مدرسه الكويت الامريكيه kas

[Q8_ButterFly]

ام ساره شلونج حبيبتي وشلون ساره وخلودي عساهم بخير


وشلون الروضه عساج مرتاحه منها وقوليلي جم رسومهم لانه مس ايمان شكلها ماراح تفتح kg2 ومن الحين قاعده ادور مكان حق اليهال للسنه اليايه ابيهم مع بعض :eh_s(16):

 

[عيون سارة]

هلا حبيبتي والله سارونه مستناسه حيل
وصدق يبيهم مع بعض وجنه رسومهم 1400 اولى روضه \1600 ثانيه بس مو متاكده
وانتي اشلون يوسف مع اولى روضه اتاقلم وشنو قاعدين يدرسونهم
لان بمدرسه سارة ماكو دروس معينه بس وحدات
اما ثانيه روضه في وجبات وشغل

 

[3nona]

عيون ساره هلا والله امس رحت الاجتماع وشقت مربيه الصف وهى ادرسهم اربع مواد وايد كانت حبوبه اسمها ريما والله من شكلها مبين ان هى وايد زينه ومن. كلامها عن اليهال مبين ان هى حبتهم وعرفت كل واحد شنو نقاط ضعفه شرحت عن للدراسه بالصف والواجبات وطريقه تدريسهم بعدين شفت مدرسه العربى اسمها وفاء سوريه وشكلها قويه والله وقاعده تمشى من اليهال شوى شوى وقالت ان المنهج صعب ولازم مانضغط على اليهال وبراحه عليهم وبينت طريقه تدريسها وشلون انعلمهم بصراحه هى تعطيهم صفحه وحده واجب بس بنتى أطول بساعتين وثلاث تقول عادى وانا عبالىْ بس بنتى طلع الكل يشتكى اى والصف فى ١٩ طالب مع الاسف الصف كل اولاد والبنات ٤بس زوجى يقول اى محد يدخل البنات مدارس خاصه اى شى والله والابله حاطه البنات بعيد عن بعض علشان مايسولفون حاطتهم مع الصبيان وانا اشوف بنتى كل تشكى هذا قالى ولعوزنى وهذا أخذ اغراض بس الأبله تقول احسن لهم لان يبعدون ويسولفون وماينتبهون عليها
اى اقول الكتاب اللى. قلتى
عنه حق العربى بكل الجمعيات احصله
مشكوره حبيبتى

 

[عيون سارة]

هلا حبيبتي
اي موجود بكل الجمعيات اسمه نفس كتاب العربي اعتقد العربيه لغتنا والله مو مثبته بس مال المنهج الجديد

انزين بسالج المواد يدرسونها بالانجليزي عدل
وشنو المواد الى يدرسونها لان الى الساعه 2 ونص احس وايد

انا مارحت الاجتماع حسيت بثقل وبعوار ببطني قلت خل ارتاح
توها اولى روضه
واليوم اتفاجا جايبه لي اوراق عمل واجب لوووووول
الله يعين بس

 

[3nona]

هلا والله المواد كلها بالانجليزى وكلامهم بالانجليزى بس مربيه الصف اللى ادرسهم المواد الأربعه تعرف عربى حق الضرورة يعنى وعندهم العربى كل يوم حصه ويوم واحد حصتين الدين حصه وحده ٣مرات بالأسبوع اى ومربيه الصف تقول يخلصون الساعه وحده دراسه الساعه والنص الاخيره يشلون أغراضهم بالجنط يكتبون شنو عندهم واجب بالنوته مالتهم ويرتبون المكان وأتسولف معاهم لما يطلعون تجمع الباصات جذى يعنى بالنسبه للمواد عندك رياضيات علوم ودراسات اجتماعيه وفن وانجليزى مكتبه كمبيوتر قراءه ولغه طبعا كل انجليزى وعندك الألعاب بالاضافه الى لغه العربيه والدين والله المستعان بالنسبه لكتب المواد الأربعه الانجليزية كل كتاب متين وكبير يظل بالصف قبل الامتحان بأسبوعين تعطيه الياهل يدرسون منه والرياضيات والانجليزى تقطع الاوراق من دفتر العمل فمايكون عليهم وزن بنتى بس اتحط العربى والدين ودفتر واحد حق واجب العربى *

 

[عيون سارة]

الله يعينج
ومشكورة على الشرح
لان صج قاعده احاتيها من الحين
اشلون على دراستها
الله يعين

 

[3nona]

السلام عليكم بنات
اخباركم واخبار عيالكم بالدراسه
من زمان محد دش وسولف عن المدرسه من جم يوم وزعوا تقارير الياهل اللى تبين مستواهم
يوم الخميس كان عندهم حفل الشخصيات كل واحد يلبسشخصيه يحبها المقصود فيها هلوين بس تحت اسم ثانى بنتى استأنست وايد وكان عندهم عيد الميلاد وكان يوم حلو وايد لها

 

[عيون سارة]

هلا حبيبتي
بشريني اشلون نتائجها

اي والله حتى سارونه استانست على الشخصيات
انا الاسبوع الجاي عند سارة اختبار بالى خذته بصراحه قعدت اضحك عليها

الله يوفقها

بغيت اسالج
اشلون تحسين مستواهم الى الان

انا بالروضه احسهم ممتازين وبنتي حيل مستانسه معاهم و تحبهم وناويه اكمل معاهم بحول الله

 

[كويتيه ذربه]

السلام عليكم
امهات حبيت اعرف رايكم بالمدرسة
لان ودي اسجل بنتي فيها
وهل هي مختلطه او لا؟.