مدرسة abs

[lyale]

علينا وعليج ......... ملكه انا بخير انتي شلونج

 

[lyale]

سلاااام امهات من راااح المدرسه ومرهم واخذ اللبس ودي اعرف انا ما مريتهم شلون الوضع زحمه ولا لا و حصلتو مقاسات
عيالكم

 

[lyale]

للرفع

 

[حلم الطفولة]

ألوها ,, هاللوو ,, السلام عليكم أبرك مو ؟؟ شلونكم حبايبنا ان شالله بخير ؟؟

 

[lyale]

وعليكم السلام ههه حلومه

 

[mr000]

سلام أشلونج ليالي اشلون عيالج!! بس حبيت أسلم عليج

 

[lyale]

هلااا مرووو انا وعيالي بخير انتي شلونج وشلون عيالج

 

[كـلا كـلا]

انا ولدي فيها ورايح كي جي 2 ان شالله
المدرسة وايد زينة وانا مرتاحة الحمدلله منهم

بس سؤال
الدوام 27-9 يعني مافي تأجيل عشان الانفلونزا؟؟؟

 

[lyale]

كلا كلا شلونج
لحد الحين مو كاتبين شي عن التاجيل بالسايت
وحاطين ان الدوام ب 27/9 وعن البوابات الي يدخلون لكل مرحله

 

[ملكة بيتها]

شلونج ليال ...سمعت إن مدرستكم تطلبين الملابس وتختارين عن طريق النت ؟ خوش طريقه ...أنا اليوم مريت مدرسه بنتي أخذت الملابس شنو زحمه ...

 

[lyale]

هلاااا ملكه شلونج وشلون بنتج
اي صاجه طريقتهم مريحه انا شفت الاشياء الي ابيها حق عيالي وطرشت زوجي يطلبهم لنا ومريحه وتونس الشغله ان حاطين اللبس والاسعار والبكج والموديلات وتختارين منهم بالنت وايد تونس طريقتهم

 

[كـلا كـلا]

وي ما ادري ان بالنت رحت بنفسي واخترت بس ما استلمتهم ليلحين
المفروض اليوم بس مارحت

بس حسافة القميص مخلص بروح اشتريله سادة واركب عليه شعار المدرسة

 

[lyale]

كلا كلا شلونج
انا اخترتهم الي ابيه وخليت زوجي يرووح المدرسه يطلبهم امافي طلب بس اهم حاطين الموديلات والاسعار اهني
http://www.abs.edu.kw/docs/admissions/Summer uniform sales - Summer 09.pdf

 

[lyale]

كلا كلا انتي ولدج يرووح كي جي توو شلون تاسيسهم انا اول سنه عيالي
ولدي كي جي ون وبنتي قريد ون حصلت قمصان لهم بس ما استلمتهم المفروض الاثنين نرووح نستلم وما رحت
المهم في لقاء تنويري يوم السبت 5/9 بتروحين

 

[كـلا كـلا]

لا ماني رايحة مالي خلق
رحت العام يوم كان بيروح كي جي 1
بس عادي ماكان في شي مهم يعني
بس يمكن هالسنة يقولون شي عن استعداداتهم للانفلوزا؟

وبالنسبة لتأسيسهم ماشالله ولدي الحمدلله وايد شاطر خاصة بالعربي
اهما طريقتهم نص اليوم عربي ونص اليوم انجليزي
يغيرون الصف يعني
العربي ابلته سورية اسمها ابلة فاتن
ماشالله عليها تأسس عدل بالعربي وكانت تهتم بكل الطلبة يعني مثلا ولدي يستحي وااايد خلته شوي شوي مع التشجيع صار يوقف مكانها ويقرا الاحرف والاعداد حق الصف
والانجليزي ابلته كندية وايد زينة - مس كانديس، يحبها واااايد وهم احسه استفاد بس للامانة احسه العربي اكثر
عاد مادري من الابلة ولا من المنهج ولا من ولدي

يعني المدرسة وايد زينة بس حق الابتدائي بفكر وبعيد النظر وبقارن بين باجي المدارس

بنتج اللي بالابتدائي وين كانت؟

 

[lyale]

هلااا كلا كلا
انا برووح السبت وبشوف طريقتهم وعن موضوع الانفلونزا شنو استعدادتهم
انا بنتي كانت بالانكلش بلاي قرووب اعرف وحده توهم راجعين من امريكا وبنتها دارسه هناك فا دخلتها عندهم بنتها بالمتوسط وتقول عن المدرسه زينه وقويه
امممم ليش تفكرين تنقلين ولدج بالابتدائي ؟؟

 

[lyale]

كلا كلا تصدقين عاااد انا قبل لا اسجل عيالي فيها كنت مستبعدتها كلج وما ابيها واراكض عالمدارس الامريكيه وميته علي المدرسه الامريكيه العالميه وهم نقبلو فيها بس مادري شلون بعد ما صليت استخاره رحت وسجلتهم في absووايد ارتحت يوم شفت النظام والاهتمام والنظافه والترتيب يعني صج تحسين في مدرسه خاصه وعن التعليم بالعكس وايد يمدوحون نظامها

 

[mr000]

سلام ليالي أشلونج شخبارج! آنا بدش عرض بالموضوع !آنا ماجربت مدرستكم بس شفت بنت عمي نقلت بناتها بالمتوسط من المدرسه الانجليزيه للبنات لي مدرستكم وتقول ان مستواها وتدريسها أحسن مع ان بناتها الكبار متخرجين من الانجليزيه!! فان شاءالله تكون المدرسه عند حسن ظنكم وعيالج يرتاحون منها ويتوفقون يارب!!

 

[lyale]

هلا والله مرووو شلونج طمنينا عنج وشلون ولدج والدراسه وافلام الرعب الي صايره الحين كل دقيقه قمنا نسمع خبر ما يسر وااايد تضايقت علي الطلبه الي داومو الله المستعان تصدقين عااااد انا متصروعه بمكاني شلون حال الطلبه مساكين يارب يحفظهم
والله مرووو ان كلامج ثقه لان شايفه اهتمامج بعيالج فاكيد هذي شهاده اعتز فيها

 

[كـلا كـلا]

هلا ليال
اي المدرسة ان شالله قوية وسمعتها زينة بس لانها يديدة توها
والصراحة تعتبر غالية
وهم لانها مختلطة الى 5 ابتدائي
الله يكتب الي فيه الخير ما يندرى ليه ذاك الوقت شلون...