مدينة الأحلام لذوي الإحتياجات الخاصة(يلا نحلم ترى الحلم بلاش)

[الصابرة المحتسبة]

من المعروف أن هناك نوعين من الأحلام(أحلام اليقظة_وأحلام

اللاوعي أثناء النوم)


ولهذا وبما إن موضوعي عن الحلم فأود منكم مشاركتي حلم

اليقظة الذي يراودني منذ مدة طويله

ألا وهو" إنشاء مدينة خاصة بالمعاقين" والذي سيكون على

هيئة لعبة يكتب كل واحد منكم

مايتمنى إنشاءه وتواجده في هذه المدينة..مع حرية إختيار

العضو الذي تريد أن يكون بعدك..

وبما أني صاحبة الفكره فسأكون أول من يبدأ:

أولا:وضع شرط أساسي وهو سكن المعاقين وذويهم فقط في

هذه المدينة..

ثانيا:مساواة المعاقين الكويتين مع غيرهم من كافة الجنسيات

بخدمات هذه المدينة..

ثالثا:أن تكون المباني والأجهزة الداخلية والخارجية من أثاث

وخدمات تعتمد على الكهرباء..وأن

تكون الكهرباء مفصولة عن كهرباء الدولة..(يمكن تنقطع

الكهرباء شنسوي بعدين)

رابعا:تصرف لكل معاق سياره كهربائيه تسير ببصمة الصوت

خامسا:يتم التحكم بأجهزة المنزل ببصمة الصوت كذلك...

منقووول

 

[مشاعل الشمري]

الله يحقق حلمج وحلمنا

 

[مباركيه]

اللهم امين

 

[شيخة الغيد]

فكره حلوه .. بس ما أأيد مساواة الكويتين بغيرهم لان الحكومه مو خليه قاصر بس اذا ساوينا محد راح يظل الا و داش الكويت و مستفيد ببلاش
ما ادري جذيه بيقللون من الخدمات

اما بالنسبه للحلم انه يرجعون ساعات تخفيف العمل لام المعاقودي احد من النواب يتكلم بهالنقطه وايد محتاجينها

 

[ام نوونه]

انا بعد وايد احلم ان سكون عندنا دكاترة اكفاء نفس دكاترة امريكا وغيرها من الدول المتقدمه
مع ان الكويت الحمدلله ماعليها قاصر وعندنا خييير ونعمه بس مادري ليش جذي
ماكو اهتمام حق هالفئه من الناس وخصوصا الاطفال اييبون دكاترة ماتفهم شي
ويييييييييييييه انا كلم يوم احلم بس الله كريم
وانشالله احلامنا كلها تتحقق ياااااارب

 

[مشاعل الشمري]

رفع

 

[ام^صالح]

اممممم انا بحلم مع الاخت اللي تبي تخفيف ساعات العمل والله بحلم وبتعمق بالحلم بعد((لاحد يقعدني))

وبحلم بعد بتكاليف الحضانات ياليت تصير تكاليفها مو مرتبطه بعمر معين ((هذا الحلم تعبني حييييييييييييل))

وبحلم ان ولدي يطلع من مدينة ذوي الاحتياجات الخاصه والله يتم عليه بالشفاء وانتوا تسوون له حفله توديع الله يزين هالحلم(( هذا الحلم اللي لاحد يقعدني منه عساه يتحقق قريب))

وبس اذا حلمت مره ثانيه برد لكم

 

[HearT ChocolaTe]

واااااي يا حلوووووكم فديتهم أنا وإلا ام صالح طمأشه يا خف دمج
خخخخخخخ. قال يا كثر ما أحلم قال خخخخخخ
لا بتتعمق فديتها والله لكم وحشه كلكم

أما عن حلمي برجع وافرغه لا طلع لاب توبي من الشر

 

[سمسومه الحبوبه]

الله يعافي لاب توبك يأم عزوز وترجعين تنورينا والله لك فقده يحلات هالطله والله
يارب جعل أحلامنا كلها تتحقق
آآآآآآه والله أحلامي كثيره
أبغى يكون في المدينه أخصائية علاج طبيعي خاصه لدودي تسويلها كذا جلسه في اليوم
موب في مستشفياتنا الله يخلف مواعيد بالأشهر وإذا جاء الموعد قامت الدكتوره تخلي وحده من الطالبات تتطبق على بنتي يعني تلعب فيها ويله روحي والموعد الشهر الجاي مالت عليهم
ترا هذي ابسط احلامي

 

[مشاعل الشمري]

ان مع حلم اي ابوين في حق منح ضناهم حق التعليم والشهاده اذا كان اهلا لذلك فذاك داون وهنا توحد
ولا يعانون من اي تخلف عقلي او نقص سواء في عضو ولكن تكمن القدره العقليه كامله ولو فيها قصور قليل

 

[ariam2121]

انا احلم يعطون الام تفرغ من الوظيفه مثل اجازه بس براتب كامل مو تخفيف عمل بس

واحلم مجرد موعد المعاق في الطبيب يجهزوله كل شي من كرسي ومشاية وعلاج طبيعي وعلاج مائي وترابي من غير اي واسطه

او مراجعات ياخذون الطفل من ايدج بابتسامه جميله لكورسه اليومي للعلاج مع راحه يومين بالاسبوع للطفل

احلم بعمل قناة للعلاج الطبيعي عن طريق وضع برامج واحضار اطفال اصحاء والقيام بدور المريض ويسوي التمارين اللي يقولها الدكتور

مع برامج ثانيه تكون لاطفال ويكونون مجموعه يقعدون ويوقفون يحركون ريولهم عالسرير وبالماي والرمل يعني لتشجيع عيالنا يقلدونهم

 

[مباركيه]

آآآآه ه ه ه ه ه :0bee2e8d89:

يازين الأحلام وأشوانها بلاش :ch12:

انا حلمي ان تكون مدينة خاصة لنا ذوي الاحتياجات الخاصة

يا حلوه من حلم 00وتخصيص سيارة باللمس والله شي عجيب

و000و00:080402ask_prv:00و0000ونحلم شورانا

 

[@شمس الضحى@]

انا مابي احلم وبعدين اصحى على الواقع وتصيبني صدمه عصبيه...

 

[الصابرة المحتسبة]

شمس حلمي وانا وخيتج جود ربج يفرجها

 

[توت وتين]

أولا:وضع شرط أساسي وهو سكن المعاقين وذويهم فقط في

هذه المدينة..


ليش يا مشرفتنا



حلمي العكس أنا ندمجهم مع الأصحاء ويكونون صدقات معاهم ويعيشون حياتهم بشكل طبيعي



مو كأنهم جايين من كوكب آخر

 

[الصابرة المحتسبة]

منقووووول فديتج

وحلم يبا حلم هههههه

 

[مباركيه]

توت وتين 00مع احترامي لرايج :tek:

انا وحدة اتمنى ومن كل قلبي هذي المدينة

اللي تخص ذوي الأحتياجات الخاصة

لأني فعلا مريت بهالتجربة وانا أول من عارضها

وطلعت منها بس اللي شفته بره هالمدينة أشياء تعكر مزاج ونفسية

اي واحد محتاج منا 00


يمكن أكون بالغت في قولي عشت بالمدينة انا كان قصدي

من طفولتي الى فترة البلوغ00كنا في المعاهد الخاصة

عشنا احلى ايام حياتنا000هناك شفنا التعاون والمحبة

والقلوب الصافية00النظيفة 00ولا كنا نحس ان فينا شي غير عن الناس الأصحاء

كنا كلنا مع بعض الله ياحلوها من أيام

وصدقوني ان احنا اللي درسنا وتربينا وتخرجنا من هالمدارس

نفسيتنا وثقتنا بنفسنا أكبر من اللي دمجهم من صغرهم مع الناس الأصحاء

اتمنى اني اكون قدرت أوصل لكم اللي اقصده

 

[مشاعل الشمري]

واصل يقلبي واصل
واختلاف الراي لا يفسد للود قضيه
خخخخخخخخخخخخخخخخخخخخخخخ

 

[HearT ChocolaTe]

بسبوسه : فديتج أنا
أسووم حلمي عاد بس لا تندمجين خخخخخخ
توت وتين : وين الغيبه فديتج .. حلو الإندماج مع الأصحاء لكن هم حلو تكون لنا مدينه خاصه فينا
أم أحمد عسى الله لا يضيع احلامج يا الطيبه

أما عن حلمي بقووووله لكم

1- أبي مدينة ألعاب مجهزة لعيالنا بس ، ليش الغرب عندهم ومحترمين مع الأصحاء وحنا لأ .
نبي هذا الحلم يتحقق ولوحقهم بروحهم مع أخوانهم
2- أبي تقام في هالمدينه نشاطات تأهيليه لكل معاق ، ونشاطات تثقيفيه لكل أسرة .
3- أبي جمعية تأخذ بعين الإعتبار .
4- أبي اليد العامله الوطنيه اللي تشتغل لعيالنا تكافأ مكافأة تشجيعيه عليها القيمه حتى يتقبلون عيالنا بصدور رحبه
5-أبي سايق وخادمه لكل شخص من الإحتياجات الخاصه محسوب على الدوله .


....................... والحين قعدت من نومي ولا حلمت باجر برد لكم :dddds:

 

[مباركيه]

,والله يا ام عزوزي حلمج خلاني اغوص فيه 00 ا مممممممممممممممممممممممممممم يهبل

وانا سمعت وان شاء الله يكون الخبر صحيح ان بيعطون كل معاق سايق00والله كريم ان شاء الله