مراهق يحطم أغلى ثرية في الكويت في مجمع 360 التجاري بحذائه

[لولوة الكويتية]

الصراحة تصرفه غلط. ولازم يعاقبونه ولا خلاص هالمجمعات الي إحنا كاشخين فيها كلها بتكسر

 

[LuLiTa]

المفروض يعاقبونه عشان يكون عبرة لـ غيره

 

[!الجادل الصعب!]

آكره شي لمآ ينحط موضوع وتجي وحده غبيه تبي
تستظرف نفس Germanya وتقط تعليق مآله علآقه بالموضوع
يقلب الموضوع لفتنة ..!
الي مآتعرف ترد مو لآزم ترد


بالنسبه للي صآر .. يفترض مآخذين عليه عـ الاقل تعهد او اي اجرآء عشآن يكون عبره لغيره ..,
غير الاضرار المآديه هالمجمعآت تكون مرآكز سيآحيه و وآجهه للبلد وفشله خل نرتقي شوي ..!

 

[حكاية شهرزاد]

حتى لو في تأمين المفروض ينطق طق اليهد حتى يكون عبره للصبيان الشياطين في كل الفىات بالكويت ,

شنو يطيح ثرية ولا حتى ليت شارع . ماله حق , لازم ينطق

 

[شيخه الغيد]

الكويت ثلثها بدو وحكامها بدو والي يطنز بكلامنا واسلوبنا بيجيب له العيد الي مايحترم الناس الناس ماتحترمه وكل الكويت من ناسها الاصيله من حضر وسنه وشيعه كلهم ع العين وراس واهل الكويت مايغلطون على بعض ولا يطنزون على بعض المحترم نحترمه والي يطنز نمصخره لانه مو اصيل لا يقعد يتهايط على روسنا والي مو اصيل اهله وعايلته ماعلموه الاصل والاخلاق بين الناس تلقوهم مو اصيلين وعلى ان الجوتي الله يعزكم ماركه الكل يلبسها من بدو وحضر وسنه وشيعه مانقول غير الله يهدي الي فاعل هالفعله الشينه يمكن مريض نفسياااااااااااا لا يمكن شخص عاقل يسوي هالفعله وما سمحو له الا انه فيه حاله نفسيه سالفه مو سالفه ماديه الله يشفيه ويشفي جميع مرضى المسلمين ويهدي كل من ظن ظن السوء بالآخرين !!شكرا ع الخبر

 

[Turquoiseya]

شعنده هالولد ينبط بجواتيه بهالمجمع !
لازم يكفخونه شوي لانه فضح اهله بسلوكه السيء الله يهديه

وبعدين هذي اللي فصلت وقالت من ربع اويلاه: شدراج انه بدوي
وفرضا انه بدوي 00 اهو مايمثل كل عيال البدو 00 الاخلاق السنعة اصلها من التربية مالها علاقة لا بحضري ولاببدوي

اذكر سالفة ( انتي يالبدوية vs انتي يالحضرية ) موضة طلعت بايام الثمانينات او قبلها وانقرضت بعد الغزو
بس انتي شكلج مخج ماسوى update وللحين على طمام المرحوم
الله يعينج على عمرج

 

[ToOoTi]

حرام عاد كانت عاجبتني

اختي Germanya اعتب عليج بالكلمة اللي قلتيها

الله يهديج احنا بشهر فضيل وبدينا بالعشر الاواخر

تعليقج مو بمحله كلش

 

[Dousreya90]

بنات شدعوه يا حافظ صلوا على النبي
دحرو الشيطان الله يهديكم أحنا الحين في العشر الأواخر من رمضان خليتو الموضوع و قعدتو أتهاوشون على ردها

لازم ادارة المجمع اتصرف معاه ولا خلاص الناس تاخذها عادي امشي أخرب و أكسر وراي واسطه أطلعني بره الموضوع

 

[مُخملْ]

حرآم عليكم آخترب موضوع البنتْ !
شويآب البدو والحضر والفساد والمظآهرات هني؟
شودخخل هذي آلموآضيع بموضوع الثريآ؟؟
آتقوالله بنفسكم ، ه الكلآم محآسبين عليه
كل وحده تدعي على الثانية وتعآير فلانه وعلانه!!!

آلحظر وآلبدو وآلعرب والعيم من عمر عآيشينْ فمكآن وآحد
ومآشي فرق بينهمْ ، ومحد يآ للثآني وعآيره بآصله، شواللي تغيّرآلحيين؟!
،
ولوسمحت آللي تتكلمْ لآتعمم على فئة معينه
آحنآ عآيشين ب.مجتمع فيه الزين وفيه الشينْ
ليش تحكمين على فئة بآكملها ب.شي تسببته مجموعه من
النآس آلمنفلته!

آلله يهديكم بسْ
،
نرد ل.صآحبة آلموضوع:
آلموضوع كله ان هآلولد نآقصه شي بالتربية
والله يهديه !
يعطيج العافيه عزيزتي ، وعذرا بالنيابه عن آلجميع
على موضووعج آللي آخترب :/

 

[بنت العقربيه]

لازم يتعاقب حتى لو كان ولد***يخ او مريض نفسي

بسبب الواسطات البلدان العربيه ماراح تتطور وترتقي

 

[~ بنت الهدى ~]

يا انه مريض نفسي او مب متربـي ..

بس شلون محد منعه !!

 

[~ بنت الهدى ~]

نص مليون كم يعني بالسعووووووودي ^_^ ؟؟؟

 

[مشتاقه لعيونه ~]

ستارز معاج حق

اكيد عليها تأمين الثريا .. ومااااشششي خساره

بس .. / شششلوووون محد منتبه له؟ ..
+ أصلا السوق زحمة هالوقت .. و360 بعد اووووم الزحمة !!

وين السكيورتي وين الناس ؟ .. ماخاف لما قط نعاله تكرمون يطيح على راس احد

ليتها مرة وحده .. يقول بالخبر عدة مرات هههههههههه

يحليله وربي منتهي هالولد ههههههه فطست ضحك

 

[ام هزاع]

اولا :

يستاهلون اجل ثريا بنص مليون ؟؟؟ وناس مو لاقيه تاكل ؟؟ وعوايل مقطوطه ابهاتهم بالسجون بسبب القروض اللي خذوها عشان يسدون حاجاتهم؟؟

وناس مرضى بالسرطان والكلى مو لاقين قيمة الدوا ؟؟؟؟


هالمراهق ما كسر الثريا بس كسر صورة البذخ السخيفه المزيفه اللي ربعها عايشين الدور فيها ....


يابنات قبلها بيوم انا كنت ب360 ... ولما نزلنا تحت والا هالعالم اللي بالكوفيز . حريم ميك اب ولبس وشعر وتسريحاااات الا مارحم ربي


بققت عيوني قلت هذول يدرون انه رمضان ...؟؟!!!!!!!!!






ثانيا : الاخت اللي تقول ويلي ويلاه:

حياتي انتي ترى البدو هم اللي كانوا يسلفون الحكومة ايام قبل .. واذا تبين اقولج منو ... اقولج اسمه الكامل بعد ....


والبدو والحضر اهل واخوان اما اللي يقولون يفكرون بنفس طريقتج هذول مرضى نفسيين وفيهم نقص ..

 

[كيوت حدي]

امبييه كنت هناك يوم الخميس شفتها
استغفر الله صج ياهل ومراهق
مافكر انها ثريه جماليه للمجمع

يعطيج العافيه حبوبه عالموضوع

 

[غٌربَة مَشَشآعِر]

يمكن الولد مريض او فيه شي :eh_s(10):
بعدين انا مو مستوعبه ان الجوتي ((اعزكم الله )) يطيح الثريا..,؟؟<<بجرب في بيتنا

والله يهديكم يابنات على هالهوشه اللي سويتوها بالموضوع :yaaaaaarb:
ترا السالفه ماتستاهل كل هالردووود
كل وحده بالفاظها واسلوبها تمثل تربيتهاا..,

 

[آنسه مسلمة]

((ياأيُّها النَّاسُ إنَّا خَلَقْناكُمْ من ذكرٍ وأنثى وجعلناكم شُعُوباً وقبائِلَ لِتَعارَفُوا إنَّ أكرمكُمْ عندَ الله أتقاكُمْ...))

 

[آنسه مسلمة]

عن النبي صلى الله عليه وسلم قال : " لا فضل لعربي على أعجمي ولا لعجمي على عربي ولا أبيض على أسود ولا أسود على أبيض إلا بالتقوى الناس من آدم وآدم من تراب " قال الشيخ الألباني ( صحيح ) في شرح العقيدة الطحاوية

 

[آنسه مسلمة]

وهذه العصبية التي تظهر الآن في أكثر البلدان للجنس أو العرق أو اللون أو الوطن هي من نوع العصبية القديمة التي كانت تتفجر بين الأوس والخزرج ، وهي من بقايا الجاهلية ورواسبها •
لقد كان بين الأوس والخزرج حروب كثيرة في الجاهلية ، وعداوة شديدة ، وثارات وضغائن وفتن ، وكان بينهم قتال شديد ، حتى جاء الإسلام ، فدخلوا فيه ، فأصبحوا بنعمة الله إخواناً

<<<<<<منقول من منتدى اخر

 

[قفشـه]

آنسه مسلمه أحييج عالرد