مدرسة abs

[(أم ضاري)]

اشلونكم يا امهات اشلون المدرسه معاكم
اشلون عيالكم

 

[lyale]

شلونج ام ضاري بشرينا بناتج شسوا بالامتحانات

 

[حلم الطفولة]

هههه ... ليالي لا تعصبين آنا لازم أطل كل يوم .. ..
والله عذريني لازم أروح أنام بس حبيت أرد ضحكني الماد فيس ههه

 

[lyale]

ههه لا الا انتي ما اقدر اعصب عليج
:tek:
هذي حق حلومه
:tek:
وهذي هم علشان امهات التجمع الغالينو الغايبين

 

[كـلا كـلا]

هلا والله
والله ماكو جديييييييد هذا احنا

 

[lyale]

كلا كلا استلمتي الهويه مالت استلام الطلبه

 

[كـلا كـلا]

nope

 

[ملكة بيتها]

ليال حبيبتي ...والله تستاهل مدرستكم برفعنا تجمعكم ..لأن صج صج خوش مدرسه والتجمعات للمدارس الهدف منه هو التعريف عن المدرسه ونظام التدريس فيها ونظامها وايد حلو وصارت التجمعات مثل جرس تنبيه للأمهات على بعض المعلومات اللي يمكن ما تمر على الأم أو الطفل ينسى يبلغ أهله على موعد إجتماع أو شي صار بالمدرسه نعرفه من هذه التجمعات وبصراحه مدرستكم أنا دايما أسمع عنها كل خير واللي أعرفه إن أغلب طلبتها كويتيين (وهذا مخليني مستغربه إن تجمعكم ما في وايد أمهات لأن منتدانا صار معروف بالكويت كلها ) ...والبركه فيج - وبكلا كلا - وبأم ضاري إنشاء الله هالتجمع عامر بأهله ...

 

[lyale]

مشكوره ملكه وشاهد ه اعتز فيها ونفس ما قلتي المدرسه وايد قويه واغلب الطلبه كويتين وهذا الي استغرب منه ويمكن لان المعلومات توصل الاهالي اول باول بالايد لين هذا مخليهم ما يدخلون التجمع بس هم مهما يكون ساعات نحتاج معلومات عن المدرسات و التدريس فا التجمع يفيد الكل

 

[كـلا كـلا]

حياج الله يا ملكة
والبركة بليالي اللي جمعتنا

 

[ملكة بيتها]

كلا كلا مشكوره حبيبتي ...صح يعطيها العافيه ليال حريصه على إن الكل يستفيد من هالتجمع والتواصل لمصلحه الجميع ...وأنا هالمدرسه من المدارس اللي كانت باللسته اللي كنت أبيها حق بنتي بس ليال تعرف سالفه النظام الأمريكي مع بنتي ..

 

[lyale]

:friends:
مشكوره كلا كلا وملكه
والتجمع عامر بوجودكم ولو ما وجودكم معانا ما صار في تجمع وماننسي ام ضاري ومروو وحلم الطفوله كلهم خير وبركه

 

[كـلا كـلا]

احلى شي ان يوم الخميس بيطلعونهم س11 ونص
اونس شي صراحة خاصة انه يوم زوارة


ويبونهم يلبسون بلاك اند وايت - حركات ها

 

[lyale]

خووش كلا كلا صج وناسه

الظاهر بس الكي جي انا بنتي عندها رحله يوم الاثنين 2/11 حق حديقة الحيوان

 

[lyale]

كلا كلا انا اليوم عطو بنتي ورقة فا عرفت ان الخميس نفس ما قلتي يلبسون ملابس حره وراح يطلعون 11 ونص
بس ما كاتبين بلاك اند وايت يمكن هذا بس الكي جي

 

[mr000]

سلاااااام أمهات الabs اشفيكم عسى ماشر قعدت أدور تجمعكم علبالي سكرتوه صارلكم كم يوم مالكم حس حبيت أسلم عليكم وأتطمن عليكم! ليالي شخبارج حبيبتي اشلون عيالج عسى ماشر وينج العاده أنتي اللي مداومه دوامين!أحنا هالخميس عندنا نص دوام لي ال11 وناسه!!

 

[قناديل الخير]

كان ودي اشارك في تجمعكم لانه كن ولدي فيها سنتين kg1-kg2 بس للاسف ولدي كره هذي المدرسة فجاءة وبدون مقدمات ونقلته مدرسه خاصة ثانيه ----تخيلوا كنت مجهزه له الملابس والقرطاسيه بحكم انه نهاية السنه فكانوا معطينا الطلبات حتى البلوفر الشتوى ماخذتله من العام على اساس انه بيكمل عندهم بس قبل الدومات باسبوع نقلناه والله يوفق وليدي في مدرسة الجديده ويوفق عيالكم

 

[lyale]

هلااا وغلا بمرووو ... ماشر بس هذا يسمون الهدوء ما قبل العاصفه .....صاجه انا مدوامه وادخل انطر مشاركات بس ماكووو لا جديد
حبيبتي كلا كلا تشارك بس هم ولدها بمرحله كي جي 2 ومو مع عيالي بس نحاول نستفيد من بعض كثر ما نقدر
قناديل الخير حياج واذا تحبين شاركي والله يوفق ولدج بمدرسته الجديده

 

[(أم ضاري)]

اشلونكم يا امهات abs وشخباركم والله غطينا مع امتحانات
بنتي ب كي جي 2 بتروح رحله يوم الخميس تاريخ 12-11
بنتي بقريد 3 بتروح رحله17-11
على فكره من تاريخ 15-11 الى 19-11 عندهم بالمدرسه تصوير الطلبه لازم يلبسون لبس شتوي
واشلونكم مع المدرسه والله انا مرتاحه منها حمدلله ما شاء الله

 

[omnasser]

مساء الخير اسفه على الازعاج حبيت استفسر عن نظام المدرسه بنتي في يير1 مدرسه انجليزيه والمناهج وايد صعبه