مدرسه البريطانيه سلوى

[um_yoyo]

بعد ما لف راسي و انا افكر وادور على حضانه لوليدي استخرت و بتوكل على البريطانيه الي بسلوى لان عندهم كل المراحل من الحضانه الى ثانويه وانشالله الاحد مقابلة ولدي بس حبيت استفيد من خبراتكم شلون حضانتهم و معاملتهم

 

[um_yoyo]

عشره ولا وحده راده !!

 

[HoOoriah]

حبيبتي انا ماعندي فكره عن الحضانه وانشالله البنات يفيدونج

بس حبيت اقولج ان انا الاربعا اللي طاف كانت مقابله ولدي kg2 بال bsk وماقبلوه لان مايعرف يقرا وحتى المس اللي سوت المقابله وايد تمدح الحضانه لان اولى روضه يداومون نفس المبنى وتقول يعلمونهم يقرون ويكتبون وهما صغار والاولويه حق خريجين الحضانه وقالتلي اذا تفكرين اتدخلين بنتج بالبريطانيه دخليها من عمر سنتين الحضانه عشان تقايش مع باقي الطلبه.ويقبلونها بالمدرسه.

وترى المدرسه قويه ووايد شديده يعني كانت تقابل ولدى وتعامله جنه بالجامعه مو بالروضه ووايد غاليه

فإذا انتي تبينه يكمل لي الثانويه بالبريطانيه انصحج اتدخلينه حضانتهم لان مقابلتهم صعبه والحضانات العاديه ماتهيأه عشان ينجح فيها

ادري قرقت عليج وايد بس انشالله اكون فدتج وترى انا لي الحين متحسفه اني ما دخلت ولدي من البدايه عندهم

 

[um_yoyo]

مشكوووره و الله يكتب حق ولدج الاحسن له انشالله

انا الي اعرفه مستواهم قوي بس الي مخوفني ان الكل يقولون شديين و هذا حبيب امه ما ارضى احد يزعله

اتمنى باجي الخوات يفيدونى اكثر

 

[um_yoyo]

للرفع

 

[ثلاثينية]

up
up

 

[ice_cream]

حبيبتي انا عيالي كلهم في البريطانيه وثنين منهم تخرجوا والحين عندي ثنين لازالو بالمدرسه البريطانيه وبلشو من الحضانه
فاذا تبين اي شي انا حاضره

 

[ice_cream]

وعلى فكره المدرسه وايد صعبه والدراسه فيها تحتاج وايد مجابل من الاهل يعني اذا كنتي مو قويه بالانجليزي مانصحج

لان الطالب يحتاج مجاااااااااااااااااااااااااااااااااااابل هذا غير انها وايد وايد غاليه يعني انا ولدي الحين بييير 5 ادفعله 2800

وهذي اخر مرحله بالابتدائي مادري جم بدفعله لين يوصل الثانويه:eh_s(14):

 

[um_yoyo]

مشكووره حبيبتي و الحمد لله انا قويه بالانجليزي ما عندي مشكله بالمجابل و اهيه صج غاليه بس يستاهل وليدي بس حبيت االج عن تعاملهم مع الطلبه يحبوبنهم بالدراسه او لا الياهل يروح مجبور

 

[مشمشة رمانة]

احلى سلام لكم جميعاً ليدي بيرد بسالج الكي جي يعطونهم هوم ورك ولا لأ لانة اليوم كان الانتر فيو حق بناتي والحمدالله انقبلو بس باجي باجر اودي الابلي كيشن وادفع الرسوم , فشرايج يشدون على الياهل مناول شي يعني ولا يبتدون بالصج من الرسبشن ؟؟ ومشكورة وماقصرتي مقدماً

 

[um_yoyo]

مبروك حبيبتي بس حبيت اسالج عن رسوم الكي جي 1 بجم و مع ملابس و الكتب والوجبات ؟

 

[ice_cream]

ماتصور ان الياهل يروح مجبور لا اهم لهم طريقه معينه بالتدريس والطالب مادري شسوون فيه يحترم المدرسين بشكل مو طبيعي من غير زف ولا شي شلللللللللللللون ماقدرت اعرف السر الصراحه المدرس له هيبه

بس الصراحه اتيي اوقات يكون الياهل مضغوط بالواجبات وانشاءالله الله يوفق عيالج

مشمشه على ايام عيالي في الكي جي ماكان فيه لانه انا اصغر واحد عندي الحين في يييييير 5 بس الحين بعد مادري والله لانا اهم دايما يغيرون النظام عندهم

الحين صارو يستخدمون الاب تووب من يير 6 بس مع عيالي الكبار ماحسيت انهم استفادو وايد منه حسيت انه فشخره على الفاضي مادري

صارو يكشتون بالدراسه ويدشون مسنجرات ويسمعون اغاني:nocommint:

 

[um_yoyo]

بصراحه الحضانه رووووووووعه رحت مقابله ولدي شي يريح و المدرسات كلهم انجليز و شي راقي و مستوى انشالله بتوكل وبسجله

 

[وطني حبيبي]

ام يويو شرايك فيها البريطانيه

 

[وطني حبيبي]

ام يوو وينج
بنات معقوله محد يعرف هالحضانه

 

[um_yoyo]

انا سجلته و بس سالفه فلونزا الخنازير خلتني اهون و حولت الرسوم للسنه اليايه اذا الله عطانى عمر و اشوه اني سويت جذي افتوحوها اسبوعين و ردو سكروها و للحين ما افتحت

 

[أم عبووووود]

ربي يحفظ عيالنا ويحفظنا من هالمرض يارب

احسن شي سويتيه ام يويو

 

[حبوبه للعبي]

مساء الخير تجربتي مع المدرسة البريطانية بسلوى بصراحة مدرسه رااااااااااقية جداااااااا بالتعليم والهيئة التدريسية والانضباط للطلبه دخلت بناتي فيها لمدة 6 سنوات وماشفت منهم الا افضل سبل التعلييييم الحديث المطور بس المشكله اللي كانت عندي انها خلط فبعد ما اكبرو البنات الله يحفظهم اضطريت اغير المدرسة لمدرسة بنات فقط

 

[um_yoyo]

اي مشكلتها الخلط بمجتمعنا ما تنفع و خاصه للبنات مع ان انا عندي مدارس البنات فيها خراب اكثر

 

[وطني حبيبي]

مساء الخير تجربتي مع المدرسة البريطانية بسلوى بصراحة مدرسه رااااااااااقية جداااااااا بالتعليم والهيئة التدريسية والانضباط للطلبه دخلت بناتي فيها لمدة 6 سنوات وماشفت منهم الا افضل سبل التعلييييم الحديث المطور بس المشكله اللي كانت عندي انها خلط فبعد ما اكبرو البنات الله يحفظهم اضطريت اغير المدرسة لمدرسة بنات فقط

ماقصرتي حبيبتي آنا بنتي توها kg7
لي كبرت اكيد بنقلها بس كلميني عنهم وشنو يميزهم واكون شاكره لج