مدرسه جديده وعضوه جديده ومتوهقه فيدوني =)

[al-lolo89]

السلام عليكم ..:eh_s(17):

ابلات حبيت نصايحكم حدي محتاجه فزعتكم
ابله جديده وعضوه جديده مافكرت اسجل الا بعد ماشفت هالقسم واللابلات الي يردون الروح باخلاقهم ونشاطهم

انا تعيين جديد مدرسة اسلاميه داومت على شهر 5 يعني مادرست بس مسكت احتياط وهم مو ماخذه ميداني يعنني :s141: !!

السؤال :

1. شنو اهم الاشياء الي ازهبها من اللحين دفتر التحضير دفتر متابعه شغل ترتيب المكتب وبعد شنو ؟
2. عمري صغير وحدي متكهربه من البنات احسهم طماشه وعوابه شلون اتعامل معاهم ؟

والي عندها نصايح بعد مو شرط اجوبه على اسألتي لا تبخل

واكون شاكرتلكم وداعيتلكم بالتوفيق والسداد :eh_s(7)::hjy5jewf:

 

[طموحه بزياده]

وعليكم السلام ورحمة الله وبركاته


اول شي حياج الله بالمنتدى والساعه المباركه اللي سجلتي فيها شفتي شلون شلون نور القسم بأله جديده..؟!!

ومبروك عليج الوظيفه والله يوفقج فيها



امممممم وثاني شي


السؤال :

1. شنو اهم الاشياء الي ازهبها من اللحين دفتر التحضير دفتر متابعه شغل ترتيب المكتب وبعد شنو ؟

والله انا عن نفسي تعيين جديد وماجهزت شي .. بنطر لين اداوم لاني جديدة واعرف شنو لي وشنو علي لان معاملة الجديدة اللي بقراطيسها غير لووووول .. مرح اشتري شي لي تبتدي الدوامات واشوف شسالفه ليش العجله..!!

ان شاء الله القدامى يفيدونج


2. عمري صغير وحدي متكهربه من البنات احسهم طماشه وعوابه شلون اتعامل معاهم ؟

كلنا اعمارنا صغيره .. اتوقع انتي متوسط او ثانوي ..!!

تعاملي معاهم عساس انهم كبار مو عساس انهم صغار ومراهقات بجذي تقدرين تكسبيهم واهم شي تتقربين منهم وتخلينهم يحبونج..

واول شي كوني لج شخصية قويه ولها كيان بأول لقاء لج ويا البنات بالصف القي عليهم السلام وعرفي عن نفسج واملي عليهم التعليمات اللي تبينها يطبقونها من اول الدراسه لي اخر يوم بحزم وجدية وشوية عبسه وبصرااااامه حتى لو تمثيل ... مثلي اول اسبوعين بعد فجي شوي وتسولفي وياهم وخل يحبونج واهم شي خل يحسون انج شخصيه مو سهله

وانا انصحج تتدربين وتحفظين الكلام اللي بتقولينه جدام المنظره او ويا نفسج عشان لما تتكلمين تكونين واثقه من نفسج

حتى الطالب بالمرحلة الابتدائيه اذا شاف الابله مو واثقه من نفسها ومتردده وكلامها مو مرتب او تقط بدليات او تضحك تطيح من عينه وما يحترمها والوضع عنده طاااف

وانتي مشكلتج ما خذيتي ميداني يعني يبيلج تدريب وصبر

والي عندها نصايح بعد مو شرط اجوبه على اسألتي لا تبخل ..


نصيحتي لج ان اول سنه لج او قصدي اول كورس راح يكون صعب شوي عليج لان البدايه دايما صعبه والواحد مو عارف شي فلا تضيقين خلقج ولا تنحبطين والانسان دام عليه شي جديد لازم يعطي نفسه فرصه يتعلم ويتعود

وانتي راح تخطئين ومن خلال اخطائج راح تتعلمين

مو تتسرعين بالحكم على نفسج وانج مثلا مو قويه او مو واثقه من نفسج او انج ماتعرفين تشرحين كلش هالافكار ابعديها عنج وقولي لنفسج انا جديده وراح اتعلم واتدرب وبعدين اتمكن من التدريس ومن لبنات


والله يوووووووووووووووفقج يارب

 

[ودي بطفل]

العضوه اللي فوقي ماقصرت كفت ووفت





اب لعيونج

 

[ablah_mariam]

حبيبتي لا تشترين شي ألحين عندج اسبوع كامل قبل لا يداومون البنات أو اكثر اذا تدرسين متوسط او ثانوي اسألي اللي معاج بالقسم شنو تحتاجين أو اذا قصدج على الوسائل انطري لما تعرفين شنو المراحل اللي بتدرسينها وبطلي الكتاب وقرري شنو تحتاجين

اهم الاشياء دفتر التحضير ودفتر المتابعه واكسسوارات المكتب واقلام سبورة ومساحة للسبورة واقلام تكتبين فيهم التحضير واقلام حمرا جمعي كراتين لانهم يضيعون بالدقيقه

وبالنسبة للقائج مع البنات لا تحطين ببالج اي شي غير انج ما تبينين ارتباكج وترا الشخصية القوية مالها علاقة بالعمر ياما مر علينا كبار لكن ماعندهم شخصية كلنا تعينا صغار ومشت الأمور عادي يعني للا تخلين صغر سنج يكون حاجز أو سبب يخليج ترتبكين جدام بناتج ترا اول انطباع هو اللي يركز عندهم ديري بالج


وموفقه ان شاء الله

 

[ablah_mariam]

النصيحه


أنا العام كانت اول سنه وكان في زميلات للاسف يحبطون يعني مثلا بسوي درس يقولون انتي تعيين جديد ما تاخذين امتياز بس ما كنت ارد عليهم لان ما اشتغل عشان الامتياز وفي جدد ياخذون امتياز عادي

انتي سوي اللي يرضي ربج ولا تفكرين بامتياز او غيره ولا تعطين احد مجال يحبطج او ينقدج على عمرج لا بغيتي تسوين شي مميز حاولي تبدعين بوسائلج ودروسج وسوي مشروع وبادري بالافكار لا تقعدين بمكتبج تنطرين الأوامر ترا اغلب الادارات بالمدارس يحبون اللي تبادر بالافكار ولا تخلين احد يبوق فكرة او شي منج اصلا اذا عندج فكرة لاتقولينها جدام احد لما تصير خلاص ما اخوفج بس ترا تصير تعرضين فكرة مجرد كلام بين قسمج وتلقين وحده راحت ترززت تسويها وانسبت الفكرة لها

 

[ابلة غزالة]

حياج الله معانا في المنتدى
والف مبروك التعيين

حبيبتي حاليا زهبي بس القرطاسيه مثل ما قالوا الخوات اقلام سبوره اقلام حبر خاصه الاحمر كثري منه ممكن اتجهزين بطاقات للكتابه عليها و تنمسح
احنا العلوم نحتاجها في كتابه المفردات الجديده ما ادري اذا تحتاجونها في الاسلاميه
جهزي طابعتج و الحبر و الكمبيوتر
اذا كنتي ابتدائي فكري في وسائل تشجيع اثناء الحصه انا ما ادري اذا متوسط يستخدمون هالشي و لا لأ

اما بالنسبه للوسائل هذا يعتمد على منهج الي بتاخذينه

حاليا طلعي من النت و جهزيه الهدف العامه للتربية في الكويت و اهداف المرحلة الي ادرسينها ( ابتدائي او متوسط او ثانوي ) و اهداف مادة التربية الاسلاميه
نسقي الورقه و خليها جاهزه لان هذي ضروري تكون في بدايه دفتر التحضير


نصيحتي لج
الارتباك لابد منه و الخربطه في الحصه وارده هذا الشي لا تخلينه يعرقلج و اكثر الارتباك راح يصير لما يحضر لج احد
انا رئيسة قسم و دايما الابلات التعيين الجديد يتوترون و بعد الحصه لما اناقشها اول كلمه تقولها ( انا ما ادري اشفيني الحصص الي فاتت ما كنت جذي )
و دايمه تصير الخربطه لما تدخل رئيسة القسم و تاخذ دفتر التحضير فانا انصحج التحضير الذهني يعني تقرين تحضيرج مره و اثنين و ثلاث بعد
اول ايامج حطي ورقه صغيره فيها رؤس اقلام لترتيب تحضيرج

موفقه ان شاء الله

 

[أم روض]

ماقصروا اللي قبلي بالمساعدة ..
واقري بالنت اكثر عن التدريس والاشياء المرتبطة فيه
وانا نفسج جديدة بس عندي نقطة قريتها وحبيت اقولها لج :
انج يوم تدخلين الصف اول يوم تذكري ان الطالبات ينتظرون انهم يشوفون معلمة قوية وجريئة ..
فلاترتبكين ولاتحطين فبالج انج جديدة ..



تابعي معانا هالموضوع للمعلمات الجدد :
http://www.q8yat.com/t1078902.html


وبالتوووفيق

 

[omaseel]

الابلات ما قصرو

 

[al-lolo89]

طموحه ، ودي بطفل ، ابله مريم ، ابله غزاله ، ام روض وام اسيل

الله يحييكم ويبارك فيكم وجزاكم الله خير ..
صج ماذكرت اني ابلة ثنوي
بس ماقصرتو ياحلو اسلوبكم ونصايحكم وردودكم الي تبرد الجبد وتقوي من العزيمه
الله يوفقكم ويزرقكم ماتتمنون قولو امين

 

[Your Dream]

ألف مبررررروك

التجهيز للقرطاسيه بس


موفقه خير

 

[al-lolo89]

ألف مبررررروك

التجهيز للقرطاسيه بس


موفقه خير

يبارك بعمرج
شكرراا :eh_s(17):
اجمعين يارب