مدرسة abs

[كويتية وطنية]

هاااي شلونكم؟؟

انا توني ماسجلت ولدي تعييزت عشان دوامهم 1 ديسمبر

وباجر بشوف شصار معاهم

 

[lyale]

كويتيه وطنيه شلونج انتي ولدج يروح اولي روضه ترا في امتحان قبل التسجيل فا روحي علشان يمديج تسجلينه

 

[كويتية وطنية]

رحت اليوم ودفعت 30 والله كريم

سألت السكرتيره عن سالفة ال 500 اللي تندفع وشلون بيعوضون قالتلي ماندري يمكن يزيدون الدوام ؟!!

ع العموم اهم شي تعليم ولدي زين ..

 

[lyale]

اي زين سويتي كويتيه وطنيه بس تراا مو 500 اول شي تدفعين 100 تسجيل واول دفعه 600 الا دينارين

 

[lyale]

 

[كـلا كـلا]

هلا والله ليالي
ولدي الحمدلله زين
بس انصـــدمت اول يوم

تخيلي رحت اخذه الساعة 1 ولا المدرسة هدوء وولا سيارة واقفة برة !! وماشفت الا سايق طالع وماخذ ولد معاه وابو ماخذ بنته؟؟
قلت معقولة يعني محد مداوم؟؟؟؟ مع اني موديته الصبح وفي اوادم بس انا رايحة مبجر الصبح فقلت يمكن صج محد داوم!!

المهم دخلت ولا صخة والصفوف مسكرة مو كالعادة مبطلين الباب والابلة واقفة تعطيج ولدج وتوقعين
اشوف ولا السكرتيرة تناديني لوسمحتي!! الدوام يخلص 2 ونص مو الحين؟!!!
قلت نعم؟؟؟؟؟؟ هذا اول لما قلتو بتخلونه 1-12 بس الحين لا!! شحقه؟!!!

جان تقوول والله مادري شقولج بس هذا اللي صار عشان طلبة كي جي 1 لما يداومون راح يطلعون 2 ونص فما يصير كي جي 2 يطلعون قبلهم!! قلت لها لا والله يا سلالالام!!! واحنا شكو بكي جي 1؟؟؟ اهي مبين ان حتى اهي مو مقتنعة بالفكرة وقالت لي والله ترا وايد اهالي ما عجبهم ويقولون ما يصير وشمعنه!!!

قالت انتي الحين وصلتي اخذي ولدج بس باجر تعالي 2 ونص
قلتله 2 ونص ماراح اييي!!!! بدور له مدرسة غيركم حبيبتي
قالت لا بس احنا يمكن نردله س1 راح نشوف!؟؟
قلتلها اوكي انا من باجر بيي 1 مالي شغل واذا ماتغير شي بنقل ولدي 2 ونص وايد عليهم حرام وغير جذي انا ما اقدر!!! داومي يخلص 12 ونص ووين اقعد على ما يخلص؟؟ ومايسوى ارد البيت حتى.. وكلها كي جي 2 شحقه هالطوالة!

المهم يوم رديت ابوه قالي ما عليج والله احسن له ومادري شنو
المهم ابوه ما اقتنع بالمرة اني اغير المدرسة وقالي خليه 2 ونص وانا اخذه
انزين وخذاه امس بس انا اليوم رحت خذيته

ولا اشوف اريج الغانم صاحبة المدرسة
سمعي ردها: قلتلها لي متى كي جي راح يطلعون 2 ونص (بتهاوش ههههه)
قالت فور افر!
قلتلها شلون يعني؟ هذا مو عدل!! عشان كي جي 1 احنا شكو؟ جان تقول لا اصلا احنا على طول حتى السنوات الياية راح نخلي كي جي2 بالذات يطلعون 2 ونص وهذا نظام يديد وسألي عن اغلب المدارس العالمية جذي؟!! فررررق بين رد السكرتارية واهيا مادري منو الصج

المهم قلتلها انزين مو معقولة يعني الزحمة اللي برة !!! كل المدرسة من 2 روضة الى 4 ثانوي يطلعون بوقت واحد والمدرسة لا فيها مواقف ولا هم يحزنون ما يصير!! ماردت قالت اي والله شنسوي !! وقلتلها انزين الرصيف اللي حوالي المدرسة ما يصير جذي مو مبلط ولا شي ! كله تراب وصخر حرام
جان تقول والله العظيم اني قاطة 20 الف دك مركبة له بلاط مرتييييين ويشيلونه الاشغال يننوني!!
تقول المرة الاولى عشان المجاري والمرة الثانية عشان تمديدات الكهربا
وتقول واقفين بطريجي وهذي حالتي معاهم

المهم شكلها مستعيلة تشكرت منها وترا كلمتها باسلوب ذرب بس انا كاتبة الحوار جذي لاني معصبة الحين لوووووووووووووووووووووول

رحت خذيت ولدي ولا اشوف ناظرة الروضة جان اقولها حبيبتي انا عندي اقتراح
قلتلها انا توني شايفة اريج وكلمتها بس نسيت اقولها الاقتراح فبقولج اياه ووصليه واتمنى تطبقونه
قلتها المدرسة زحمة وماكو مواقف وكل المراحل تطلع بوقت واحد
فليش ما تخلون كل مرحلة لها وقت
مثلا الروضة س2 والابتدائي 2 و10 والمتوسط 2 وثللث والثانوي 2 ونص!!
كل واحد ايي ياخذ ولده ويمشي واللي عنده عيال باكثر من مرحلة ينطر بس راح تفرق الزحمة حيل!!!

قالت خوش فكرة وانا ان شالله اوصلها لهم


وبسسسسسسسسس
ولدي وايد مستانس الحمدلله ابلاته زينين وحبوبين

 

[lyale]

كلا كلا صج صدمه ليش ما بلغوكم امممم غريبه مو من عوايدهم لازم يبلغون عالاقل.............. وهم اقتراحج حلووو وياريت ياخذون فيه انا صج كل ما اروح اخذ بنتي اعاني من الزحمه فا يمكن هالاقتراح بيخفف الزحمه بس نصيحه لا تغيرين المدرسه وايد يهتمون بالطلبه وتعاملهم راقي مع الطلبه انا بنتي الحين كل ما تييي البيت تقول ماما صج ما عندي ربع بس استانست اليوم بالسكول التيشر والتيشر تتكلم وايد عن مدرساتها تحسين في اهتمام بكل الطلبه

 

[اوتار حساسه]

مرحبا انا بنضم لتجمعكم الحلو بحكم ان ولدي بعد بيكون بهالمدرسه وبيروح كي جي ون:ada: وودي افيد واستفيد معاكم بس انا عندي سؤال اهوا صج متاخر بس ماعليه ومنكن نستفيد :ابي اعرف من تجاربكم منو احسن مدرسات الكي جي ون الامريكيات والعربيات؟ بس انا بعد ووااايد سمعت انه في تفرقه بهالمرسه صج حسيتوا بهاشي ولا اشاعات:eh_s(14):

 

[lyale]

انا نفسج هذي اول سنه عيالي فيها فا خبرتي قليله فيها ومادري انا بنتي داومت وما حسيت بالتفرقه لحد الحين بس هم ما اقدر احكم الحين وكل شي بيبين بعدين بس لحد الان الاوضاع اطمن وكل شي اوكي
وعندي ولدي بكي جي ون وداومهم 1 /12 انشاء الله بيكونون عيالنا مع بعض

 

[اوتار حساسه]

مشكوره يالغاليه والله يوفق عيالنا ويحفظهم بس حسافه انا كان خاطري احط ولدي عند مس كانديس مدحوها لي بس تركت المدرسه فمنو تعرفون مدرسه حليوه و زينه مكانها

 

[lyale]

اي ياريت احد يفيدنا بمدرسه زينه حق عيالنا

 

[شذى الكويت]

السلام عليكم

مرحبا خواتي

بغيت اسال فية تسجيل الحين والا لأ

لاني بسجل ولدي كي جي 2

وهل يقبلونه والا لا؟

وبعرف اهيا وينها بالضبط يعي باي منطقه؟

ارجو الرد ضروري

ويعطيكم الف عافيه وعسى الله يوفق عيالكم يارب

 

[كـلا كـلا]

صراحة انا ما انصح فيها مع ان ولدي استفاد من المدرسات بس المدرسة فيها ان

 

[lyale]

شلونج كلا كلا بس ليش ما تنصحين فيها قولي ليش ساكته اذا فيها شي لان احنا اهم قمنا نحاتي عيالنا
بس انا عندي اهم شي الاهتمام والاستفاده باقي الامور تقدرين تتفاهمين فيها مع المدرسات واذا في شي ما تقبلين فيه بعيالج كلميهم اذا حسيتي بظلم او شي

 

[lyale]

شذي الكويت اهي بخيطان بس مري سئلي انشاء الله يقبلونه الكي جي اتوقع امورهم هين

 

[كـلا كـلا]

شلونج كلا كلا بس ليش ما تنصحين فيها قولي ليش ساكته اذا فيها شي لان احنا اهم قمنا نحاتي عيالنا
بس انا عندي اهم شي الاهتمام والاستفاده باقي الامور تقدرين تتفاهمين فيها مع المدرسات واذا في شي ما تقبلين فيه بعيالج كلميهم اذا حسيتي بظلم او شي

هلا حبيبتي انا مافي شي خاشته قلت كل شي لول وقلت ان والله ولدي الحمدلله مستفيد ومستواه وايد حلو بس لما تقارنين المدرسة بمدارس ثانية اهيا يعتبر سعرها غالي هذا شي ثاني شي وايد يتغيرون الابلات؟ انا استغربت اللي تقول عن مس كانديس انها طلعت من المدرسة واهي توها يديدة!! وناظر الروضة هم قعد جم شهر وطلع ؟ احس الابلات ما يتمون عندهم؟

بس ارد واقول واكرر ان ولدي مستفيد وحتى شخصيته تغيرت الحمدلله بس حق الابتدائي ما افكر اخليه فيها بسوي مقارنات وبحث وتحري بينها وبين جم مدرسة

والله يكتب اللي فيه الخييييييييييييير

اليوم رحت اليوم المفتوح قابلت ابلاته وتكلمنا معاهم الحمدلله مبين خوش ابلات

 

[lyale]

هلا والله كلا كلا بس انا عن نفسي ليش افتريت علي المدارس وشفت ان حتي الي معطينها توب ماني ذاكره امثله وفي جم وحده صار تنقبل بنتي وولدي يقولون ما قبلنا او يفتحون صف الروضه ويقولون بينتج ويتنق ليست فا اقتنعت ان كلهم فيهم عيوب يا بالمبني او المدرسات او او فا لما استقريت علي هذي المدرسه اتمني ان استمر فيها لان صج لويه فرت المدارس وتعب وما ابيج تتعبين باللويه
المهم انا بعد رحت اليوم المفتوح وشفت اغلب مدرسات بنتي بس ابلة الاسلاميه كانت حده قافله ما تتفاهم بس الباقي طمنوني ووايد ودودين ومريحين في التعامل فا ارتحت الحمد الله

 

[كـلا كـلا]

مشكورة يا ليالي
والله يسهل على بنتج

 

[lyale]

العفوو كلا كلا
وشلون ولدج مع دوام الروضه
انا اليوم بنتي يابت لي ورقة الانشطه وراح تكون من 2 ونص الي 4 الانشطه وسجلتها بالسباحه ........... مادري الروضه عندهم انشطه ولا ؟؟؟؟؟

 

[lyale]

انطر مشاركات شكلي انا وكلا كلا بس المدخلين عيالي هالمدرسه مع ان بالهده وايد زحمه !!!