مدرسة abs

[lyale]

مرووو بالعافيه مقدما عليكم وبالهناء والشفاء
ام ليون شكلي بجربه لان احب لافندر ومن اسمه التوتر وخر عني

 

[حرم_طيار]

لياااال عندج صالون من ورانا؟؟؟؟؟

 

[mr000]

أم ليون إحنا هذي حالتنا كل يوم موبس يوم الخميس.. ولدي اللي متزوج ساكن معانا..وكل واحد يبي شي ..

 

[lyale]

ام ليووووووون لا ما عندي صالون ؟؟ اشاعات
مرووو شلونج يا عمري وشنو طبختيلهم اليوم

 

[حرم_طيار]

افرااااج اليوم افراااج

بسجل نفسي حضور من سوق شرق

 

[حرم_طيار]

ذاك اليوم لما وديت زيون العيادة بالجابريه لقيت صالون ليال

قلت يمكن صالونج وانصير زباين عندج

 

[mr000]

هلا والله ليال..الله يسلمج سوينا عرايس ومجبوس دياي مع التوابع..شوربه وسلطه وشبس..لا والله خدامتي تعرف تسوي المجبوس آنا معلمتها وخلطة العرايس أوصي الملحمه يسويها وبس نحطها بالخبز والخدامه تجابل الشوايه..آنا ماأنزل المطبخ وعندي الصغيره تحوس وراي أخاف عليها من المطبخ..

 

[حرم_طيار]

اااي والله صاجه يا موووو

انا اخوي الصغير خاطب وقاعد يسوي ريجيم تدرين حق العروس

اخوي الثاني ضابط ولازم يحافظ على جسمه عشان اختبارات الرياضه

امي ام المعرس وقاعده اتسوي ريجيم حق عرس اخوي

وانا توني والده وحارمه نفسي من الاكل في سبيل الرشاقه وعشان عيون بوليون فديته

واختي الصغيره مدام باستا متى ما ارجعت من الجامعه راحت و سوت لها باستا او تاكل برة مع صديقاتها
ويوم الخميس عندنا ازوارى بالعادة امي يا تطلب من برة او اهي تشرف على الغدة بنفسها
ونفس حالتكم الاكل حق ااااالخددددددم

 

[حرم_طيار]

عرااااااااااااااايس واي غراااامي

عليكم بالعافيه

 

[lyale]

واااي عرايس انا بعد غرامي العرايس تسلم ايدج دااامج انتي مجابلتها الخدامه حلو الاكل باليمعه بس صاجه مروو الاكل كل ببطون الخدم ايوونا عصاكل ويردون ديرتهم كل وحده امتن من دراام العيش
خخخ ام ليون ياريت عندي صالوون بس انا خل احط مكياج عدل اول لي هه ولا اصير عاهه افتح صالون والخط بويوه الاوادم

 

[حرم_طيار]

ليااال اشلون شهادات اعيالج

 

[mr000]

ام ليون وليالي الله يعافيكم..والله الأكل كاهو 3 أرباعه بالثلاجه..ولدي العود رجع من الدوام اليوم ماتغدى سيده نام.. والثاني مسافر.. وبنتي راده من الجامعه قايله حق الخدامه تسويلها بيض بتسوي ريجيم..وهي وزنها 45 كيلو..وجنتي خو أضعف منها أكلها لقمتين..يعني محد تغدى إلا ريلي وولدي الصغير..يلا ميخالف باجر نوديه حق حارس المسيد ..خو خدامتي صار فيها سكر من البلع..والله سكر وضغط...اللي يشوفني أشكثر أروح الجمعيه يقول هذي توكل الفريج كله..وكله في بطون الخدم..الحمدلله عالنعمه..أم ليوم مبروك خطبة أخوج..الله يوفقه ويهنيه..عاد صج حق المناسبات يبيله ريجيم..وإلا تتحسرين عاللبس..يستاهل بوليون ميخالف سويله ريجيم بس إذا ترضعين الصغار رضاعه طبيعيه..كثري من السلطه والفواكه والحليب..

 

[lyale]

ام ليوون توني انتبه علي الخبر مبروووك خطبة اخوج
بس تو الناس عليج علي الريجيم يقولون بعد 6 اشهر من الولاده يبدي الجسم ينزل فا لا تاذين نفسج جسمج محتاج يعوض الي خسره الولاده تعب ديري بالج علي نفسج وكافي ارهاق البيبيات وريجيم بتتعبين حراااام

 

[lyale]

ام ليون والله شهادتهم وايد متحسنه بس مستغربه الكي جي ليش بالايد لين درجات ولدي من 90 وفوق وبالشهاده نادر مو حاطيله e
؟؟؟
المهم بشرينا عن شهادة ليون

 

[حرم_طيار]

مووو امبيل بنتج لا تختفي شنو 45 وايد ضعيفه

شسوي يا ليااال لازززم اضعف حق عرس اخوي ولازم اوصل 55 قبل شهر 9 اخاف بوليون يشوفني بطه يرجع امريكا مرة ثانيه اذبحه لووول

خلي التعب مقدور علي المشكله شعرررري صرررت قرعه شعري اختفى

الله يبارك فيكم يا الغاليات والفال لعيالكم

 

[حرم_طيار]

ااالحمدالله ليون شهادتها ووايد ررررروعه

سكتي يا مووو تخيلي على الخير و العز اللي عايشين قي خدمنا خدامة اختي ما تبي تشتغل ودتها المكتب تخيلي عذرها no food واااي بيتنا احنا no foodوالله قهر في بيت بالكويت ما في اكل

 

[lyale]

الحمد الله بس ليش التناقض بشهادة ولدي مع الايد لين ؟؟ ما تعرفين شلون توزيع درجات الكي جي

 

[mr000]

أم ليون هالخدم عيايره..يتبلون عليكم بأي شي..والله إنهم قاعد يلعبون بالأكل لعب..أم ليون صاجه ليالي انتي توج شهرين انتبهي على أكلج يعني مولازم حلو ونشويات بس لاتتركين الأكل الضروري..وبعدين هو الشعر بروحه بعد الولاده يحت وايد هالمره بعد مع الريجيم..عاد تدرين مرت حماي دكتوره تقول حبوب الحديد والفيتامينات بعد الولاده مهمه مثل وقت الحمل..واحنا من نولد تركنا كل شي...مبروك شهادات عيالكم وعقبال شهادات تخرجهم ان شاءالله وتفرحون فيهم ..

 

[حرم_طيار]

لا والله يا ليال كلش ما عندي فكرة عن توزيع الدرجات

اخذي موعد مع ابلاتهم و كلميهم لا تسكتين احنا قاعدين ندفع افلوس مو ابلاش

المشكله معظم الفيتامينات تفتح الشهيه عشان جذي ما اخذها

 

[mr000]

السلام اشلونكم !وين برنامجكم اليوم بهالجو الحلو!! أم ليون لاتصدقين بنتي موعصله لأن حجمها صغير فكافي عليها هالوزن أو زياده كم كيلو وعندها كيرفز بس شكلها أصغر من عمرها