مدرسه الكويت الامريكيه kas

[3nona]

السلام عليكم بنات :eh_s(7):
كنت ابه نفتح تجمع حق عيالنا بالكويت الامريكيه هذه اول سنه لها بالمدرسه وهى بنت البجر وانا ماعندى خبره بالمدارس حاليا ......
شرايكم بنات منو معاى :bbbiu:

 

[عيون سارة]

انا معاج
بنتي اولى روضه

 

[3nona]

يعطيج العافيه لايوقف بنات خلكم معانا

 

[جناش]

انا مريتها بس ماسجلت ولدي حسيت ان صفوفها مقموته ودواعيس جنها بيت قديم وصرفت نظر عنها

 

[نور الشهري]

بنات يا ليت تعطوني رقم المدرسه ؟؟؟وكم الرسوم ؟؟؟

 

[3nona]

انا رحت استلمت الملابس حق بنتى بس مع الاسف مالقيت مقاسها بنتى جسمها اصغير ولازم تصليح اخذ ت الملابس للخياط اضيجها واقصرها بس مايسوى الصراحه ملابس الرياضه ماتنفع بالمراه المقاسات مو متوفره مع الاسف وبنشوف لما يبدون دوام الاحد
مع انى وايد احاتى وكانى انا اللى بداوام مو بنتى
طبعا بنتى عادى والاخت سهر وماترضى تنام كل لعب لما الفجر الله يعينا يوم الاحد النومه متلخبطه حدها

 

[3nona]

اى صج كنت ابى اسجل اخواتها حضانه بس مع الاسف ماكو مكان الاخت نور الشهرى روحى السايت الخاص بالمدرسه فيه الدفعات وكل شى عن المدرسه وان شاء الله تحصلين مكان اذا بتسجلين

 

[نور الشهري]

لو ما عليج امر يا ليت تطرشيلي السايت مالهم ؟؟؟​

 

[3nona]

http://kas.edu.kw/grade1.html
هذا السابت مالهم

 

[عيون سارة]

السلام عليكم
اشلونكم امهات مع اول اليوم
صادقه حبيتي بخصوص الملابس انا بنتي بعد ضعيفه والملابس كبيرة عليها

الحمد لله عدا اليوم على خير ما كلت اكلها ماعدا كلت شوي عنب
انا متفائله بالمدرسه وان شاء الله خير

 

[3nona]

نفس الحاله بنتى ماتاكل شى اول يوم ردت سيده الفراش مونايمه اليوم اللى قبله الا 3ساعات بس الحمدالله اليوم الثانى وايد احسن وحتى هى وايد مستانسه من المدرسه اليوم عطوها كتاب العربى جلدته ورحت شريت لها اغراض حق المدرسه بس ما خلصتهم كلهم واحس لحد الحين الامور طيبه معاها وبانتظار ان يقبلون خواتها بالحضانه عندهم
لا يوقف

 

[عيون سارة]

نفس الحاله بنتى ماتاكل شى اول يوم ردت سيده الفراش مونايمه اليوم اللى قبله الا 3ساعات بس الحمدالله اليوم الثانى وايد احسن وحتى هى وايد مستانسه من المدرسه اليوم عطوها كتاب العربى جلدته ورحت شريت لها اغراض حق المدرسه بس ما خلصتهم كلهم واحس لحد الحين الامور طيبه معاها وبانتظار ان يقبلون خواتها بالحضانه عندهم
لا يوقف

الله يوفقها ان شاء الله
لا انا تعدلت نومتها الحمد لله واحسها مستانسه من المدرسه
وعاد اولى روضه عندهم بس اوراق عمل

 

[3nona]

الله يوفقها يارب انا بنتى لحد الحين بس كتاب العربى معها بالجنطه ويعطونها أوراق حق الواجب معظم الواجب بالصف ان شاءالله ما تتغيرطريقتهم بأجر اول يوم لها بالباص وايد إحاتى الله المستعان

 

[عيون سارة]

الله يوفقها يارب انا بنتى لحد الحين بس كتاب العربى معها بالجنطه ويعطونها أوراق حق الواجب معظم الواجب بالصف ان شاءالله ما تتغيرطريقتهم بأجر اول يوم لها بالباص وايد إحاتى الله المستعان

امين
حلو طريقتهم والله
انزين اهي كانت بنفس الروضه او غير
اما الباص لا تحاتين ان شاء الله ماكو الا العافيه
انتي ان شاء الله ناويه تخلينها تكمل عندهم الابتدائي عشان استفيد منج اذا راحت بنتي ابتدائي وبعدين عندهم طابور او لا

 

[3nona]

هلا عيون ساره
انشاء الله بكمل معاهم اذا شفت امور بنتى طيبه بنتى كانت بالانجليزية العالميه وايد حلوه وملمومه والدراسه كانت المنهج الأمريكى مو الانجليزى علشان جذى قلت اكمل امريكى الحين بدايه الاسبوع الثانى ومربيه الفصل وزعت عليهم خطه الاسبوع راح يكون عندها امتحان تهجئه الخميس وغطتها الكلامات تدرسها من بدايه الاسبوع. والله طريقتها حلوه وراح يقرون كل يوم قصه طبعا كلاماتها مو صعبه وانا اشوف قبول من بنتى ان شاء الله على طول يارب ابله العربى عطتها واجب بس الحلوه نست الكتاب والواجب بالصف خل نشوف بأجر شنو يصير عليها الباص كان أوكى بس اليوم غيروا السائق ومارضى ينطرها ه دقايقًً وهو وأى مبجر بط جبدى ماخذين كل هذه الفلوس حق الباص ومانطرها حتى خمس دقائق عاد وصلها أبوها وكلم الادارة تعتذروا وقالوا سائق جديد نشوف بأجر مسكينه اقومها من خمس ونص بس اليوم قلت اخليها ربع ساعه زياده لان الاسبوع اللى طاف كان اي متأخر وطلع لنا هذا السائق الله المستعان ولا الباص مافى احد الطلبه كلهم ٣ وبنتى اخر وحده يأخذها

 

[3nona]

شدعوه بس انا وعيون ساره مدخلين عيالنا هذه المدرسه مافى مشاركات

عيون ساره بنتى مسوين لهم اجتماع اولياء الامور الاسبوع الياى الساعه 7 الدراسه ماشى حالها بس انا موعارفه ادرسها العربى وبشوف بالاجتماع الياى شنو طريقتم
الله المستعان وشلون بنتج بالروضه بناتى كل ماشافو اختهم تروح الصبح بالباص يقولون بروحون معاها انا سجلتهم بالانجليزيه العالميه قلت الروضه ادخلهم السنه اليايه اذا شفتهم يبون اختهم تعالى الروضه الى 2 ونص بعد؟؟؟؟

 

[3nona]

Up up

 

[عيون سارة]

هلا حبيبتي الله يعينج انزين ليش طلعتيها من العالميه
والله انا من اسباب اختياري للمدرسه لان على طريق دوامي
بس حرام دوامها الى 2 ونص وايد عليهم
شنو يدرسونهم بالضبط
انا خاطري اكمل معاها بس ما ابي اخليها وبعدين انقلها اخاف تندقر بالحكومه قلت يعني بالروضه واولى ابتدائي زين بعدين انقلها لان يصير دور اخوها يدش
الا اذا ربك فرجها علينا اخليهم يكملون اهم شي الدراسه بصراحه
لان ادري بتدريس الابتدائي انا كنت ابله ابتدائي وادري اشلون اللعب
وانتي شدي عليها بالعربي احسن لج

انا بنتي حبت الروضه اكثر من حضانتها الى قبل سبحان الله

 

[3nona]

الله يعينا على تربيتهم يارب انا ماطلعتها بس مدرستهم كانت حضانه وروضه بس ودوامهم ودراستهم حلوه لما الوحده بس علشان جذى دورت لها مدرسه ثانيه بالنسبه للعربى احس مو عارفه اعلمها ولا اعلمها تكتب وايد أطول وتمسح وتعيد عندك اليوم عندها كلمه بيضاء تكتبها ٢٥ مره قامت تبجى تقول تعبت من الساعه ً٢ الى ٥ ونص انا تعبت بروح شوىالحمام أبى ماى وبجى شلعت قلبى وماقدرت اراجع لها الإملاء ولا باجى المواد الله يعين يارب
@@@@@@@@@@@@@@@@@@@@@@@@@@@
@@@@@@@@@@@@@@@@@@@@@
@@@@@@@@@@@@@*

 

[عيون سارة]

ميخالف حبيبتي الكل يشتكي من العربي لان المنهج صعب عليهم
بس راح تتعبين الككورس الاول وراح تندهشين من النتيجه الكورس الثاني
وتقولي ام سارة قالت
صديقتي مثلج كانت تعاني اول السنه وبعدين ولددها اشحلاته الكورس الثاني
انزين شسم ابلاتها عشان اذا زينه اخلي سارة عندهم خخخخخخخ
تدرين الحين بالروضه بس يعطونهم لتر a
ورقم 1
وشكل الدائرة بس
بالحضانه كانو يدرسونهم اكثر

تدرين صح تذكرت في بالجمعيات كتاب تمارين عربي حق المنهج الجديد بعض الامهات يقولون ساعدهم
والله يعينج

انزين ما قلت لي شنو المواد الى يدرسونها