مراهقه واحب بس ابي نصيحه منكم تكفوون

[سفيره الكويت]

هذا هو غرض الشيطان فلا تحقيقين اهدافه فهو يريد ان تكون البشريه في ضلال وتنتشر الرذيله ويغلب الطايح على الصالح

ارجعي الى ربك تائبه ...


يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ

 

[JaMoOoNa]

حبيبتي حرام توج صغيره لا تخلين بنات نفس اللي معاج بالمدرسه أهلهم ما درو عنهم يأثرون عليج

الزم ما على البنت سمعتها

و خرابيط البنات المراهقات بالمدارس كثرت و مو بس سوالف شباب و يكلمون وصلت لي اعجاب و بويات و خرابيط

خلي عنج كل هذا و جابلي دراستج و مستقبلج ولا تفكرين بشي ثاني

عسى ربي يوفقج ان شاء الله و يبعد عنج رفجة السوء اللي ما وراها غير المشاكل و السمعه السيئه​

 

[Mjnont '3lay]

حبيبتي انتي حيييييييييييييييل صغيييييييييييييره والله العظيم والله العظيم والله العظيم بيجي اليوم اللي تنزل من عينج دمعة قهر وندم على كل لحظه قضيتيها بتضيعة سمعتج والشباب لمن يضحكون لا تتوقعين لو واحد بالميه انهم يضحكوون لج لااا صدقيني انهم يضحكوون عليج ومن وراج يقولون صيده سهله وخفيفه والبنات لو فيهم خير جان جو و قالو فلانه تعالي نصلي الظهر بمسجد المدرسه بالفرصه الثانيه ويافلانه تعالي بالفرصه الاولى مثلا نروح حق الابله الفلانيه تشرح لنا اللي مانعرفه عشان نتفوق ونرفع راس اهلنا ويا فلانه تعالي نتعاون عشان نختم القرآن مع بعض ونشجع بعض لين ما نختمه بس الصاحبه اللي تضحك معاج بوجهج وتروح تشتكي عليج بالاداره وتقط السالفه كلها على راسج وتضحك عليج من وراج هذذذذذذذذذذذذذي ماهي صاااحبه وتخسي تاخذ من وقتج ومجهوودج اذا اهي اهلها ما عرفو يربووونها وماتستحي وخبيثه فأنتي اهلج ربووج احسن تربيه والدليل انج اعترفتي بغلطج وحسيتي انه هذا مو صح تدرين ليش لانه تربيتج صح واكيد امج ربتج عالصح والغلط بس الشيطان مرات شااطر انا ما اقوووول الا تسلم ايد ربتج لانه الانسااان بهالدنيا اذا اعترف بغلطه وحاااول بشتى الطرق يصلحه هذا معناه انه انسان زين ويخاف ربه ومايبي يغضب ربه واكيد انتي جذي ياحبيبتي اعتبريني اختج الكبيره وامشي بنصيحتي ونصيحة كل بنت نصحتج
واتركي هالبنات اللي ما وراهم الا الشر وبقوولج شغله ترى الولد بهالزمن مايبي البنت الكبيره عشان ما تتمرد عليه يبي البنت الصغيره عشان يربيها على ايده والله حبيبتي هذا تفكيرهم انا اخوي توه متوظف ويقوول بتزوج وحده صغيره قلت شتبي فيها قطيعه بتجيب لنا زوجه ولا دادا وتقعد تربيها لا شوف لك وحده مناسبه لعمرك تدرين شقالي يقول احلى شي عشان اربيها على ايدي ومن تكبر شوي اكون مروضها وماتطلع عن شوري واللي ابيه اسويه واهيا ما تقول لا واي شي يرضيها حتى لو لعبه مو مثل الكبيره تغثني وتعور راسي انا والله انصدمت هذا وهو اخوي انصدمت منه حسيت لحظتها اني ماعرفه من قالي عن تفكيره !!
شفتي شلون الشباب يفكروون
والله حبيبتي انتي ماتعرفين شي بالدنيا والله الدنيا مو مثل ما انتي متصورتها ضحك وهبال وعبط ووناسه لا ياحبيبتي الدنيا صارت تخوف والله مايبون منج الا اغلى ماعندج والله حبيبتي مايبون الا شرفج لا تصيرين رخيصه بعين نااااس هم من الاساس رخاااص ارفعي من قدرج انتي قدرج عاالي وبنت ناااس لا تطيحين من قيمتج عند ناس ما تسوى ولا تستاهل ديري بالج على نفسج انتي صغيره بعدج على سوالف الحب والخرابيط انتبهي لدراستج عدل عدل واذا كبرتي شووي اكيد ربي رح يرزقج الزوج الصالح بالحلال اللي يسعدج ويقدرج ويحميج من هالذيااابه والله هذووول جلاب عزج الله ملبسه ثيااااب ماعندهم ذمه ولا ضمير ولا قلب ياخذون شرفج وهم يضحكووون انتي ترضينها على نفسج !! ترضين وانتي جوهره بعين اهلج وغاليه تصيرين رخيصه بعين ناس ما تستحي ولا تخاف الله اكيد ماترضين صح
انتبهي لنفسج لا تغرج هالدنيا وخياسها اتجهي لربج صلي واجد والتزمي بصلاتج واستغفري واجد واطلبي من الله يحميج من اصحاب السوء وبنات وعيال الحرام ويبعدهم عنج وخلي بالج على نفسج والله العظيم هم الشباب مرح يخسروووون شي خيرتهم رح يكبرون ويعقلون ويتزوجوون ويجيبووون عيال
بس انتي بنت تعرفين شنو يعني بنت يعني رح تخسرين كرامتج .. وقيمتج .. وسمعتج .. واحترام الناس لج واحترامج لنفسج .. وثقة اهلج .. وشرفج
يعني شفتي شنو اللي رح تخسرينه والله بيجي اليوم اللي تبجين دم وتقوولين يااارب رجعني طفله ما تدنسني غير البراءه
واخر شي بقووله لج كوني صديقة امج قولي لها كل مافي قلبج اشكي لها وخليها غصب تسمعج ونامي بحضنها وقولي لها انج محتاجه قربها اكثر وانتي بهالعمر وصارحيها عن كل شي حتى لو ماعندها وقت بس غصب طيييب كوني قريبه منها وغصب طييب كوني صديقتها لا ترافجين غير امج مافي احسن ولا احن ولا اطيب ولا اوفى ولا اصدق صديقه بهالدنيا غير الام لانه الام تعطي ما تاخذ وتغفر وتسامح وتحب وتنصح من كل قلبها حتى لو قست عليج شوووي تأكدي انها تقسي عليج لانها تحبج والله يوفقج ياااارب دنيا وآخره ولا تزعلين من كلامي حتى لو كان قاسي بس انا مابي اجاملج انا ابي انصحج من كل قلبي من غير نفاق و لف ودوران لاني شفت وااجد بنات ضاعو باسم الحب وباسم الاعجاب وباسم المراهقه ومابيج تضيعين والله لاني اعتبرج اختي الصغيره انا عندي اخت من سنج تقريبا مراهقه وماخذتها الدنيا الله يهديها يااارب وعنيييييييييده حيييييل بس ما اقول غير الله يهديها ويصلحها انشاءالله ويهديج انتي ويصلحج ويبعدج عن هالدرب

 

[мίѕѕ 5оОо5α]

حبييييييييييبتي حرااااام اللي قاعده تسوينه وربي قاعده تضيعين نفسج بإيدج وانتي مو حااسه
وربي هالرفيجات ماوراهم الا الدمااااار اسألي مجرب !!
والله ماراح ينفعونج باجر اذا واحد من هالشباب افضحج او اهلج جكوج وربي انتي اللي بتاكلينهاا
اوك يمكن مستانسه معاهم الحين بس والله والله صدقيني بعدين راح تندمين قد شعر راسج بتقولين انا شلون سويت جذي!!
حياتي انتي قطي كل ششي ورا ظهرج واحمدي ربج انج للحين ماصارلج شي
غيري رقمج بعدي عن هالبنات حتى بالباص شوفيلج شله زينه قعدي معاهم او بنت مؤدبه انشالله تقعدين بروحج بس لا تقعدين مع هالاشكال
اهتمي بأي شي ثاني اهتمي بدروسج تسلي بالتسطير تعرفي ع بنات مؤدبات معاج بالصف بالبيت كلميهم بالفون اضحكو استانسو تمشي معاهم بالفرصه طنششي البنات اللي كنتي تعرفينهم اللي ماوراهم الا الدمار
وهذا اللي تقولين احبه مادري شنو !! حبيبتي هذا ترا لما جا المدرسه ما جا عشانج جا يدور اي بنت يضبطها والسسسلام !!
اذا طلعتي من المدرسه ع طووووول روحي الباص
وخلج مؤدبه بالباص شتسوى عليج لو واحد لحقج وعرف بيتكم وطلع رفيج اخوج ولا قام يهددج !! حياتي توقعي كل شي يصير لا تقولين ابالغ ماتدرين انتي !!
وحطي ببالج امج وابوج واخوانج ..!
وتذكري انج قاعده تغضبين ربج بهالتصرفات !! تغضبين ربج عشان منووو ..!! عشان شوية شباب ماخذينج تسليه وتقزيره !!
فكري عدل ياقلبي ..
وأهم شي حطي ببالج شغله وحده ..
وربي راح تندمييييييييييييين حييييل اذا مابطلتي هالسوالف !!!!



ادري قرقت واايد بس شسوي والله خفت عليج

 

[نونو العصله]

اهم شي عم رفيجتج هههههههههههههههههههههههههههه 16 يخرب بيته
لا يحرمه ابوه من المصروف والشبس

الله يهديج يا رب ويكفيج شر نفسج وشر رفاق السوء
انا ما راح ازيد على كلام البنات
ديري بالج لا يجي يوم و تقولين يا ريت

 

[$ بنت علمي $]

بقوووووولج كلمه وحده بسسس {الله يهديج }

 

[نعوووووومه]

ههههههههههه امبي ياسوالف البنات اللي بالمدارس هههههههههههههههههه
الله يعيين هههههههههههههه

 

[ماكو اسم #3]

اتمنى مو هذا اسمج واذا على ليش اسمج يروح للناظره من بد البنات اكيد لانج الاستهبال الاكبر

 

[الهنوؤوفـ]

وينج ما علقتي على ردود البنات بصراااااااحة ما قصروا لو طبقتي كلامهم انتي اسعد بنت

اللي نصحوج هم اخواتج وهاذيل صدق يسمون ربع ما اللي فالمدرسة تسمينهم صديقات

اسال الله ان يهديج ويجعلج بارة بوالديج حافظة لكتابه مهتديته على سنة نبيه ويجعلج من خيرة نساء الدنيا والاخرة ياااااااارب

اذكري الله اختي وصل على النبي واستغفري الله,,,,,,,,,بارك الله فيج اختي انتي فيج ايمان لو ما فيج ايمان ما كرهتي طريق الشيطان

 

[Vdieta]

مع ان انا كبرج وعندنا بنات جذي بالباص وكانوا يبون يتقربون مني بس انا خليت العلاقة سطيحه السلام شلوونج شخبارج لان هذول رفقاء سوء وانتي كبيره مفروض تبتعدين عنهم لما تدرين ان سوالفهم جذي وتدرين اللي تسوينه خطأ ماخفتي من ربج لما تكلمين هالشباب

والحين اقولج دوري على رفيجات عدل مؤ نفس هذول

 

[مثيره جداً]

اهلين اختي
ابيك تركين كل صديقاتك لآنهم ماوراهم الى عور الراس
ادري انه صعب لكن ضروري عشان مايزيدون الهم همين عليك اوكي
بعدها صاحبي بنات ثانيين وخلك معهم دائما بعدك صغيرة ياعمري عليك
لاتخلي هذول البنات يوصخون سمعتك البنت زي القزاز تتأثر بسرعة
احذفي كل ايميلات الشباب وغيري رقم جوالك ولاتعطيه اي احد الا بعد مده شهر من صداقتك للبنت
وعلى فكرة مو تروحين تصاحبي البنات الي يعرفون هذول الشله ... الي اقصد لاتصاحبي احد له علاقة بالبنات هذول
واخيرا اذا حسيتي البنات قامو يغلطون عليك ويهددونك بأي شي لآلآلآلآلآلآ تسكتين ابد ابد
علمي امك ولا اشتكي عليهم في المدرسة الادارة اقصد
ان شاء الله يروحون عن حياتك وتكوني قوية وتسمعي كل كلمة قلتها لك

 

[عسل سل]

اهم شي تبعدين عن البيئه الي انتي فيها رفييجااتج الي رايحين فيها لاتفكرين تكلمينهم لانهم سااس البلاا
اهنييج انج عاارفه غلطتج وهذا شي حلووو كمليها وخلي رفيجااتج
والله لو تطيحين بمشكله ماراح ينفعوونج خافي الله وانصحج شوفي يوتيوب اسرار الموت لنبيل العوضي وخلي رفيجاتج يشووفوونه !!​

 

[زين الوصايا]

●
●
●

المشاكل ماتيي الا من بنات الباص

صج يعني اللي بالباص جذي لان اهلها مو معاها وياهل

وفصلات لكن ماتوصل جذي كل ام تدخل بنتهاا بباص اقولها

تطلعها لان اكثر بنات الباص خربانات ........!

وانا انصحج نصيحة لوجة الله : ردي بالسياره شنو ملل الباص

ترا بتردين البيت شدعوه بيتكم قريب يم المدرسه شتقولين

لبنات الجامعهه والله من ام الهيمان لي الشويخ هذي فيها

ساعات جابلي دراستج حبيبتي ....!



●
●
●

 

[مُخملْ]

المَوضوع قَديم
-يُغلق-