^مدمنه ميكاب ؟ حياج دوانيه مدمنات الميكاب ^

[q8 nono]

بنات انا عندي فرش سجما بس وايد يطيح ااشعر وااااايد اخاف تقرع الفرشه كثر ما يحت شعرها !!!!!!!!!!!

منو مثلي لاحظت هالشغله 

 

[q8 nono]

وشي ثاني انا ماخذه شدوات فكتوريا سيكرت بس واااااايد ينثرون و اللون مو واضح وايد ابي برايمر ماركه زينه تطلع لي اللون قوي

 

[رورو 88]

ميكاب نايس بس جنا وايد يبرق

هالايام هابه بالمات او الشيمر الخفيف




دلول لووول ان شاء الله اصور قشي عاد طاخه عن الميكاب مو نفس قبل

حولت على الفاشن لووول بس الادمان ماراح




نونو انتي عندج مالوت الويه والا العين ؟

انا عندي مالوت الويه وماحسيت ان طاح الشعر

والبرايمر عندج اربن ديكاي يهبل

او mac paint pots

 

[makeup q8]

اي لمعته حلووه حق يمعه اوو عرس او عزيمه

 

[makeup q8]

والله نونو انا ماخذه الفرش كلها من sigma وعادي ماشوفهم يطيحون كلش بس سامعه ان يكون من المصنع وحده ووحده حظ يعني

 

[q8 nono]

انا الفرش ملوتي السيت بو 12 فرشه لون تركواز و فرشة الدمج واااااااايد عوده عالعين ما حبيتها و عقب ما نظفتها فرشت صارت كشه  مع اني مستخدمه منظف ماك مال الفرش

و البينت بوت يبيله اجربه بس اذا في درجه معينه تناسب كل الوان الشدوات يا ليت تذكرينها حبيبتي

اي و كنت بعد ابي شي و نسيت ,!!!!!

علا ما اتذكر خل اقولكم تجربتي مع فاونديشن بوبي براون جربته اليوم و حسيته جدااااااااااا عادي و انا اخذت درجه افتج بشوووووووي من بشرتي درجه ٣.٥ و المفروض اني اخذ 4 بس كان خالص المهم ما حسيت روحي حاطه فاونديشن يعني باختصار ما منه فايده الصراحه مع ذلك راح اعطي فرصه ثانيه يمكن اغير رايي فيه  يعني لا يغطي و لا يعطي اضائة و لا له تاثير كلش و بجذي راح اخذ فاونديشن ديور احلا بوااااااااااااااايد و اضمن

 

[رورو 88]

نونو السيت الملون ما حبيتهم حسيت الكواليتي مالهم مو ذاك من النظر حسيت

وال paint pots عندج

ال painterly نيود

وانا عندي nubile وايد حبيته بس ليمتد

وعندج Bare Study



Rubenesque



Constructivist



Indianwood ( اينن )

كلهم بيرمننت موجودين على طول ماعدا nubile

 

[ايطاليه]

رورو

يعني غسول جونسون نفس اللون ازرق من غير حبوب ولا غيروا لونه بعد؟؟ شوقتيني عالخلطه ان شاالله اجربها

وماشاالله والله الديوانيه ونيسهلووول وسوالفكم تهبل

 

[makeup q8]

صاجه رورو نفس احساسي انا خذيت السيت 12 فرشه اللي بالجنطه مال انسام الخلف وخذيت 8 synthetic

 

[beauty symbol]

صباح الخير

نزلت سؤالي ,, في موضوع ثاني وما ردو علي...

يمكن انتو تردو!!!

مين جربت
شاين كنترول
من قيرلان

وبعد اساس قيرلان....

 

[كويتيه احب الكشخه]

الصراحه موضوع عجيب ولازم اشيك عليه كل شي
وعلى طاري كرين اساس بوبي براون فعلا حده خفيف يعطي بس لون خفيف
بلنسبه لي احس يبيله شغل عدل بلكونسيلر قبل عشان يضبط

الي حبيته وللحين هابه فيه فور ايفر واايد حلو وطبيعي ويغطي

وبلنسبه. لفرش سيقما الحمدلله زينه 

 

[رورو 88]

ايطاليه لا اهوا نفسه بس العلبه مو نفس قبل زرقه حيل لا مدرجه شوي

واحلى شي التخلط لوول




ميكاب اي زين سويتي انا فرش العين من كل بستان زهره

 

[كويتيه احب الكشخه]

عاد انا اليوم حدي مستانسه طااايره
ريلي يقولي مينونه بس عادي
تدرون ليش
اليوم شريت ميك اب ب ٢٠٠ دينار بس احس للحين ابي ما شبعت احبه
شعور حلو لما اشتري

 

[رورو 88]

بيوتي ترى وايد يمدحون اساس غيرلان انا ما سمعت احد ذمه

روحي جربيه بالمحل عادي اتحطلج وشوفيه





اي وترى فاونديشن بوبي براون السائل في كذا نوع في السكن فينش

وال rich moisturiser وما يسوون كفر مجرد شي بسيط بس على اشراقه

بس الكومباكت يهبل كفر اللي يكون مستطيل مو المربع

 

[رورو 88]

كويتيه شنو شريتي

 

[كويتيه احب الكشخه]

رورو شجعتيني اسوي خلطت بس حسافه غيرلان كان عندي وطايح بجبدي
شنو بديله

 

[سفيرة العشق]

هاي شلونكم ماشالله عليكم هديتكم يوم طرتوا جم صفحة واللي منعني عنكم عيوني اسم الله عليكم حايشتني حساسية وملتهبة من العدسات والدكتور مانعني من اي اضاءه عالعين بس قلت خل اتطمش واشوف سوالفكم بس قريت صفحتين عورتني عيوني 
والله شكلها عين حاشتني كل ما البس عدسات يسألوني شنو عدساتج تهبل ومن عقبها عيوني مو مترقعه ما يدرون اني عمية وما احب البس نظارات والحين محرومة من العدسات والمكياج خاصة الكحل
ادعولي الله يشافيني وترد عيوني نفس قبل ولي عودة قريباً ان شاء الله


 

[كويتيه احب الكشخه]

امبيه قولي شنو ما شريتي


لا صج في اشياء وايد كان ودي اشتريها بس زوجي تعب وهو ناطرني مسكين
كل شوي يقولي بسج الي يشوفج يقول ماعندها 
بس نااويه انشالله الشهر الياي اسويلي لسته

 

[كويتيه احب الكشخه]

بس عجبتني ماركه انجلوووت والصراحه احسن من مااك ببعض اشياء
الشدواات مو صج تهبل وفيهم لمعه مو طبيعيه
وفي لون بيج احلا من نايلون بواايد
والترابيات حبيتها وايد
وفي لون تركواز مو صج يشب احب احطه تحت عيني

وشريت منهم كريم الاساس جربته وايد حلو ويغطي بس لازم طبغا جربه بعد

والبودره بعد عجبتني
والبلاشرات عجيبه
وشريت بقمنت تحت الحاجب حلو
الحمدلله الي شريته منهم طلعو حلوين

 

[رورو 88]

سفيره حيااتي مااتشوفين شر بعض الناس ما تعطي خير

بعد عمري كلش ولا عوار العين مااتشوفين شر





كويتيه اهوا ماله بديل لانه حيل خفيف عرفتي الثانين اوفر وراح اتبين لمعه

بس هذا بعد اينن من كلارنس