم كويتيين وايدين
وبالعكس الياهل النشيط يساعدونه ويشجعونه
بس خلص التسجيل للروضه
وهذا رقم أكيد يردون عليج
24736455
والروضه ب240
و10 للكتب
ولبسهم نفس الحكومه
وديت ولدي فيها أولي روضه بس هالسنه دخلته حضانه جمعيه الاصلاح مستوي2 روضه عشان ما أبيه بعيد عني

 

[Sadf2000]

من صجج ؟؟
سألت عنها بأكثر من مكان كلمن يقول سكروها !!

عيالج بأي وحدة ؟ بذوي الاحتياجات الخاصة أو العادية ؟؟

شلون مستواهم ؟ وشنو جنسيات الطلبة والمدرسين ؟
واذا عندج رقمهم ما عليج أمر أبيه ....

مع الشكر

سامحيني تاخرت ،توني اشوف ردج

المهم عيالى فى ام هاني العادية
مستواهم زين الحمد لله ، واليهال مرتاحين بالمدرسه
الجنسيات 99% مصريين وشويه بدون وسوريين وكويتيين (يمكن بس عيالى)
والمدرسات نفس الشي 99% مصريين بس السنه اللى طافت يابو لهم مدرسات كويتيات تربيه عمليه من الجامعه المفتوحه واستانسوا عليهم اليهال وايد ان شاء الله يكررون هالتجربة السنه بعد
وبالنسبه للرقم ما قصروا الخوات حطوا لج
واي استفسار لا يردج الا الكي بورد

للعلم : ان شاء الله الروضه ((للاطفال العاديين)) راح تفتح بعد العيد ، الحين فادين يعدلون فيها ويصبغونها

 

[@انترلاكن@]

تسلمون بنات ... ما قصرتوا

الله يخليلكم عيالكم ويبارك لكم فيهم ويوفقهم ...
ويكتب لنا اللي فيه الخير

 

[JANAA]

لا المدرسه ما صكرت انا ابني فيها ويداوم فيها والحمد لله المدرسه زينه والمدرسات زينين والتدريس حلو عندهم وادارتهم صج شديده بس زينه والمدرسه المبنى قديم بس نظيفه وايد والصف فيه بس 14 طالب

 

[F.A]

تم التمديد التسجيل للروضه الي 25-11

 

[@انترلاكن@]

الله يبشركم بالخير ... انشالله اذا لنا نصيب نسجل فيها ...

F.A
بغيت أسألج عن حضانة جمعية الاصلاح اللي بالأندلس زينة ؟؟؟
وهل اهي روضة ولا حضانة ! يعني معتمدتها وزارة التربية عادي يتخرجون منها ويروحون ابتدائي ؟

لأن الأندلس أقرب لي :ada: ... بس ما أدري اذا للحين يستقبلون والا سكر التسجيل ؟

وأدري اني طولت عليج ... أمون صح ؟؟؟!!!
بس أبي رقمهم ما عليج امر

وشاكرة تفاعلكم معاي ... ترا أكسر الخاطر حدي محتاسة

 

[@انترلاكن@]

up
up

 

[@انترلاكن@]

السلام عليكم ،،،

يا جماعة مادري شفي حظي مع هالمدرسة !!!
تعبت ادق على ارقامهم وآخرتها اليوم واحد مفصول وواحد فاكس والباجي محد يرد !!!
وللأسف ما قدرت امرهم والسبة زحمة العيد وضغط الدوام ):

تكفون اللي عندها اي معلومات عن المدرسة تقولي شنو المفروض أسوي الحين ؟؟
أو على الأقل عطوني رقم صحيح وأفضل يكون موبايل أحسن ...

Mercy