مدرسة ولدي مادة العربي اروح المدرسه اذبحها وارد ولا شرايكم

[&شوارفسكيه&]

بنات تدرون الحين بكتب لكم موضوعي وانا منبطه جبدي
واللي تعارضني بزنطهاااا:eh_s(14):
بصراحه ومن غير مقدمات
بعض الابلات ودي اذبحهم
تعالو شوفو السالفه واحكمو وقولولي شسوي بهذا الموقف



ولدي اولى ابتدائي هالسنه
ويعلم الله انه يوم كان في الروضه شعله من النشاط
لدرجة انه رشحوه يقول مقدمة الروضه
وكان يقولها بكل طلاقه
والكل كان يقول اذا دخل المدرسه اكيد بيكون متفوق وبيكون وبيكون
خاصه انه وماشاء الله عليه ذكي ويحفظ بسرعه
واجتماعي حيل
ومع هذا فيه صفات شينه
انه حرج وعبثي وشقي شوي
علشان اكون معاكم صريحه


الحين قلت لكم نبذه عن ولدي
نجي للموضوع
الموضوع ومافيه
ان اول اسبوع دره مدرسه حليوه وخلوقه وحيل يحبها ولدي حتى ما يسميها الى ماما نوف
لانها حبوبه والله شفتها مره حبيتها لله في الله
ثاني اسبوع درستهم ما اقولكم مدرسه
اقول شيطان على هيئة انسان
الحمد لله والشكر
من اول يوم تصارخ وتهاوش ومحد عاجبهااا
وفي مره من المرات تقط ولدي على ايده وجاني يبجي ويتكي منها
وقالت ميخالف يمكن اذاها بالصف وبلحضة غضب مدة ايدها عليه
المصيبه
ان بعد اسبوعين من الدراسه بس عطوهم املاء
امل فراشة بيضاء
(ولد عمره ما مسك القلم بايده شلون بضرف اسبوعين بيكتب هالجمله الكبيره)
انا تعليقي اهني على المنهج
عقب حاولت اني اعلمه وحاولت وحاولت ما عرف يكتبها وباجر الاملاء
راح حبيبي للمدرسه وكانت اول حصه عربي
قالت يال الله اتكبو الاملاء
ولدي رفع ايده
وقال ابله ما اعرف صعبه
جان تصيع في وجهه وقالت انت كسلان انت ساقط يا 000000
اهني ولدي انهار من البجي وطلع
مع ان 90%من الطلبه ما كتبو الجمله
ليش تعقد الولد جذيه
ويومها جاني يبجي وماما مابي اكتب
ويالني شنو معناة ساقط <<<مسجين ما يدري شنو معنى الكلمه
وانا احتررريت
حيل
وعلى بو بروحلها امس وما قدرت
جاني امس من المدرسه
وقام يبجي
شفيك حبيبتي
قال ابله العربي طردتني برا الصف
ليش
شسويت
قالت رفيجي اخذ مساحتي واهي قالت لي اطلع برا
وجيتها ثلاث مرات ورفضت تدخلني
هذي بالله عليكم شوي فيهااا

وللعلم بس
اول اسبوع من الدراسه بالضبط
ثلاث امهات مشتكيين على هالابله الخايسه
وكانو يقولون اسمها وانا اقول الحمد لله ان ولدي تدرسه ابله نوف
مادريت يوم ربط السالفه كلها
طلعت نفس االامهات اللي يشتكون
يشتكون من الابله اللي نقلوها صف ولدي
يعني
الناظره الحلوه
تبي تحل المشكله
نقلت الابله لصف ثاني
علشان تحل مشكلة هالامهات واحنا توهقنا فيهاااا
والحين بقعد ولدي والبسه وبوديه المدرسه
قولولي شرايكم
اروح ازنطها واذبحها وارجع
ولا ادفنها واهي حيه هالابله الخايسه



اسمحولي ادري في مدرسات يراجعون هالقسم
بس اكيد الاغلبيه خلوقات
بس هالمدرسه نرفزتني
وعقدت ولدي
يمكن ضايقها بالصف
يمكن نرفزها
بس كل شي يجي مع الاسلوب والكلام الحلو
وزارة التربيه والتعليم سميت بهذا الاسم مو للتعليم بس
جابو التربيه بالااول وعقب التعليم
وهذي لا تعرف تربيهم ولا تعرف تحتويهم
ما ادري اجيها بالاسلوب والكلام الحلو اخاف ان شديت معاها تحط راسها براس ولدي (اهي حاطه عليه وخالصه)
ولا اروح واجيها بالصراخ والعصبيه
قولولي شسوي
نرفزتني خلتني مو قادره افكر
ابي ردود باسرع وقت
انا على ال9 ونص بروح لهاااا
ابي رايكم

 

[&شوارفسكيه&]

اببببببببببببببب

 

[سيدة الكويت]

حبيبتى تعوذى من الشيطان .... واحسن شئ انج تواجهينها ....وتفهمينها انهم اطفال والمعامله هذى ما تعجبنى طبعا بهدوء ودبلوماسيه

ولازم تعطين فرصه لعيالنا ومو كل اليهال نفس القدرات والمنهج تغير وتعرفين انه صعب ...انا من وجه نظرى انج تحلين المشكله بهدوء ....وان شاء الله كلشى ينحل ....

الله يوفق ولدج وتشوفينه دكتور

 

[الصابرة المحتسبة]

هلا يالغالية
الصراحة ما أدري شنو سالفة العنف هالأيام بالمدارس؟؟؟

انتي روحي لها وكلميها بس خلج هادية علشان تقدرين تاخذين وتعطين معاها والله يسهل الأمور.
بشرينا بالأخبار الطيبة.

 

[As-chocolate]

بصراحة الله يكون بعونج

انا من رايي انج تبلغين عنها الادارة اول شي لان هالنماين ما تستحي و ما تخاف من ربها
تعلمينهم بكل شي خصوصا الطق و (((((((((( الطرد )))))))))))) لان ممنوع
ثاني شي تطلبين انها ما تدرس ولدج يا ترد صفها يا ينقلون ولدج عنها


تكلمي عن ولدج دايم عشان يقتنعون

1- ولدي ما يبي المدرسة
2- ولدي يقول انا ساقط و كسلان من هالابلة
3- خايف منها مو عارف يستوعب منها اي شي لانها مصدر رعب حقه

جذي يقتنعون لا تخلينها تجابل ولدج ابد اللللللللله يعينج

يمكن انا متفاعلة زيادة اعذروني لاني نفس الحالة

 

[(( الذهب ))]

اذا ما نفع معاها الكلام بلغي الاداره عنها او انقلي ولدج للصف اللي نقلوها منه عشان تضمنين ما ترجع لهم ^_^
يعني بأوله ابتدائي طبيعي الولد ما يعرف يقعد عالكرسي يبيلهم وقت وينضبطون واذ هي ما تعرف تتفاهم مع اولي
ليه يعطونها صفوف اولي ؟؟؟
الله يوفقج

 

[مبايلي كويتي]

اختى الله يسهل عليج انشاء الله الأمور
بس انتي لما سكتى من الأول حست انه الولد ما يقول اللي يصير معاه داخل الفصل للأهل فهي جذي خذت راحتها ، مع الولد وتزف وتصرخ وتطرد .
تدرين لو انج مكلمتهها ومشتكيتها من اول مره جان سوت حساب للولد
أختى : في مدرسات ما يستحون وكل همهم الفلوس واذا اهيا في مدرسة حكومية على كيف كيفها وتدري انه الناظره ما تقدر تسوي شي لها .
انا اللي اعرفه انه المدرسات ما يسون حساب للطلبه الا اللي وراه احد احنا في زمن صعب
في معلمات علشان تخرع باجي الفصل لازم تمسك واحد بالفصل وتمصخرعه وتصرخ عليه علشان الباجي يسكتون ويمشون سيده وياها
فالمعلمة تمسك منو هي ذكية تشوف ( اول شي اذا الفصل كله كويتيين تشوف الأجنبي اللي بالفصل لأن الام الأجنبية ما تروح تشتكي وما تسويلها فضايح ، او تمسك عفوا الطالب الضعيف اللي شخصيته ضعيفه وياله غادر يمشي نفسه لأنها متأكده انه ماراح يقول لأهله لو قال ماراح يوصل المضوع بالضبط ، او تمسك الولد اللي مثلا بهدلته اول مره واهله مايو وشتكو )
انا راح اقولج موقف مر علي ايام التدريب الميداني في المدارس
انه كانت معلمة الفصل تشرح في ولد ضايقها في الفصل بس حرام ما سوى شي يخليها تعصب بس راحت المعلمة صرخت عليه وبهدلته وقطت الكتاب بالأرض ووقفته وره ، راح الصف كله مشي مثل المسطره
لما خلصت الحصه سألتها ليش التصرف العنيف مع الولد هو ما قلط ذيك الغلطه وبعدين ليش تييبين لنفسج مشاكل مع الأهل
تدرون شنو ردت على
لا عادي انه امه
قايلتي شدي عليه
فشفتي شلون ترجمت كلام ولية الأمر
فعلشان جذي اقولج لا تسكتين لها وكلميها قدام الناظره
اول شي روحي للناظره مو الأخصائية
وقوليلها بكل هدوء تنادي المدرسة الفصل وبعدين راح تعرف شنو السالفة
وبعد جذي يكون الكلام والنقاش قدامها بكل هدوء بس عطيها قنابل ويكون كلامج صارم وسأليها أول شي عن كل المواقف اللي مرت مع الولد من الأول بالضبط موقف موقف .صار ولالالا
وإذا جذبت قوليلها لا مو جذى وصلحي الموقف ونبهيها على كل شي وقوليلها انه بأمكانج انج تيين من أول بس انتى كنتى خايفه عليها اهيا المعلمة ويمكن هالشي خلاج تتمادين وفهميها طبيعت ولدج وقوليلها انج عارفه انه حرج وحركي بس هي شنو تتوقع من طالب اول الابتدائي وبعدين علميها شنو ممكن الطرق اللي تتبعها مع الياهل خليها تستحي شوي وتنقد على روها وهدديها بطريقه ذربه (( لو درجاته نزلت انج ماراح تسكتين ))
بس اهم شي الهدوء وانتي تتكلمين خليها تنحرق بنار هادية
وبعدين لما تخلصين من المعلمة خليها تروح
وكلمي الناظره بحره قوية وفهميها انج عارفه انها نقلت المعلمة من صف ثاني لصف ولدج علشان الشكاوي اللي عليها .

الله وياج اختى ثبلغينا شنو يصير معاج

 

[كويتية صغيرة]

اول شي وسعي صدرك
و كل شي ينحل بالتفاهم مو بالعصبية

لازم اول شي تكلمين الأبلة نفسها ....... قوليلها ولدي صار يخاف من حصة العربي !!!!!!!

ثاني شغلة و احب ماتتضايقين منى

ترى انا لانى مدرسة ولاشي علشان ادافع عن احد
لكن من خبرتى بالأطفال و خصوصا الأولاد انهم احيانا يبالغون بالكلام و احيانا مو نفس الموقف اللي تكلموا عنه بالضبط
فروحي كلمى المدرسة ووصيها على ولدك و الله يحفظه
و يوفق عيالك كلهم

 

[حبوبه للعبي]

في البدايه قلت انج مكبره السالفه بس لمه قريت للنهايه ضااااق خلقي على ولدج وحسيت باحساسج حراام الولد في بدايه المرحله الابتدائية راح يكره الدراسه والسبب المدرسه الله يسامحها وااايد ناس صار عندهم عقد من المدرسه من نفس الطريفه انا اقرح عليج تكلمين المدرسه الاولى للماده واذا ما نفع نقلي ولدج عند مدرسه تعرفين احد فيها من المدرسات عشان يخلون بالهم عليه لانه هذا الاسلوب متبع بالمدارس الحكوميه وانا جربته اذا فيه مدرسه تعرفينها يصير وضع ولدج غير ويكون له اهتمام

 

[Miss_Tiger79]

روحيلها عشان تعرف شلون تتعامل مع اليهال

شنو هالابلات مالهم خلق يدرسون لا يصيرون مدرسات....
شسالفة هالعنف ما تعرف ادرس تحط حرتها بطق اليهال ؟؟؟

 

[كويتية وكلها جاذبية]

الله يبرد على قلبج وهدي اعصابج كل شي ينحل بالتفاهم

ويسخر حق ولدج كل الأبلات الي يدرسونه وقوليلنااا شنو صار عليييج

 

[om mishaal]

والله روحي الناظرة وجيبيها جدامها ونزلي فيها بهذله
شنو حاطين عيالنا عندهم عشان يتعقدون؟
روحي المدرسة وتوكلي على الله وبعدين ذبحيها
الله يكون بالعون هذا مستوى وزارة التربية
الله يوفقك إن شاء الله

 

[zoom]

كلمي الناظره وفهميها السالفه وان ولدج صار مايحب المدرسه
الله يكون بعون اعيالنا شهالابلات والله اهي ماترضى على اعيالها شلون يرضونه على عيال الناس
قبل كنت في مدرسه واشوف الابله تزف بنات اولى ابتدائي وهذيلاك مساجين توهم طالعين من الروضه نتف شيفهمهم
الله يكون بالعون

 

[سحر الشرق@]

شصار معاج ؟؟
رديلنا خبر ان شاء الله انحل الموضوع

 

[أم ريوف 1400]

حبيبتى حااااسة بمعنااااتك
انا معلم موابلة
ولدى اولى ابتدائى ممتاز اسم الله علية ولا جاينى يقولي ماما الاستاذ يضرب العيال بغراء المسدس
هو اناااا انجنيت طلع راد ولدى باخر الصف بعد ماطلبت انه يكون قداااااااام
قلت لبوه تروح تشوفلنا السالفة
قاله المعلم لاما اضربهم مادري شنو
المهم يقول لزوجى ولدك شاااااطر وممتاز عشان كذا حاطة وراء
يقولى ماما شورايك ارجع عند ابلتى بغيت اصيح
بجد مااااسااار فيه تعليم سار اهم شيء الراتب
ولا انتى اللي تملين وتذاكرين
حبيبتى روحى امسحى البلاط فيهااااااااا
شنو تعامل طفل بها الطريقة وااااجهيهاااااااااااا
نااااااااااااااطرينك شنو سويتى

 

[بسكوتة]

وااااااااااااي لالا من صجج اتفكرين شنو ممكن اتسويين لا يسمحون لي البنات اللي يقولون تفاهمي معاها
اول شي اغيب ولدي يوم وعلى طول نقل من المدرسه ولا يتعقد تدرين راح اتصير فيه ردت فعل اصلا احنا امهاتهم لا طقيناهم احنا قمنا نبجي هالدور اهو قاعد ابروحه بعد مااندمج مع المدرسه واتبهذله ياحليلها
والله اروح وجدام اليهال بالصف والعن خيرها واكمل عليها عند الناظره واكتب فيها كتاب بالوزاره اهي منو اتعقد اليهال وشنو تلعب على كيفها
واحسن بعد ريلج يروح يهزئها _03BA:_03BA:_03BA:
اخ لو تهديني عليها شوفي انا طيبه وايد ومسالمه بس لي حد اعيالي وانقلب ذيييييييييييييييييييب:ggdw::ggdw:

 

[&شوارفسكيه&]

بعد عمري كل الردود فديتكم والله
امووووووووووووووه خاصه لكل من رد على موضوعي
بصراحه اقرى الحين موضوعي واضحك لاني صج صج كنت ولازلت والله
بس صج نرفز
بقولكم
شصار
اليوم رحت على ال9
ولقيت الاداره متخبصه
صج مدرسه رايحه فيهااا
وبصراحه على بالي عندهم عرس
المكياج والزري على هالصبح واااااااااااي هيلق هيلق
ومختبصين خبصه مو طبيعيه
طبعا ما عندهم اخصائيه اجتماعيه
رحت دايركت للوكيله
ودخلت على طول
وقلت ابي مدرسة العربي
وقالت ليش
قالت ماني قايله ليش وما ليش
اذا وصلت وقعدت قدامي تعرفين الموضوع كله
قالت اوكي
دقت عليهاا الاخت طاف ما ترد
دقت على رئيسة القسم اكبر طاف بعد
وتدق المسيجينه ومحد يرد
وتروح وتدز الخدامه معاها ورقه طلب وما لقت احد و
بعد ساعه كامله من الانتظار
اخر شي استوعبت ان تلفونها رن حضرتهااا
وردت على الوكيله
وقالت انا مستاذنه من الناظره عندي شغل شوي وبرجع
الوكيله بررررررررررد وجهها
وقامت تتاسف على التاخير ووصلتني الين الباب
بس يمكن الله كتب لها عمر جديد وما واجهتها
والوكيله قالت لي باجر في للقاء تنويري بين المدراسات وووليات الامور وحياج
قلت هلا هلا
باجر لقائي معاها
بس صج الوكيله قمة الاخلاق تهبل
والناظر طبعا فاصله على طول ما شفتها من بدت الدراسه
وباجر بتشرف حضرتها وبنشوفهاا

 

[شوارفسكي]

وين زمان اول اللي المدرسه لها هيبتها واخلاقها لايعلى عليها وفي قمة الذوق الحين صار العكس الجهال يستنكرون الاخلاق الواطيه اللي تصدر من اغلبية المدرسات اول لي طقتنا المدرسه نخش عن امنا لان امهاتنا يدرون انا مانطقينا عبث ويوم الاجتماع يقولون حق مدرساتنا حيلكم فيها بصراحه رحت ثانوية اختي الصغيره لقيت المدرسات طايحيله مغازل باولياء الامور وصج بلا اخلاق

 

[توتيه]

لا تفكرين ولا شي روحي وخلي الاداره تحضر المدرسه وامسحي فيها الارض
شسالفه المدرسات بس طق وكلام خايس عمى بعينهم منو غصبهم يصيرون مدرسات موالكل البعض لان البعض منهم عسل لانها كلمه حق ولازم اقولها
ناطرينج روحي وعلمينا على مسحتها بالارض

 

[ريـــانـــه]

انا لو مكانج كان مت من القهر وشلون بقدر اصبر لي ثاني يوم
انا لو رد ولد وقالي شي احتر وتشوفيني مانام وافكر وانطر بس متى يطلع الصبح
عشان اروح اشخلها لان بعضهم لاذمه لاضمير ولو سوت جذي بولدي اتوقع ماراح
يكون في كلام تفاهم اتوقع بسوي فيها مثل ماسوت بولدي
شنو احنا مودين عيالنا للمدارس يتعلمون ولاينطقون صج بعض المدرسات ودج تذبحينهم
وبعضهم ماشالله تبارك الرحمن ودج تشيلينهم فوق راسج من كثر اسلوبهم الحلو ومعاملتهم
وتحسين درس بضمير

لاتخلينها موبس تشتكين بالمدرسه حتى لمنطقه لان نوعيتها يبيلها تأديب
وطمنينى شصار