مدرسة فاشلة !!!!

[اشتياق]

لاااااااحقه ياقلبي عالتدريس الحين ركزي عالالوان والاعداد ون تو ثري وهالسوالف :flower:

 

[ديانا سبنسر]

حياتي بالنسبة لولد ج بدري حيل عليه لستو صغنن

انا اقول حطي كل طاقتج ووجهدج حق بنتج هي لاتعلمت راح يتعلم منها اخوها لان الياهل يقلد اخوانه وبعدين بدري على الكتابة جيبي كتب تلوين خل تلون لو تلوينها خرابيط قولي حلو وهي تلون راح تعلم

اشتري اللوحة الخشبية اللي تعلمه وين يحط المربع وين يحط الواحد وهكذا والكتابة شوي شوي يتعلمها
نصيحة شغليلهم براعم مفيييييييييييدة انا اتعلم منها احلى من طيور الجنة

 

[حــور دنـيـتي]

رد : مدرسة فاشلة !!!!

الكتب ماتنفع راح تملل اكثر
اخذي لهم cd الارقام والالوان وحتى الاحرف بالعربي والانجليزي
بيشووفهم بباااي ومنها راح يتعلم يعني عصفورين بحجر

والله يووووفقج

 

[حــور دنـيـتي]

رد : مدرسة فاشلة !!!!

لاتفهموووني غلط الكتب مفيييده بس حق الي بعمرهم تملل

 

[Creamy Girl]

اول شي توهم صغار
بنتج عادي توها عالكتابه
بس ولدج مادري احس احسن يعرف الألوان علي الاقل الاساسيه والسهله
بس احسن حل الحضانه واااايد تساعد
والله يوفقهم وتحاتينهم بالجامعه

 

[(نبنوبه)]

ياحبيبتي بنتج صغيرة على الكتابة
انا مدرسة لغة عربية وبنتي عمرها 3 سنين الحينت بديت اعطيها كراسة والوان وخليها تشخبط على راحتها
ارسمي اها نقط وخليها تمشي عليها نصيحتي بدري على تعلم الحروف الحين مدامها رافضة مو عناد لا عضلاتها توها ما نضجت ترى الكتابة يبيلها جهد صبري عليها

 

[شووقة]

رد : مدرسة فاشلة !!!!

دخليهم حضانة وريحي عمرج
انا جذي اسوي

 

[in style]

من صجج دخليهم حضانه وفكي عمرج انا نفسج ومشكلتي مالي خلق

 

[حـنـيـن 83]

رد : مدرسة فاشلة !!!!

عجبتني طريقة ماريي للتعليم الاحرف
احس بتفيد لان توها بنتج صغيره

والالوان خليها علي لعب
مثلا رسمي شمس و ليمون وطبعا هذا لونه اصفر بعدين خليهم يطامرون بالبيت شنو شي لونه اصفر يأشرون عليه ويقولون اللون مثلا لبسه اصفر جيس اصفر
وباليو تيوب وايد اغاني حق الالوان واحرف وارقام واللي تبين

 

[bint_looda]

لا تقعدينهم تدرسينهم جنه مدرسه بس علميهم واهم يلعبون او يسولفون وياج عطيهم معلومات عشان مايحسونها دراسه وجذي تثبت المعلومه بدون لايحسون نفسهم مقصوبين

 

[ذهبيه مرصعه بألماس]

الله يعينج يالعوبه

بس اتوقع تو الناس عليهم توهم صغار

يعني العمر المناسب لتعليم الطفل الكتابه و العمر اللي يناسبه للتعلم اهم 5 سنوات

و الدليل الروضه

اول سنه ما يعلمونهم الكتابه و الاعداد

يعلمونهم الخبرات

البحر
البر
السماء
فصول السنه الصيف الشتاء الربيع الخريف
الالوان الاساسيه الاحمر الازرق الاصفر

اسماء بعض الحيوانات

و جذي

لا تضغطين عليهم توهم صغار والله راح تتعبين و تملين



و مثل ما قالو البنات دخليهم حضانه

عشان يلعبون و يستانسون و بنفس الوقت تبدين تاهلينهم للروضه

و الله يعينج و يعينا

انا صراحه ما بلشت ادرس عيالي

بس ناويه عالصيف الجاي لن راح يدخلون الابتدائي

:eh_s(11):

ادري من الحين اني راح اتعب و الله يعين

 

[aṕriliå]

رد : مدرسة فاشلة !!!!

بنتج ترا حييييل صغيرة على تعلم الكتابة يعني على 4 ونص عمر مناسب لتعلم الكتابة :eh_s(15):

بس في هـ العمر ركزي على الاناشيد التعليمية

تعطينها حرف وتجيب منه كلمه

اعطيها كلمة واسأليها تبدآ بأي حرف

علميها الارقام الى 10

وجذي يعني بس خليج على الاساسيات

وعسـى ـآ ربي يصلحهم لج ويوفقج واياهم يااارب :yaaaaaarb:

 

[.،:"$الـعـوبــــة$":،.]

رد : رد: مدرسة فاشلة !!!!

دخيهم روضه خاصه و الا حضانة وريحي بالج وايد احسن يعلمونهم كل شي

انا مدرسة وما اعرف ادرس اعيالي اجيبلهم مدرسين و خلاص الني بالعربي فاشله عطيني علوم رياضيات بس

والله ناوية ادخلهم حضانة بس مالقيت حضانة سنعة !!
كلهم بس يبون الفلوس !!
والحضانة السنعة مافيها مكان !
عشان كذا ابي اعلمهم هالسنة ومن السنة الجاية ادخلهم حضانة سنعة ،​

 

[.،:"$الـعـوبــــة$":،.]

رد : رد: مدرسة فاشلة !!!!

الله يعينج
اهم شي الصبر
لا تعصبين عشان ما يكرهون الراسه
ب اليوتيوب اغاني تعليميه .... فيه حروف و الوان
خليهم يشوفونها و يحفضونها
و ترى لو تدخلينهم حضانه او روضه راح يتعلمون اسرع من البيت

ا

نا عصبية خلقة والله ، ومافيني صبر ولاعندي طولة بال !!
بس والله احاول امسك نفسي واضغط على نفسي عشان مااكرههم بالدراسة !​

 

[.،:"$الـعـوبــــة$":،.]

رد : مدرسة فاشلة !!!!

ولدج قريب من عمر بنتي ..

بنتي علمتها الاوان عن طريق الكور الملونه اللي ينحطون بحلقة اللعب ...


و بعد عن طريق الفواكهه
اهيا تحب الفراوله ,(( نسميها ستربوري )) فعلمتها بينك .. وردي (( تسميه وردية ))
و البرتقالي من البرتقاله (( علمتها اورنج )) كل لون أعلمها ايا بالعربي و الانجليزي
و الاصفر من الليمون (( يلو )) او الشمس
و الاحمر من ليلى ذات الرداء الاحمر


و شوي شوي تعلمت الالوان ...
و كل يوم أرد اسألها


و طريقتي لما اقولها عن شي
أأشر بايدي و اقول


شوفي سياره لون أبيض

برتقاله لون أورنج ..

فراوله لون بينك


و قامت تحفظ



هرانية وأفتخر​

تسلمين لي ياقلبي هذا اللي بادية اسويه والله ،،
يعطيك العافية والله استفدت منكم حيييييييل ،،​

 

[.،:"$الـعـوبــــة$":،.]

رد : مدرسة فاشلة !!!!

الالوان من الالعاب و الملابس و الاكل

الكتابه دخليها القاعده الحلبيه و بسسسسسسس

القاعدة الحلبية ؟؟
والله اغامر وادخلها ؟؟
بشوف تصدقين عاد موجودة عندنا وقريبة بعد ،​

 

[Q.8.h.2]

انا اقول عطيهم اشياء تقوي ايدهم احسن مثل الكور الاسفنجيه تونس يضغطونها ترد كره والطين يعني شغلات تحسين انها راح تقوي ايدهم عالكتابه وخليهم يلونون بدفاتر التلوين صج بكون كلا خرابيط بس هم انتي لوني معاهم بحيث يشوفون توينج حلو ومو برا الرسمه لان اول شي بالمدرسه اللي اذكره يكون مثل خطوط متعرجه ومقوسه منقطه يمشون عليها بالقلم

ولا تياسين بس هم لاتضغطين عليهم عشان مايكرهون الشغله