مدرسه القطوف اللي بحولي

[sereen]

ممتازة عيالى وعيالى حماى كانوا فيها بصراحه تامنين فيها من الناحيه الانسانيه للمدرسات والضمير لمايدرسونهم
بس كان وقتها فى الروضه . وبالنسبه للابتدائى مافى فكرة بس البنات ماقصروا

 

[on line]

تسلمون بنات علي الردود ان شاء الله علي السنه الجايه اسجلهم لان سكر التسجيل عندهم
وبالتوفيق للجميع
صراحه كنت ادور موضوعي وحسبالي الغا واخر شي حصلته هني
يعطيكم العافيه

 

[khaldoosha]

بنات ....عندي سؤال..
انا مسجله بنتي بمدرسة القطوف بسنة أولى ابنتدائي وحبيت اسألكم شنو لون لبسهم عشان اجهز من الحين ....هل مريول أو تنورة ؟ وأي لون المريول أ التنورة؟ ولون القميص شنو ؟ وهل كم طويل أو قصير....ولبس البدنية أي لون ؟؟؟

وشكراااااااااااااااااااااا:ggdw:

 

[سارة_kw]

انا ارف وحده كل عيالها فيها ولادخلوا الثانويه يشجعونهم على الحجاب وتسوي المدرسه حفله حق المتحجبه بس سمعت انها صوفيين واللي اعرفها موديه عيالها مذهبها شيعي فمادري بتأكد

اي صح انا بعد سمعت نفس الكلام

انهم صوفيين

عشان جذي ترددت ادخل بنتي

 

[أمة2006]

لوووول سالفة صوفيين ما انخلص منها

شكوووووووووو المدرسة تراقبها وزارة التربية مو على كيف كيفها والا جان سكروها من سنييييين

لو انه فيها اي عيب جان ما صار ضغط عليها جذي

والله في ناس ان قالولهم في حصص تعليم رقص والا غيره جان اترست عيونهم المدرسة

لا يا قلبي ما عليج من هالكلام انا اشكثر اعرف ناس ومن اهلي بعد كانوا فيها سنين لين تخرجو وماكو الا العافية

 

[نانو الشيطانه]

سجلي بنتج وانتي متطمممممممممممنه

ومالج شغل من كلام الناس
مثل ماقيل في الاثر :وهل يرمى إلا الشجر المثمر

وصراحة يضحكوني إلي يقولون صوفيه .. شخبااااااااااااااري غبار غبار :dddds:
الناس وصلت القمر واهم لي الحين تبع وكالة يقولون


شفتي شي بعينج قولي .. ماشفتي ليش تخلين نفسج أداة لنقل الاشاعات !
هذا إلي مايجوز :0bee2e8d89:


تقبلوو مروري المتواضع :tek:

 

[on line]

تسلمين اختي

 

[meskq8]

مرحبا حبايب الي تسال عن الملابس البنات نفنوف كحلي وقميص ابيض

والاولاد بنطلون كحلي وقميص ابيض

والروضه نفسه بس القميص ازرق سماوي

انا عيالي فيها وعيال اخوي وعيال خالي

صراحه الله يجزاهم خير

اهتمام ومتابعه وتاسيس

منو بناتها وعيالها

بالمدرسه خلونا انتعرف على بعض

 

[ام_بدر]

شكرررررررررا

 

[kuwaitya_zoGaa]

استغفر الله ,,, للرفع

 

[بنات حمران النواظر]

انا الصراحة بنت خالتي بثامن بالقطوف وسألتها عشان خاطركم وكان هذا ردها :-
المدرسة زينة وحلووووه واستفادة منها والمدرسات يهبلون علاقتهم حلوه معانا وتدريسهم روووووعة ويفهم عدل ومو صوفيين كلش واصلا يشجعون على الالتزام الديني....واشجع الكل يدحل بناته فيها...

 

[يارا1980]

اختي المدرسة روعة بالعربي بس الإنجليزي عادي خاصة آنة ولدي نقل من ثنائية واحس فيها التزام وتخلين الولد وانتي مرتاحة بس من الصعب التسجيل فيها آنة اقبلو واحد وماقبلو اخوة شسوي وافقت بعد طلاع الروح وحاولت ادخل اخوة مارضو واخبارهم عن الحروف والارقام والإبتدائي 350:bye22:

 

[فلونة احلى وردة]

تكفووووووووون متى يبدى التسجيل
بسجل بنتي ولدي للروضة
متى ان شاء الله
العام ما قبلوهم تاخرت وفولت والاولوية جنة للاخوان

 

[F.A]

مالهم سايت عالنت؟

 

[لقيت حبي]

اشلون بنات عندهم باص ومشرفه ياليت تجاوبوني

 

[غلاي عزوزي]

انالا ولدي فيها بصراحه ما استفاد ولالالالالالالالالالالالالا شي اهو الولي روضه امكن بس بالابتدائي يهتمون اكثر
والزحمه مووووووووووووووووووووت ومكانهم حيل حيل قديم
واول السنه تكييفهم خربان تهاوشت معاهم ومن اول السنه انا بمشاكل معاهم

 

[رزاان]

السلااام عليكم
برايي القطوف من افضل المداارس انا عمري الحين 16 قعدت في القطوف من الروضه لي التاسع ماشفت منهم الا كل خير مدرسه روعه وابلاات اروووع الصراحه ماكنت احس انها مدرسه من كثر ما كنت مستانسه فيها .. جو ايماني رائع حببوني بالقران .. يهتمووون بحفظ القراان وااااايد .. يعني لو بدخلون عيالكم من الروضه الى التاسع راح يطلعون باذن الله حافظين 10 اجزاء لكن كل واحد وقدرته على الحفظ يعني ناس بهالمده يخلصون على المنهج الي اهو 10 اجزاء وناس يطلعون حافظين القران كاملا وبناات مجاازات .. يركزون على النجويد والعربي بعد وايد .. يعني انا الحين لما رحت الثنويه في مادة القران قاعدين يعطونا السوره الي انا كنت حافظتها في اولى ابتدائي!! وحتى احكام التجويد ..

لو بتكلم عن القطووووووووف مااااراح اخلص

وعلى فكره ..

حولو القطوف الى مدرسه نموذجيه والتسجيل راح يبدا يوم الاحد هذا ولحقووو الي يبي يدخل عيااله

واذا تبون اي سؤاال انا عندكم

 

[omsaja]

بصرااااحة المدرسة لا يعلى عليها صج ارفعوا الرسوم 100% من 300 حق الإبتدائي صار الحين 600 و500 روضة و700 متوسط بس الله يقدرني وأكمل بناتي فيها أنا عندي 2 وحده بثانية روضة وبتروح أولى ابتدائي والثنانية بأولى روضة وبتروح ثانية ابتدائي وعندي ولد الله يحفظه ويخليلي ياه قاعده أفكر من الحين وين أدخله بس أبي مدرسة بحولي يم خواته العيب بالقطوف حدهم حق الصبيان لي 3 ابتدائي فما أبي أدخله وبعدين أتوهق أدورله مدرية ثانية فوين تنصحوني يا بنات أبي من الحضانة إن الله أحيانا بس وين في مدرسة حلوة نفس مستوى القطوف؟

 

[نوره في وسط صوره]

خلص دوامهم ولا لا
ووين في بالضبط مو عارفه اوصلها بحولي ياليت توصفونها لي

 

[ro3ah]

ممكن توصفون لي مكانها