مدرسة ولدي مادة العربي اروح المدرسه اذبحها وارد ولا شرايكم

[zeeze88]

حبيبتى روحى وتفاهمى معاها فى غرفة الناظره واذا سكت على الموضوع راح يتمادى بس من غير عصبيه
ولو اقولج انا الى سوت المدرسه فيه شنو تقولين اول شى كف على وجهه ونكرت وبعدين ترفس فى ارجلوها عساهم الكسر لما كرهته فى المدرسه وراحت عليه سنه بسببها والله يعينى على المدرسات ولا والله جزارات يبون ياخذون معاش ولا يبون يتعبون ولكن فى ناس تخاف ربها والله يكثر امثالهم

 

[Dancing^Queen]

شورافسكيه
عيوني غروقت ببجيييييي

لو يدري عمير جان شق ثوبه

انا وحده مو قادره اعيش او اتنفس او ارفع راسي بسبه التدريس عندي مشكله مو طبيعيه مع بنتي لان انتقلت من خاص لي حكومه
بنات نصيحه لاحد يفكر ينقل عياله خلوهم بمكانهم ياحكومه ياخاص لان الياهل مايقدر يتاقلم من ان يكون انسان وله قيمه ويتابعونه ويهتمون فيه
لين اهم شي يالله بنرصد درجات يالله اكتب يالله خلص ومايهمهم ان هالياهل انسان يعاملونه ان لازم يخلصون منهج والمدرسه الاولي و و و و

قلبي يعورني
اعاني مشكله شبيهه بمشكلتج بس فرق ان ابله بنتي مهتمه فيها الي حد ما بس البنت خلاص حطت اكس عليهم خلصت صار عندها رعب والله انها حتا نومه الليل ماتتهنا فيها تصحا الفير تيني تركض وبجي مابي المدرسه مابي اروح صرت كل يوم اداوم عندهم ومن ارد البيت من الدوام ااستلم العهده بنتي اللي لاتكل ولاتمل من البكاء لاتصلون استسقاء بنتي غرقت الكويت بدموعها الحين الاسبوع الرابع واهي في بكاء متواصل
موقادره تتاقلم مع سستم التعليم بالحكومه المنهج التافهه المدرسات اللي 60 % منهم بس تبي تخلص شغل جنها تخلص معامله مو جنه جدامها جيل بتعلمه الصراخ المتواصل الرعب اللي معيشين فيه الدرجات اللي الياهل لي لف ويهه يمين قالوله فاشل ساقط مامنك فايده يا مهمل يا قليل الادب ياللي ياللي
شدعوا عليكم
تبون ياهل جاهز يعرف الذره وتفصيلها علي منهج سخيف مايناسب عمر وعقل الياهل وتبونه جاهز مجهز حال واجب عقب باجر عيل اانتو شتسوون؟
ماقول الا انما اشكي بثي وحزني الي الله
حسبي الله ونعم الوكيل

 

[الجفول&]

شي يحر ويرفع الضغط
اختي لما كانت بالرووضه اول اسبوع دوام كله تبجي شي طبيعي صغيره وخوافه كانت تبي امي معاها..ابلتها ملت من بيجيها يعني بتسكتها الفالحه قالت ان ماسكتي امج مارح تجي تاخذج وتقعدين بروحج وصادف هاليوم ان امي تاخرت اختي اهنيه هسترت بزوود ومنها كرهت الروضه ولا كملت فيها وصار فيها تبول لا ارادي من هالخوف.. ولما امي راحت تكلم ابلتها قالت والله انا حامل بالتاسع وواصله وبنتج نرفزتني !!!! بالله هذا رد حامل ونفسج براس خشمج لاتداومين عيال الناس مولعبه عندج جبتيلها الخوف والتبول الا ايرادي ..اختي الحين برابعه ابتدائي تو خف عنها التبول الاايرادي...الواحد شيقول بهالمواقف؟؟غير حسبي الله ونعم الوكيل

 

[dnyay_mll]

الله يعينج شهالسوالف البايخه بعض المدرسات مالهم خلق يدرسون ويحطون حرتهم بعيالنا
انا ولدي من اول يوم يايلي يتشكا من ابلة العربي انها تطقه وانا اسكت اقول يمكن يبالغ لكن تمادت التافهه وقامت تطقه بالكتاب على راسه
وانا سكت قلت ماني رايحه اخاف اذبحها وسكت قلت بعديها لها تخيلي 4 مرااات طاقه ولدي بالكتاب على راسه لما رد من المدرسه يبجييي
عطيته بنادول ماكو فايده بعد قلبي نام لي الساعه 9 بالليل من كثر مايبجي من عوار راسه اهني ماسكت رحت المدرسه
ياتلي الاخت مو كويتيه وحدها خايفه وعلى طول بدا النفاق مالهم انا بقول الحلاوه دي جايه منين انا بحبه كتييير قلت لها مالج حق تمدين ايدج على ولدي واي واحد من عيالي
تصدقيين شنو عذرها
تقول انا احبه اكثر واحد واعطيه لعبه واشجعه واهو يعطي اللعبه حق رفيجه اللي قاعد يمه
انزيييين انتي مالج حق ولدي مايبي لعبتج عما بعينها زين
المهم قلت هالمره بطوفها وماني مكلمه احد بس المره اليايه يسير خير
خخخخخخخخ
تصدقين رد ولدي من المدرسه
ولا مغيره مكانه وحاطته جدام وابطل الكتاب
لي يومج ماكو نجمه مو حاطتله لوووووووول
وماكو عسل وبطل وحبوب مو حاطتله
ماييون الا بالعين الحمره
هههههههه
الله يعيننا وتعدي السنه على خييير

 

[om al ghaleen]

.., الله يعنيج والله شي يحر
ياقلبي ولدج كسر خاطري وفيه بعض الابلات بسم الله منهم يحسبون نفسهم ملائكه
يبا كل الناس تدوام ماادري على شنو نافشين ريشهم !! الاغلبيه
حسبي الله عليهم هالاشكال لانه يقلبي غصه


بس انتي لاتسكتيييييييييييييين بيني لهم انج مو راضيه ع اللي يصير

 

[نجمة البحر]

طبعا لازم تروحين حبيبتي
وكل وحده ولدها ايي يشكي من ابله لازم تروح مو تقولون ان ولدكم يبالغ ويمكن شيطان -لازم تروحون تتأكدون عشان مع الوقت لا يكرهون المدرسه
آنا ولدي الحمدالله كل الابلات يحبونه ويمدحونه وصج الله يعينهم على المنهج الصعب اللي ما ادري اشلون راح يكملونه -يعني ياهل عمره ما مسك قلم يبونه يكتب وياريت يكتب الاحرف اول شي
على طول بدو وياهم بكلمة أمل وفراشه وبيضاء وملونه وأمس كان على ولدي املاء وكان ثالث املاء واليوم تعبير وامتحان رياضيات وتسميع قرآن (والله حرام) هالمنهج حق اولى

وانا بصراحه ما يعجبني ان ابلات يدرسون اولاد -واللي قاعده اشوفه بمدرسة ولدي ان الاداره فوضى ومحد عليه ومن احد والله ان ليما الحين اودي ولدي المدرسه واقعد معاه ليما يطق الجرس وتيي الابله وبعدين اروح -لان مافي اي اهتمام ولا اشراف ولا مراقبه كل واحد قاعد فوق الثاني ويطقه واللي زانط الثاني واللق ماسكين الاقلام يتهاوشون والله اشوف اشياء تخليني اموت من الخوف على ولدي -تخيلو يطق الجرس والحصه تبدي وفوق النص ساعه وولا ابله ييت حق صف ولدي ولما اروح اقول حق الوكيله ماكو احد هناك وان الياهال قاعدين يتهاوشون وكل واحد زانط الثاني ترد علي وتقول ممنوع ولية أمر تدش انتي ليش ليما الحين بالمدرسه ما يسير تقعدين مع ولدج -وقلتلها متى ما حطيتو اشراف ومراقبه على صفوف اولى هذيك الساعه تعالي وقوليلي ممنوع أدش -آنا راح أدش ومحد راح يمنعني ولو مو آنا جان ما دريتي حضرتج ان صفهم ليما الحين الابله مو يايتلهم (والله انقهرت منها وبطت جبدي)

أدري طولت بس والله من القهر اللي فيني
والله لو اقعد اكتب من الحين لي باجر عن البلاوي اللي قاعده اشوفها بس الصبح وحزت الهده ماراح اخلص
وشكلي آخر شي بروح الجريده واخليهم يسوون وياي لقاء وأطلع كل البلاوي وأفضحهم

 

[صباح الخيرفي كل الأوقات]

صباح الفل والياسمين ...

الله العالم شكثر تضايقت من هالموضوع ؟؟؟

والسبب الرئيسي: إني أبلة عربي أولى ابتدائي من ثمان سنين ... مدارس حكومية طبعا ...

وما توقعت هالتصرف يصدر من معلمة للمراحل الأولى ؟؟؟

والله يا حياتي آنا معاكم بكل كلمة انقالت ؟؟؟ منو اللي ترضى على بنتها أو ولدها إنه ينهان

أختي شوارفسكية والله ما ألومج ؟؟؟ ولو كنت مكانج قلبت الدنيا عليهم ...

تخيلوا يوم مليت بناتي الإملاء الأول الله لا يوريج ؟؟؟ بكي وخوف ومرتبكين وخبصوا بالكلمات ؟؟؟

يا قلبي مت عليهم من الضحك ... الظاهر الأهالي شادين عليهم

شنو تتوقعين ردة فعلي ؟؟؟

قلت لهم سكروا الدفاتر ... وكتبت الجملة على السبورة وراجعناها مع بعض وضحكنا واستانسنا ( : تالي مليتهم ...

نص الصف درجاتهم كاملة والباجي نسوا كلمة بس ؟؟

واللي مخبصين الله يشهد علي إني عدت الإملاء لهم يوم ثاني علشان ما يتضايقون ولا أظلمهم ...

حبيبتي الدرجات ما انحطت بعد تو الناس ؟؟؟

شلون أقيم الطفل بفترة زمنية بسيطه ؟؟؟ عمرها ما صارت ؟؟ وين قاعدين ؟؟ راح ينظلمون كثير بالدرجات

يا ريت كل المدرسات مثلج
الله يبارك فيج
أنا مدرسة ولدي مصرية ...نفسيتها تعبانه كل مادشت تمسك واحد من الصغار وتقوله النهارده شكلك مش عاجبني ..أنا متضايقة منك وتعطيه المقسوم ضربة ..قرصة ....ركلة عاد هو وحظه
أقول مالت على مدارسنا اللي صار فيها عيالنا الصغار تجارب و ملطشة

 

[miss elegant]

آنا اقول اكيد بيصير جذية لان انتوا اولياء الامور ساكتين عليهم

الله يهداج اختي ولدج يقولج تطقني تسكتين !!!! لين تمادت او قامت تطقة بالكتاب على راسة

والاخت الثانية اللي تقول الابله كل يوم مو عاجبج شكل واحد لازم تروحين او تشتكين عليها وتوقفينها عند حدها

لازم يعرفون ان اكو اولياء امور متابعين عيالهم

 

[الواثقه]

انا اول مادشت بنتي اولى ابتدائي كنت حيل شاده معاها وابيها تصير عبقريه
ومن شفت طريقة تدريسهم ومناهجهم اللي تلوع الجبد وانا غاسله ايدي من تدريس الحكومه واقول ياليتها تنجح بس ومو لازم تكون متفوقه
لان كل مارحت اشتكي او اسال عنها عند المدرسات حطوا فيها عذاريب الدنيا
شدعوه الحين بتاخذ الدكتوراه اقصاتها ابتدائي
.
.
الله وكيلكم الحين بنتي بثالثه وولدي بأولى وماشيه معاهم اسلوب يكتبون واجباتهم وخلاص واعتمادي على المدرسين الخصوصي بالبيت وما اعتمد على تدريس المدرسه لان ما اقدر اعدل شعب ضايع
اهم ماعلي انهم يعرفون يكتبون ويقرون ويعرفون بالرياضيات والانجليزي والباقي كله سهالات
عشان مايتوهقون برابعه

الله يعين وحسبي الله عليهم من وزاره فاشله

 

[الملالة]

عورتي قلبي على وليدج الله لا يوفقها انشاء الله..عيل انا ولدي بأولى ابتدائي ياي يقول لي شوفي لي حل مع ابلة الرسم انا ما أعرف ارسم سيارة؟؟ بذمتكم ياهل بأولى ابتدائي تقول له ارسم سيارة.. ويوم ما عرف يرسم قالتله انته ساقط .. بذمتكم هذا اسلوب ومن يومها وهو كاره شئ اسمه رسم، المفروض ان حصة الرسم تكون ترفيه للياهل اهيا خلته يكره الحصة وما يحب شئ اسمه رسم .لكن شقول الشكوى لله وحسبي الله عليها ونعم الوكيل..

 

[حروف من ذهب*]

حبيبتي نقلي ولدج صف ثاني هذي شكلها مامنها فايده قبل لايكره الماده نقلي احسن

 

[نجمة البحر]

الملاله حبيبتي ولدج اي مدرسه؟؟؟؟؟؟؟؟؟
تصدقين حتى ولدي يكره حصة الرسم وابلة الرسم
قايلتلهم آنا العب كراتيه وأطق ومن يومها ولدي مرعوب ويقولي اذا ما عرفت ارسم سمكه راح تطقني
ووالله كل يوم يسألني ماما عندنا رسم اليوم -وامس كان عنده رسم ووالله العظيم ان قبل لا تبدي الحصه رحت اخذته لان الصبح قاعد يبجي ويقولي تعالي اخذيني ويترجاني -ولما رحت خذيته استانس وقالي كل مره اخذيني

 

[درة أهل الطولات]

هذي حقيييييييييييرة

روحي كلميهااا

 

[maadaa]

اممم برايي اشتكي عليها في المنطقة التعليمية علشان تعرف حدودها و ما تأذيني عيال الناس

 

[makeup story]

صرااحه ردوود عجيبه بحق المدرساات


تراا المدرسه بشر يعني لها احسااس وقدراات ...
اذا الام نفسها ماتتحمل عيالهاا مراااات مايصيير الابله تطفر من احد الطلبه وتزفه ؟؟

اختي انتي تقوليين انه حرج وعبثي وشقي شوي << ترا بالمدرسسه تعتبر هالصفااات كفييله بتخريييب الصف كله مو بالنسبه له لا يخررب ع الصف

وشكله منرفز الابله بشطانته ومو قاادره تكمل الحصه لذلك طردته مع انه غللط تطررد


انا مدرسه وصبياان ادرس والله لوو تشوفووون الصبيان الشياطييين والله العظيم يخربوون الصبيااان ومرااات الام ماتتوقع انه ولدهاا شيطان ويطلع بالمدرسسه عكس اللي اهي متوقعته


فاحسن حل يكووون حل سلمي مافييييه منازعات ونقاشاات لمصلحه ولدج لانه اذا ييتي لها تصيحيين وتزفييين فحطي ببالج خلاص بتحط اكس كبيييييييير على ولدج لو شنو يسوي ويحاول واطلبييي من الناظره انج تدخليين تشوفيين ولدج بالصف بحصة العربي وسألي عن ولدج عند الابلات ملووت المواد الثانيه عشاان تاخذيين فكره عن سلوكيات ولدج بالمدرسسسه


وسلامتج ادري بتنزعليين من حجي ولكن انا مدرسه وام وشاايفه الوضعيين

 

[&شوارفسكيه&]

اختي بالعكس كلامج ما يزعل
وانا والله العظيم اني اراعي ضروفهم واقول يمكن ياذيهم بالصف
بس شرايج ان كل مدرسات ولدي يحبهم ويحبونه
ويقولون مادب وهادي
بس بحصة العربي تصيبه حاله خوووف
حتى مدرسة النقليزي الاسبوع اللي طاف تقولي ولدج يقولي كفين ابه درسينا العربي يعد
وهذا ان دل دل على ان الابله خاااااااااااايسه مو معقوله جذيه و
للعلم فقط انا يوم شفتها باين عليها مو هينه وحتى يوم كلمت الوكيله بهالخصوص قالت يووووه فكيينا من ابله مشاعل الله يهديهاااا
عليها شكاوي وكل مدرسه ينقونها منها وطاحت بروسناااااا
والله ما قول غير الله يهديهااا مابي اضغط عليها وتكره ولدي مع انهااا متسنعه هاليوميين لانها تشوفني اتابعه

 

[ليالي نجد]

اشدعوه عاد اولى ابتدائي مو اي احد يمسكهم !!!

روحي لها وكلمي رئيسة القسم والمديره يدورون لج حل لان ولدج اذا تم جذي بيكره المدرسه ويتعقد