مدرسة النبراس ثنائية اللغة

[الشهد كله]

السلام عليكم


أخواتي بصراحة آنا شبة ضايعة من سالفة المدارس

أبي أعرف أي شي عن مدرسة النبراس ثنائية اللغة اللي في عبدالله المبارك ( غرب الجليب )

كانت في بيان والحين صار لها تقريباً سنتين انتقلت المدرسة لمبنى جديد

بس للأسف ما أعرف شي عنهم

المفروض أنقل عيالي مدرسة دسمان ، بس ما لقيت لهم مكان

وهم دلوني على هالمدرسة ، يقولون نفس مستوانا التعليمي

ياليت اللي تعرف عن هالمدرسة تفيدني

واكم مني جزيل الشكر والإمتنان

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):​

 

[الأميرة جوري]

لرفع

 

[الشهد كله]

الأميرة جوري عسى الله يرفع مقدارج



بنات ترى آنا من صجي ما أتغشمر:rgewrg::rgewrg: عالأقل حسسوني إنكم


مهتمين بموضوعي :eh_s(11)::eh_s(11)::eh_s(11)::eh_s(11):​

 

[الصابرة المحتسبة]

وعليكم السلام

هلا شهووودة شلونج يالغالية

شوفي انا سمعت عنها انها زينه وكنت بنقل ولدي من ذوي الإعاقة لها بس عرفت انهم ما يقبلون الويل جير.

هذا موقعهم:http://www.al-nibras.com/nis/index.php

 

[الشهد كله]

مشكورة يا الصابرة ما قصرتي

كلمت السكرتيرة ولله الحمد فدتني بجم شغلة

بس أبي أي واحدة عيالها يدرسون هناك عشان تفيدني بالتدريس​

 

[iLLuMinaTion]

عسى الله يرفع مقداركم

 

[غير كل الناس]

والله بعد انا مثلج الناس تمدحها والله اعلم

 

[غير كل الناس]

حبيبتي الصابره

مدرسه النبراس عندهم فصول لذوي الاحتياجات الخاصه انا شفته

 

[جمانةالربيع]

انه بعد ابي اعرف مستواها ابي انقل عيالي

 

[أم حسيب]

أنا اللي أعرفه عنها قسم الاحتياجات الخاصة
ما شاء الله على المدرسين و الاخصائيين والاداريين فعلا مستوى عالي
لكن بالنسبة للمنهج الامريكي فهذا شيء جديد ولا أدري عنه الصراحة

 

[أم حسيب]

أنا اللي أعرفه عنها قسم الاحتياجات الخاصة
ما شاء الله على المدرسين و الاخصائيين والاداريين فعلا مستوى عالي
لكن بالنسبة للمنهج الامريكي فهذا شيء جديد ولا أدري عنه الصراحة

 

[الشهد كله]

مشكورين خواتي على ردودكم

والمدرسة ثنائية اللغة ، نظام أمريكي

وفيها للوضع الطبيعي ولذوي الإحيتاجات الخاصة ولصعوبة التعلم وبطء التعلم

بس المشكلة ما أعرف أحد درس عياله هناك

عشان جذيه أسأل !!!!!!!!!!!!!!!!​

 

[غير كل الناس]

اب اب اب

 

[العنقـــــا]

مرحبااااااااا حبيباتي انا عيالي هناك وحاضره لاي استفسار

 

[العنقـــــا]

راح اقولكم مميزاتها وعيوبها من وجهة نظري اولا انا لي فيها ولدين الاول بثانيه ابتدائي والثاني بكي جي ون
والمدرسه منتقله لمبناها الجديد في الجليب لها سنتين مميزات المدرسه كمبنى هو مدرسه حكوميه بس مطورينها حيل ومغطين الساحات وعدد الطلاب لكل فصل تقريبا 14 طالب والاداره حيل مهتمين ومتعاونين بس عيوبهاااااا مستوى الدراسي موقوي مايعطون واجبات واذا عطوا مايصححون لهم في فوضى بس مابي اظلم المدرسه اتوقع انا الله ماوفقني بمدرسه زينه مدرست ولدي امريكيه وحيل كريهه وتدرسه 3 مواد وحيل نزل مستوى ولدي منها وبعدين اهم نظام امريكي ماعندهم نظام امتحانات كلش لاقصيره ولا طويله ولا شهريه ولا فاينال يعني مايخلونج تعرفين مستوى ولدج وتصدمج بنهاية الكورس بدرجات ماتدرين منين جايبتها وفوق هذا غاليه حيل الكي جي 1790 والابتدائ 2260

 

[غير كل الناس]

مشكوره يالعنقا

انا ولدي درس روضه حكوميه ومايقبلونه المدارس الخاصه اللي هي ثنائيه اللغه الا النبراس وصح غاليه بس قلت ادخله هالسنه وبعدين اوديه مدرسه ثانيه وعندي فرصه الكم شهر ادخله اي مركز يعلمونه انجلش

 

[العنقـــــا]

اي اذا جذي اوكي وعندج مدرسه الوطنية الانجليزيه بحولي يقبلون اللي جاي من حكوووومه خوووش مدرسه انصحج فيهاااا

 

[الشهد كله]

أمبيييييييييييييييييييييييييييه يا العنقا ضيقتي خلقي

آنا سجلت أولادي هناك

حرام عندي اللي بالصف الرابع شاطر بالمدرسة الباكستانية

إذا حولته هناك راح ينزل مستواااااه :eh_s(11)::eh_s(11)::eh_s(11):

والله ضايعة ماني عارفة شالحل مع هالمدارس ؟؟؟؟؟​

 

[العنقـــــا]

هلا اختي الشهد كله انا كنت اليوم بمدرسة النبراس وقاللولي ان الاستاف مال المدرسين كله بيتغير وانشالله بتصير احسن

 

[الشهد كله]

مشكورة أختي العنقا وما تقصرين

آنا سجلت عيالي وخلصت

بس حاطة إيدي على قلبي

والله يستر

وعسى الله يوفقهم​