مدرسه خاصه بمحافظه الفروانيه وضواحيها , ؟

[M!Ss English]

السلام عليكم ورحمه الله وبركاته ,


عشر اواخر مباركه على الجميع
وعسى الله يكتب لنا الاجر والثواب فيها ,


,

خوآتي عندي سؤال
بخصوص المدارس الخاصه ثنائيه اللغه
اللي تكون بمحافظه الفروانيه وضواحيها < عاجبتني الكلمه :d
ودي تقولون لي شنو احسن مدرسه فيهم
وتخلي مستوى الطالب بيرفكت بالعربي والانجلش ,
وتأسيسها قوي ,

وابي اعرف الرسوم , وتكون من كي جي 1 الى الثانوي
او الى الصف السادس ,


عساكم عالقوه ​

 

[ريماا]

رد : مدرسه خاصه بمحافظه الفروانيه وضواحيها , ؟

هلا فيج اختى انا بساعدج بلى اعرفة دام انى من ضواحى الفروانية على قولتج ههههههههههههه
ثنائية لغة عندج بالرقعى اجيال والاكاديمية
وبخيطان الامريكية والكندية وبالفروانية عندج الرواد
وكلهم اسعارهم للروضة من الف وفوق

 

[M!Ss English]

رد : مدرسه خاصه بمحافظه الفروانيه وضواحيها , ؟

هههههه اهم شي ضواحيها :rerrerek:
يعطيج العافيه حبيبتي

انزين للي يعرف
شنو احسن وحده فيهم وتأسيسها ممتاز ؟

 

[الفتاة السماوية]

الحال من بعضه وانا بعد قاعده أدور مدارس بهالمناطق

وخل اقولج نتيجة البحث والتحري

الله يسلمج اللي اعرفهم كالتالي :

1) مدرسة abs بالفروانية مدرسة راقيه والغالبيه يمدحونها حيل صاحبتها فوزية الخرافي ورسومها غاليه ألف وشي والابتدائي قريب الألفين دشي موقعهم وتأكدي.

2)المدرسة الكندية بخيطان رسومها ألف وشي وبصراحه في من يمدحها وفي من يذمها.

3) مدرسة الرواد بالفروانيه كانوا قبل جم سنه بالرميثية وانتقلوا الفروانيه بصراحه ما سمعت أحد يذم هالمدرسه ونفس الشي رسومها ألف وشي وكل ما كانت المرحلة أكبر كل ما زاد السعر.

4)مدرسة التميز النموذجية بالفروانيه اللي اعرفه عنها مكانهم مو شي ويتهمون بالتدريس وفي كثافه طلابيه وما عرف اكثر من جذي عنها.

5) في كذا مدرسة باكستانية بخيطان والفروانية بس ماعرف شي عنهم.

6) أجيال ثنائية اللغة بالرقعي هالمدرسة لي تجربه شخصية معاها تأسيهم للروضه حلو والياهل يطلع من الروضع يعرف يهجي الكلمات البسيطه بالانجليزي ويقراهم بس رعايتهم للطلبه مو شي كله زف وعقاب والمدرسات الاجانب صارمين بزيادة. بس هم في ناس تعجبهم هالمدرسه وكل واحد ورايه.

7)الاكاديمية الكويتية بالرقعي أعتقد تحولت للبنات فقط والغالبيه يذمون بالمدرسة.

8) مدرسة أم هاني الخاصة بالفروانيه رسومها جدا معقولة وبصراحه انا قاعده ابحث عنها وأسأل. في وحده بالمنتدى عيالها فيها ومدحت لي اياها وامدحت تأسيسهم وفي ذموها بسبة الكثافة السكانية والابلات شديدين وما دري عاد.

حبيت افيدج بالمعلومات البسيطه اللي عندي لاني نفس وضعج لي الحين ما حصت مدرسة تناسبني والله يفرجها عليج يارب

 

[ريماا]

رد : رد: مدرسه خاصه بمحافظه الفروانيه وضواحيها , ؟

حيااج ياقلبى ترا التسجيل بادى من زماان احتمال ماتحصلين مقعد انتى قدمى على كذة مدرسة احتيااط
على فكرة كل هالمدارس يبون طفل عندة خلفية ولا مايقبلونة فتاكدى انة ولدج حافظ الاشكال والاعداد والالوان وبالتوفيق

 

[M!Ss English]

رد : مدرسه خاصه بمحافظه الفروانيه وضواحيها , ؟

الفتاه السماويه

اشكرج وايد حبيبتي وعساج ع القوه
كفيتي ووفيتي والله الموفق ,

ريماا

اي عندي خبر لكن حبيت اعرف احسن وحده
عشان ابلغ رفيجتي لانها محتاجه معلومات اكثر
عشان تحسب الميزانيه للعيال العام المقبل ,

اشكرج حبيبتي , وعساج على القوه يارب

يعطيكم الف عافيه