Lays BL.ketchup
New member
- إنضم
- 22 أكتوبر 2009
- المشاركات
- 772
- مستوى التفاعل
- 1
- النقاط
- 0
السلام عليكم ..
أنا بتكلم عن حالة أحد اقاربي , وللأسف ماعندي خلفيه كبيره عن هالموضوع فـ قلت استفسر منكم وان شاء الله ما تقصرون .. خاصه ان احنا محتاجين لـ أي معلومه تفيدنا , فاللي تعرف لا تقصر ..
ولد خالتي من دخل المدرسه واهو فيه ضعف تركيز وقلة استيعاب .. يدرس ماشاءالله عليه , ويحفظ ومجتهد .. بس انتوا تدرون ان "بعض" الابلات والمدرسين ما عندهم وقت يهتمون فـ طالب واحد فيه قلة تركيز ..
الولد ما فيه "توحد" ولا "اعاقه" ولا "ديسلكسيا" , وسبق انهم ودوه للطبيب وقالوا ان اللي فيه نشاط زايد وقلة تركيز ..
وقبل 10 سنين الوضع كان مأساوي , لانه الحالات اللي مثل حالته ماكانت منتشره وايد , وما كان لهم "مدرسه" خاصه , او "معلمين" خاصين فيهم .. فما كان جدام خالتي الا انها تدرسه وتجابله , واتابعه بالمدرسه , وتستفسر من الابلات , وتحاجي المدرسين ..
لدرجه كنا نشوفها فعلاً دايما بالبيت اتدرسه وتشرح له , وقليل ما تطلع .. وتسهر لي الليل اتراجع الدروس عشان تقدر اتفهمه .. حتى الفيزيا والكيميا صمتهم صم , بس عشان تقدر تشرح له , مع انه خالتي ماشاءالله مو صغيره بالعمر , بس كانت عندها اراده .. وعقب قامت اتيب مدرسين خصوصيين الى جانب تدرسيها اهي ..
و ولد خالتي من النوع اللي يلقط المعلومه ويفهمها , بس محتاج من ينبهه ويخليه يركز بالسؤال .. يعني لدرجة اييب ورقة الامتحان البيت , ويكون مجاوب على سؤال غلط .. تقوله خالتي بهدوء "احنا دارسين هالموضوع , ركز شوي وقولي الجواب" .. وماشاءالله يرد يقولها الجواب صح , بس حزة الامتحان ما ينتبه ويدقق بالسؤال .. ومرات ينسى يحل سؤال , ومرات يكون بحاجه بس حق دزه صغيره عشان يسرد الجواب .. لكن عموماً اللي يدرسونه كانوا يعاملونه حاله حال الطلبه الثانين , ويظنون انهم لو ساعدوه بتكون اخلال بالمساواة بينه وبين الطلبه .. ومو راضين يفهمون ان اهو فعلاً حاله غير عن الصبيان الثانيين ..
الولد طبيعي بكل شي , لكن من ناحية الاستيعاب عنده مشكله .. واللي بعمره الحين ماشاءالله عليهم فاهمين وعاقلين , لكن اهو غير ..
وخالتي الحين مفكرة تطلعه من المدرسه وتبدي معاه مع مدرسين خصوصيين سنه كامله , وعقب يرد المدرسه .. لأنها حست انه قضى وقت كبير من عمره واهو يدرس ويعاااني بس عشان ينجح عالحفه .. واتعبت معاه حيل وصبرت , وكانت متابعته اول بأول بالمدرسه .. لكن الاداره ما تكون دايما معينه لها , خاصه ان المناهج صعبه ومالهم خلق ! واخوانه الباقي ماشاءالله عليهم كلهم شطار ومتفوقين ..
وهذا اول كورس يسقط فيه بـ ماده , وخالتي متخوفه حيل ان ما ينجح ويعدي الثانوي .. والحين اهو ماشاءالله عليه بالصف العاشر , لكن المناهج حتى بالنسبه للطلبه الطبيعين "صعبه" واتهد الحيل .. ما بالكم باللي فيه قلة تركيز .. ؟!
ياريت من اللي عندها خلفيه عن علاج هالحاله تفيدنا , خالتي ما قصرت واهي تجابله ماشاءالله عليها الله يقويها ويعينها - لكنها حيل تعبت معاه , حياتها كلها تركزت عليه اهو عشان يصير ولد طبيعي بالدراسه حاله حال الباجي وما يحس بالنقص .. لكن بعد 10 سنين من الضغط المتواصل بدت تتعب .. واللي محتاجته تعاون ما بين الاستاذ وولد خالتي عالاقل يراعونه ويراعون مستوى استيعابه ..
فاللي عندها فكرة عن "مدرسه خاصه" باللي فيهم "قلة تركيز" , يتعاملون فيها مع مثل حالته , ويقدر يكمل الثانوي فيها ويعدي ؟! ياليت تفيدني وتبشرني أفرح خالتي , لأنها صج تكسر الخاطر شايله همه وايد مو شوي ..
والله يوفقكم أجمعين ..
أنا بتكلم عن حالة أحد اقاربي , وللأسف ماعندي خلفيه كبيره عن هالموضوع فـ قلت استفسر منكم وان شاء الله ما تقصرون .. خاصه ان احنا محتاجين لـ أي معلومه تفيدنا , فاللي تعرف لا تقصر ..
ولد خالتي من دخل المدرسه واهو فيه ضعف تركيز وقلة استيعاب .. يدرس ماشاءالله عليه , ويحفظ ومجتهد .. بس انتوا تدرون ان "بعض" الابلات والمدرسين ما عندهم وقت يهتمون فـ طالب واحد فيه قلة تركيز ..
الولد ما فيه "توحد" ولا "اعاقه" ولا "ديسلكسيا" , وسبق انهم ودوه للطبيب وقالوا ان اللي فيه نشاط زايد وقلة تركيز ..
وقبل 10 سنين الوضع كان مأساوي , لانه الحالات اللي مثل حالته ماكانت منتشره وايد , وما كان لهم "مدرسه" خاصه , او "معلمين" خاصين فيهم .. فما كان جدام خالتي الا انها تدرسه وتجابله , واتابعه بالمدرسه , وتستفسر من الابلات , وتحاجي المدرسين ..
لدرجه كنا نشوفها فعلاً دايما بالبيت اتدرسه وتشرح له , وقليل ما تطلع .. وتسهر لي الليل اتراجع الدروس عشان تقدر اتفهمه .. حتى الفيزيا والكيميا صمتهم صم , بس عشان تقدر تشرح له , مع انه خالتي ماشاءالله مو صغيره بالعمر , بس كانت عندها اراده .. وعقب قامت اتيب مدرسين خصوصيين الى جانب تدرسيها اهي ..
و ولد خالتي من النوع اللي يلقط المعلومه ويفهمها , بس محتاج من ينبهه ويخليه يركز بالسؤال .. يعني لدرجة اييب ورقة الامتحان البيت , ويكون مجاوب على سؤال غلط .. تقوله خالتي بهدوء "احنا دارسين هالموضوع , ركز شوي وقولي الجواب" .. وماشاءالله يرد يقولها الجواب صح , بس حزة الامتحان ما ينتبه ويدقق بالسؤال .. ومرات ينسى يحل سؤال , ومرات يكون بحاجه بس حق دزه صغيره عشان يسرد الجواب .. لكن عموماً اللي يدرسونه كانوا يعاملونه حاله حال الطلبه الثانين , ويظنون انهم لو ساعدوه بتكون اخلال بالمساواة بينه وبين الطلبه .. ومو راضين يفهمون ان اهو فعلاً حاله غير عن الصبيان الثانيين ..
الولد طبيعي بكل شي , لكن من ناحية الاستيعاب عنده مشكله .. واللي بعمره الحين ماشاءالله عليهم فاهمين وعاقلين , لكن اهو غير ..
وخالتي الحين مفكرة تطلعه من المدرسه وتبدي معاه مع مدرسين خصوصيين سنه كامله , وعقب يرد المدرسه .. لأنها حست انه قضى وقت كبير من عمره واهو يدرس ويعاااني بس عشان ينجح عالحفه .. واتعبت معاه حيل وصبرت , وكانت متابعته اول بأول بالمدرسه .. لكن الاداره ما تكون دايما معينه لها , خاصه ان المناهج صعبه ومالهم خلق ! واخوانه الباقي ماشاءالله عليهم كلهم شطار ومتفوقين ..
وهذا اول كورس يسقط فيه بـ ماده , وخالتي متخوفه حيل ان ما ينجح ويعدي الثانوي .. والحين اهو ماشاءالله عليه بالصف العاشر , لكن المناهج حتى بالنسبه للطلبه الطبيعين "صعبه" واتهد الحيل .. ما بالكم باللي فيه قلة تركيز .. ؟!
ياريت من اللي عندها خلفيه عن علاج هالحاله تفيدنا , خالتي ما قصرت واهي تجابله ماشاءالله عليها الله يقويها ويعينها - لكنها حيل تعبت معاه , حياتها كلها تركزت عليه اهو عشان يصير ولد طبيعي بالدراسه حاله حال الباجي وما يحس بالنقص .. لكن بعد 10 سنين من الضغط المتواصل بدت تتعب .. واللي محتاجته تعاون ما بين الاستاذ وولد خالتي عالاقل يراعونه ويراعون مستوى استيعابه ..
فاللي عندها فكرة عن "مدرسه خاصه" باللي فيهم "قلة تركيز" , يتعاملون فيها مع مثل حالته , ويقدر يكمل الثانوي فيها ويعدي ؟! ياليت تفيدني وتبشرني أفرح خالتي , لأنها صج تكسر الخاطر شايله همه وايد مو شوي ..
والله يوفقكم أجمعين ..
التعديل الأخير:
