مراكز التسوق بواشنطن دي سي ضروري

[شمعة الكويت]

السلام عليكم


سفرتنا لامريكا تاريخ 18-10 بنقعد بواشنطن اسبوعين

شنو تنصحوني ابي المجمعات اللي فيها ماركات ارخص من عندنا

وشنو احسن المجمعات ؟؟ ووين تنصحوني نروح اماكن ؟؟



ويعطيكم العافيه

 

[ميسوره]

اهلين شمعه الكويت

عندج شارع اسمه m street فيه محلات مثل جوسي كوتور ولاكوست بينيتون على طول الشارع ومطاعم
وفي نفس الشارع مجمع اسمه داون تاون بارك
وفي شارع يقطع الام استريت اسمه wisconsin ave فيه محلات مثل بولو غاب اديداس بي بي وايد محلات

وفرجينيا في مجمع تايسون حلو وكبير وفي جم مجمع

والاماكن تلقون في شارع الام ستريت الباصات المكشوفه (هوب اون هوب اوف) ياخذكم لفه حول دي سي
تمرين عالكونغرس والبيت الابيض ومتحف مدام توسو ومحطه يونيون استيشن هم فيها محلات


وعلى دربج ابي تلفوني نسيته بالفندق لوووووووول

 

[ميسوره]

وهذا رقم تاكسي ارتيري خوش واحد

7033422606

 

[شمعة الكويت]

ميسوووووره يعطيج الف عاااااااااافيه وما قصرتي حياتي

تلفوونج ناسيته هنااك شدعوه بتحصلينه الحين لووووووووووووووول الله يعوضج

بس بغيت اسالج شنو احسن اوت لت بواشنطن ؟

 

[ميسوره]

صراحة ما ادري عن الاوت لت انا قعدت فيها 4 ايام بس انشاءالله يفيدونج البنات
وفي معانا العضوه كيوت بتجمع امريكا انشاءالله بتفيدج اكثر لانها كانت ساكنه فيها

 

[ميسوره]

انا راده بتاريخ 12 اكتوبر عندي خط اذا تبين راح ألحق عليج انشاءالله

 

[شمعة الكويت]

ميسوره بعد عمري مشكورة وما قصرتي

الوالد عنده خط

يعطيييييييييج العافيه حبيبتي

 

[شمعة الكويت]

uuuuuuuuuuuuuuuuup

 

[papaya]

من اكبر المجمعات عندك : tysons corner _ galleria at tysons 2 _ pentagon city والاوتلت عندك : potomac mills _ leesburg premium

 

[شمعة الكويت]

مشكوووووووووووووورة حياتي

 

[dla3_princess]

موووفقه بسفرتج و ياارب تستانسوون

 

[dreaming heart]

عليج بالعافيه وان شاءالله تستانسين بالسفره

في اوت لت عجييب كبير ويونس

وشفت فيه عرب بعد

كان يبعد عن فندقنا تقريبا ربع ساعه

بس مدري بأي منطقة راح تسكنون

هذا عنوانه

241 Fort Evans Road NE Leesburg, VA 20176

حطوه بالجي بي اس وان شاءالله يعجبج

 

[شمعة الكويت]

مشكوووووورين على المرور وما قصرتوا

دريمينق مشكورة حبيبتي

احنا فندقنا قريب من البيت الابيض يعني شكثر يبعد عنا ؟؟

 

[dreaming heart]

هلا شمعه

الله يسلمج تقريبا من 20 الى 25 دقيقه

 

[fĂňţąşŧĭĊ«3]

عندج البنتاغون مول حلو وفى اوت لت قريب لفرجينيا بس ماعرف اسمه

 

[شمعة الكويت]

يعطيكم الف عافيه ومشكووورين وما قصرتوا