مراكز التجميل اتبدل ولا لا ؟؟؟

[PuPa^^SWeeT]

السلام عليكم


شلوونكم




بغييت استفسر بشغلة


اول مرة يحووشني جذي


شريتلي علبة شدووو




يوم رديت البيت لقيت عندي نفسها


بس ماركة ثانية




و ماحبيت تكود الالوان




المهم اتهقوون يبدلوونها لي مركز التجمييل ؟؟؟




ولا لا ؟؟؟؟

 

[@ام يوسف@]

اااب

 

[ام الدرر]

اذا ما فتحتيه اتصور عادي
قولي لها اكتشفت عندي نفس الالوان ​

 

[ام الدرر]

بوبا عاد انا القرادة
شريت حمرة كريولان
ويوم استعملتها اول يوم العيد
شميت ريحة حزرة
وبيمعتنا طلعتها لاختي
جان تقولي واضح وريحتها قويه محزرة
رديتها بكرتونها وعليه السعر والكود عشان يعرفون انها من عندهم وبروح ابدلها ​

 

[PuPa^^SWeeT]

ام الدرر



ويييع عاد كلش و لا الحمرا محزرة


حلاتها بريحتها عاااد قبل لوونها





لاا اشوا عيل انا بس بطلتها الكرتونة بس العلبة مو مستعملة توني اليوم خذيتها



عندي الفاتورة شكلي باردها باجر ان شالله


مشكووورة ياقلبي ماتقصريين

 

[الـ ج ــوري]

اي يرجعونها يا عمرري

 

[جذابه بنت ذيابه]

اي يردونها ان شاء الله

 

[عادت ذكرياتي]

^_^ إن شاء الله بدلتيها %%%

 

[PuPa^^SWeeT]

ايي والله بدلت



بس ما سوتلي فاتورة يدييدة

اتقول لانه ممنوع بقوانين المراكز

بس لانه مو مستعمل بتبدل


عاد شريت بقيمة الاغراض مكياج ثاني

زدت فوقهم 5 دنانير