مدرسة الغانم والا الدانه ؟

[lovelybarbie]

ولدي عمره 3 سنين واربع شهور محتارة اسجله بالدانه والا الغانم اللي عندها فكره عنهم تفيدني

:tek:

 

[^^DADDIES GIRL^^]

والله انا مسجله بنتي بالدانه السنه اليايه ان شالله 2 روضه

 

[وحش الريم]

هلا حبوبه الدانه صراحه ما اعرف شي عنها.....بس الغانم عياي فيها من سن الحضانه.........لي الحين واحد G5,والثانيg2 ,المدرسه عجيبه بكل شي...........من تدريس لي اداره,بس ما تحسين بمستوي الولد الاااااا لمن يروح الغريد
ان شاء الله اكون فدتج

 

[alshamali]

السلام انا ولدي بالدانه من الحضانه والحين بروح الروضه ما شا الله بالحضانه كان واايد ممتاز وحيل مهتمين فيهم والروضه هم انا ماره عليهم وشايفه

 

[lovelybarbie]

كم رسومهم بالنسبة للحضانة؟.

 

[فيونكا فوشيهـ]

الدانه كل سنه نظام لأن الاداره كل شوي تتغير اخوي دخل فيها اول ماافتحت كانت زينه بس يالله بلشو دراسه اول شي قالو بنعطيكم كتب بعدين حولو حق الاوراق بعدين قالو لأ كمبيوترات و وهذا كله السنه الاولى و السنه الثانيه تغيرت الاداره و ضاع معاهم تغير كل شي و صار كله لعب بلعب
و الروضه اخوي الصغير قعد فيها و الحين مايعرف يكتب و لا يقرا تعبنا معا بالابتدائي انا و امي قعدنا نفهمه حتى الاعداد مايعرفهم مع ان كل اخواني شطاار ماشاء الله يعني مانقدر نقول ان مايفهم و غبي لأ المشكله من المدرسه ماكانو يدرسون عدل الحين كل ماده عنده مدرسين خصوصين واحد طالع و الثاني داش تعبنااا منه
و اخواني الباجي كللهم كانو بروضة الغانم ماشاء الله حفظ قرآن الانجليزي جنه انجليز و الكتابه و القراءه و كل شي
بس مشكلتهم العطله مو مثل العالم
انا مااذكر اخواني لأن الحين كبرو اسم الله عليهم
بس بنت عمي ماشاء الله الحين توها متخرجه عليها انجليزي ماشاءالله تبارك الرحمن يعني اي كلمه تقولينها تترجمها و القران حافظييينه صم

سوري طولت عليج
بس بختصرلج
الغانم = تأسيس عدل بس مشكلتهم العطله
الدانه = متقدمين من حيث الاساليب العلميه بس المشكله عالفاااضي يعني لاب توب بس شالفايده منه اذا مايدرسون عدل
ولج الاختيار

 

[عسوله تحب بطسايه]

اكيد الغانم


اول شي مدرسه ثنائيه اللغه يعني تقوي بالعربي والانجليزي تحافظ على الشين


وتدريس واداره رائعه


انا عيال خالتي اكثرهم فيها


دمتم بود

 

[alshamali]

حتى الدانه ثنائيه لغه


انا ولدي بالحضانه مالت الدانه ويعرف الارقام عربي وانجليزي والاحرف عربي وانجليزي ويتكلم لنجليزي لا ويكتب لي رقم 3

شلون اخوج بالروضه ما يعرف ؟؟؟؟؟؟

 

[قمر ضاوي33]

مدرسة الغانم اهي مدرسة دسمان النموذجية اللي بشرق ؟

 

[alshamali]

لا الي بسلوى الغانم

 

[غنوة ستايل]

الغانم قويه انا ولد حماي كان فيها بس بعدين طلعناه ما طلعناه بسبب سوء المستوى طلعناه لان الابلات ينقلون افكارهم للاطفال .. فاجأنا يوم قال ان الله اسمه عيسى ( استغفر الله ) تعرفون الجهال بسرعه يلقطون السوالف هذه .. اهني ابوه قرر انه يطلعه
بس دراستهم روووووووووووووووعه واااايد زينه

 

[SaMoOoRa]

بنات الحضانه مالت مدرسه الغانم متى تسكر منو عندهم رقمهم ؟

 

[SaMoOoRa]

الغانم قويه انا ولد حماي كان فيها بس بعدين طلعناه ما طلعناه بسبب سوء المستوى طلعناه لان الابلات ينقلون افكارهم للاطفال .. فاجأنا يوم قال ان الله اسمه عيسى ( استغفر الله ) تعرفون الجهال بسرعه يلقطون السوالف هذه .. اهني ابوه قرر انه يطلعه
بس دراستهم روووووووووووووووعه واااايد زينه

والله لو انا من الابو اروح اشتكى عليها وين قاعدين يسممون فكر عيالنا

 

[Dalo3a in Texas]

لا حبيبتي الغانم وااااااايد احسن


الدانه كل يوم نظام وانا راي تحطين بمدرسه قديمه ومعروفه احسن من مدرسه يديده وتوهم

والله يوفقكم ان شاء الله

 

[SaMoOoRa]

منو عنده رقم مدرسه الغانم

 

[SaMoOoRa]

ودى ادخل ولدى حضانتهم

 

[ام نصوري]

5657822
رقم الغانم
انا بنت اختي فيها الحين ثاني سنه روضة
احسن عادي ما استفادة وايد بس انها كانت شيطانة والحين صارت عاجل بس مادري احسهم مو ذاك الزود

 

[whitish]

الغانم شلون اسعارهم ووين مكانهم

 

[toot^o^mishmish]

صراحة انا ماسمعت عن الدانه فما اقدر افيدج بس بالنسبة حق الغانم صراحة انا ولدي فها وااااااااااااااااايد مرتاحة معاهم ووايد يهتمون باليهال بس حيييييييييييييييييل ماديييين هذا الي لاحظته فيهم ...
الروضة ياخذون 1092
والابتدائي 1550

بس انصحج فيها والله اتحطين ولدج وانتي مرتاحة
موفقة يارب

 

[بدوره 22]

حبيبيتي انا بناتي الثنتين بالغانم الله يحفظهم..
الكبيرة بثالثة ابتدائي والثانية بالحضانة...

وعيال اختي الاربعة فيها وبنات عم ريلي واولادهم هم بالغانم و3 من بنات صديقاتي وغير الي نسيت اذكرهم لج...
ماشاء الله المدرسة من ناحية النظام وايد قويه ومن ناحية التدريس اقوى واقوى ..

انا اهتم بالعربي قبل الانجليزي... ما في مثلهم بتأسيس اللغة العربية المعلمات سوريات وما عليهم كلام والكل يعرف ان افضل معلمات في تدريس هالمادة في الوطن العربي همه السوريات مع احترامي لجميع الجنسيات والمعلمات ..وبالنسبة
اللغة الانجليزية واااااو والاكسنت الامريكي وايد حلو ...

وبالنسبة اذا كانوا ما ديين على قولة الاخت, فكل المدارس الخاصة ماديين, خصوصا انهم كلهم زايدين الاسعار...الله يسامحهم, واذا في معلمات يبثون افكارهم بروس اليهال صدقيني يفصلون المعلمة لو احد اشتكى عليها ما تقعد بنفس اللحظة يقولون لها مع السلامة, مع ان والله ما صادفتنا هالمشكلة كلش وبنتي الكبيرة تحب تصلي من يوم وهي عندهم بالحضانة وهالشي تعلمته مني ومن المدرسة ... يعني ما في افكار تشوه سمعة الاسلام والمسلمين.

وبالنسبة للدانه ترى غيروا اسمها يمكن مرتين وكل مرة نظامهم شكل , مرة ذكية ومرة الدانه ومرة يا عالم شنو , هذا غير المناهج اللي كل يوم شكل خليج على مدرسة قديمة ومعروفة احسن..